صدمني واحد وتامينه جديد وأناتاميني منتهي

معلومات عن سيارتي
الاستماره :جديده
والفحص:منتهي(بس ماسالني عنه موظف نجم)

الخطأ على الطرف الآخر 100%
يتحمله تأمين الطرف الآخر
مالهم شغل في تأمينك لأن ما عليك نسبة خطأ

حتى لو مامعاك تأمين مدام الخطأ عليه لاتشيل هم بيجيك حقك كامل 

مشكورين وماقصرتوا

طلبو منك الرخصه  ؟ 

اذا الخطأ على الي صدمك 
تراجع تأمين الي صدمك هم الي يعوضونك 
والي صدمك يصلح سيارته بنفسه

الـتاجر الـكبير
أيه نعم طلب مني موظف نجم رخصه
وأنا معي رخصه.
kazo123
نسبة تقدير من موظف نجم أنو نسبة الخطأ عليه 100%

عندي أستفسار هل الشركه تامين تخصم 20%الى 25%من الاجمالي.اللي عنده معلومه متاكد منه ياعلمنا

وكذلك أذا المبلغ الاجمالي أقل من5000ريال وأذا زد عن 5000ريال سعر القطع وشغل اليد.

هل يعتمده المرور والشركة نجم ولالا؟
بعد تقدير الورش ومحل القطع الغيار والمرور.
(هل الشركه له الحق العترض على المبلغ الاجمالي)

اهم شي تاخذ تسعير قطع الغيار من الوكاله لان التأمين يخصم مبلغ على قطع الغيار ومعروف قطع الوكاله اغلى من المحلات اللي برا

وانت بعدين تروح لموزع موثوق تشتري برخيص بس لو تروح تاخذ تسعيره من محلات بيعطونك تسعيره بسعر رخيص وبخصم التأمين يمكن تطلع خسران

التأمين ماله حق يخصم من سعر قطع الغيار اساسا تسعيرة القطع تجي مخصومة ولكن هاذي حيلة حتى يخفضو المبلغ

ي اخوان انا شغال بشركة تامين وبالتحديد قسم المطالبات وعارف كل شي وبرد على الاستفسارات اللي فوق

اولا : دام الخطأ على الهندي 100% عليك تراجع شركة تأمين الهندي وهم يعوضونك حقك كامل

الاوراق اللي تاخذها معك ( اذا الموتر بإسمك مو بإسم بنك او شركة ) :

ورقة نجم
والتقديرات 3 ورش ووحدة قطع غيار او تقديرات الكترونية او شيخ المعارض على حسب توجيه مكتب التقديرات
تجيب معك صورة الاستمارة
وصورة ايبان صاحب السيارة موضح فيها اسمه ( صورة البطاقة نفسها ) او تسحب بياناتك من البنك مختم من عندهم
وبس طال عمرك عاد فيه نموذج بكل شركة تعبيه وتسلمه لهم يحسبون لك المبلغ ويعلمونك وتستلمه خلال اسبوعين

بالنسبة للقطع " الوكالة " اي نعم عليها خصم ويفرق من شركة لشركة يعني مثلا تويوتا حتى لو جتني فاتورة وكالة مخصوم منها 20% اترك خصمهم واحسب المبلغ واخصم 25%
فيه عندك مثلا شركة فورد الخصم 10% طبعا الكلام ذا من مؤسسة النقد

واغلب شركات السيارات نخصم عليها 25% بإستثناء كم شركة

طبعا هذا لو تقديرات الكترونية او يدوية لكن شيخ المعارض مانقدر نخصم عليه بالعكس نزيدك حقت التقديرات والسطحه ههههههههههه

هذا اللي عندي واي استفسار انا حاضر

salem almutairi
عندي أستفسار من الجميع:
سيارتي كامري 2007
ودي أسعر القطع من عند شركه تايوتا هل يعترضون الشركه التامين على أسعار القطع ولالا؟
لنوتكلفه الاجمالي طلع غاليه.

وكم فاتورة تسعيره من الوكـاله تايوتا؟؟؟

mq_16

انت تروح على حسب توجيه مكتب التقديرات وش قال لك ؟ قال جب تسعيرة بالقطع تروح لتويوتا فاتورة وحدة كافية تكون مطبوعة بكمبيوتر 

والغالب ان موتر يحولونه شيخ المعارض اذا السيارة متضرره بالحيل خصوصا ان موترك قديم ف يصير التقدير قبل وبعد 

وبيني وبينك شيخ المعارض افضل بواجد لك انت وغصه بحلوق شركة التامين لانه تجينا سيارات بس حكة والفرق بين قبل وبعد ٥ الاف وحنا مجبورين نعوضهم ولا نقدر نخصم 

وهو تلقاه يروح يصلح الموتر وكالة ب ١٠٠٠ او ١٥٠٠

أنت تقصد مكتب التقديرات اللي هو نجم ولا من المرور؟؟؟

mq_16

انت اذا سويت حادث يعطيك نجم ورقة صغيرة تروح للمرور يختم لك عليها ثم يقول لك رح لمكتب التقديرات طبعا الرياض مافيه الا 3 مراكز او اثنين على ما اتوقع

تروح للاقرب واذا جيتهم يشوفون موترك اذا اضراره قوية يعنطونك 3 تقديرات مكتوب عليها مكلفه ويحولونك شيخ المعارض

او اذا سيارتك اضرارها بسيطه يقدرونها لك واذا قال تبي تصلح ورش او وكالة قل وكالة علشان يخلونك تجيب تسعيرة من الوكالة

اللي كان يسوق أخوي ومامعه رخصه قياده والخطأ على طرف الثاني بنسبة100%؟
وأنا صاحب السياره معي رخصه وباسمي.
وفي الحاله يشملني التامين ولالا؟

ايه نعم يعوضونك ومالهم دخل بالرخصه دام الخطأماهو عليك

يعني انت اذا رحت لشركة تامين الهندي ما يتكلمون يقولون ليه السواق مامعه رخصه ومدري وشو

لا عليهم يعوضونك غصب هذا نظام مؤسسة النقد