أضف سؤال أو موضوع جديد          

تركيب مروحه للمكيف

up 20 down 6
برق الحيا 88 614
قبل 4 سنه و 3 شهر



السلام عليكم ورحمة الله وبركاته موضوعي اليوم عن تركيب مروحه لاديتر مكيف الهايلوكس بما انها لاتأتي بمروحه من الوكاله لانها اذا وقفت حوالي ربع ساعه يضعف التبريد خصوصا بالزحمات  المهم نويت اركب مروحه فقلت خل اركب حقت فورتشنر بما ان الهايلوكس تجي فيها مشكوبيات للمروحه لكن طلع سعر المروحه ب720 ريال -_- فمستحيل اشتريها بهالسعر المهم دورت مروحه حصلت وحده صينيه ب65 ريال مقاس 10 انش خذتها وركبتها وفي اثناء التركيب طلعت قواعد المروحه سيئة جدا اثناء الربط تنكسر بسهوله فغيرت الوضع الى اسيام هههه ربطتها بأسيام وضبطت ... نجي لتسليك المروحه اولا نشغل المروحه على البطارية دايركت عشان نشوف الدوران هل هو شفط ام نفخ بمجرد قلب السلك وحنا نبي نفخ وليس شفط اذا عرفنا وضع الاسلاك بالتمام نبدا بالتسليك اولا. نمد سلك من الغمارة الى داخل الكبوت 2 فاز ونربط السلك بالقاطع حق NO.OFF زي بالصورة ثم نوصل فاز واحد من السلك الى سلك المروحه دايركت ونربطه ونحط شطرطون وسلك المروحه الثاني نربطه بالبدي يتبقا لنا سلك واحد حق القاطع ON.OFF نجيب فيوز ونربطه بالسلك ثم نوصله بالبطارية الموجب وخلاص تضبط معك نشرحها ثانيه سلك القاطع واحد يروح للمروحه وواحد للبطاريه اصبع الموجب مع وضع فيوز لتجنب الخطر وسلك المروحه الثاني بالبدي وبس وانتهينا 

سعر التكلفه 
1_ مروحه ب65
2_ قاطع ب10 ريال اصلي 
3_ سلك مترين ونصف ب6 ريال 
4_ شطرطون اصلي ب3ريال 
5_ فيوز ب15 ريال 
6_ المشكوبيات الصغيرة بثالث صورة سعرها 1 ريال^_^
المجموع = 100ريال 
وفرت : 620 ريال 

للمعلومه نويت اركب المروحه على مشكوبيه الوكاله اللي نفس الفورشنر لكن تفاجأت ان لايوجد بها كهرباء فأضطريت للسليك العادي 
الايجابيات : فرق تبريد المكيف نحو 30% 
السلبيات : صوت المروحه لاخفيف ولا مزعج اذا كنت خارج اما بالداخل عادي 










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام
وكيف في فرق
ودي اركب لليارس بس مافي مكان اربط فيه المسامير او اثبت المروحة
بفكر اثبتها على جسر الصدام اخرم بالدريل
انت تقول رابطها بالسيام مع المطبات ما تخاف المروحة تنفك وتكسر لك الرديتر
وتدخل في مشاكل


up 1 down 0
ryyan555 702
قبل 4 سنه و 3 شهر



لاماتنكسر السيم قوي مالقيت طريقه غير السيم لان على قولك مافيه مكان للتركيب وناس كثير ركبوها بأسيام ولا تضررو بشي 


up 0 down 1
برق الحيا 88 614
قبل 4 سنه و 3 شهر



موضوعك يعتبر ابتكار 
عمل مميز 


up 1 down 1
سليم22 141
قبل 4 سنه و 3 شهر



المراوح الصينيه بتشتغل اسبوع واذا طولت لشهر فهو انجاز اذا خربت رح للتشليح خذلك مروحه اصليه تحصلها تحصلها حول 200 ريال


up 0 down 2
Pro rare 448
قبل 4 سنه و 3 شهر



ياليت تعلمني وين مكان السلك الي تقول يجي من الوكالة في الهايلوكس وتركب عليه مروحة الفورتشنر 
ثاني شيء طبيعي ماراح تحصل كهرب بالسلك لان المكيف طافي اتوقع تشغل المكيف راح يوصلك الكهرب


up 1 down 1
mohammad.612 5
قبل 4 سنه و 3 شهر



تحصله قدام رديتر المكيف لكن شغلت المكيف برضه مانفع حاوت لكن مافيه كهرباء


up 0 down 2
برق الحيا 88 614
قبل 4 سنه و 3 شهر



المروحه هاذي انتبه منها لان ماتطول وكثيرين تورطو فيها ولا مسكت خط ودقها الهواء تتكسر ريشه وتكسر معها رديتر المكيف
حاول باقرب فرصه تدور مروحه الكورولا اليابانيه تجي سعرها100ريال ممتاز تلقاها عالكرسيدا القراندي والكرسيدات عامه
والكورولا تجي للمكيف ممتازه جدا للمكيف والحراره تنزل معك


up 0 down 0
احمد شريف 3176
قبل 4 سنه و 3 شهر



انا ما اشغلها الا اذا كنت واقف فقط فقط اذا مشيت اطفيها 


up 1 down 1
برق الحيا 88 614
قبل 4 سنه و 3 شهر



المروحة هذي ضعيفة جدا, ركبتها عندي في الكرسيدا و مانفعت. و ركبت مروحة ماكسيما سحب الهواء 
فيها قوي جدا و صوتها هادي, و فيه ناس ركبت حق السوبارو, برضه قويه. ولازم يركبلها كتاوت 
حتى تقوي من كهربة المروحه.


up 0 down 0
amer ahmed 566
قبل 4 سنه و 3 شهر



المروحة وش صناعتها صينية ام تايلندية؟


لان عندي مثلها لكن صناعة تايلندية وريشتها متينة شوية


up 0 down 0
ryyan555 702
قبل 4 سنه و 3 شهر



ركب مروحة مرسيدس 90الاصليه تبريدها ممتازلهاعلى سيارتي حدودالسنتين الحمدلله ماشتكيت منها حرارة المكينه طيبه والمكيف مشالله ثلج في عز القايله


up 0 down 0
راااايق هواااانا 26
قبل 4 سنه و 3 شهر



دفع الهواء قوي بس الصوت مرتفع شوي وعندك طريقتين للتشبيك الاولى تشبكها مع المكيف واشوف ان الطريقه هذي ءامن عشان ماتظغط على الدينمو والطريقه الثانيه عن تركيب فاصل مثل اللي انت مسويه في الديكوريس ركب المروحه عندكهربائي كويس وفاهم


up 0 down 1
راااايق هواااانا 26
قبل 4 سنه و 3 شهر



اهنيك بصراحة بس ودي تشبك المروحة على حساس الحرارة حق كامري بحيث تشتغل وقت اللزوم وهذا يزود عمرها الافتراضي
ثانيا ياخي في المواقع مراوح صناعة امريكية عملية جدا بس مدري ليش احنا ناشبين بها الصيني والمحلات والمستوردين مايجيبون لنا شي يكد ويمد


up 0 down 0
بريق الرياض 258
قبل 4 سنه و 3 شهر



نسيت شغله اخوي لازم تركب كتاوت عشان مايصيراللتماس للاسلاك عشان حمل الكهرباء يكون عليه ومايضغط على البطاريه والدينمو


up 0 down 0
راااايق هواااانا 26
قبل 4 سنه و 3 شهر



انا كد ركبت مثل طريقة على الاندكروزر 97 ماكملت معي سنه الا هي منكسره وشاقه رديتر المكيف ركبت قواعد لها ودورت بتشليح نفس حقت البلد وبعت الموتر وهي فيه


up 0 down 0
هلي 11 6
قبل 4 سنه و 2 شهر



وشكرا للاخ اللي ماهو عاجبه كلامي وماشي وراي بالدسلايك في كل مشاركه انشالله ودعوه من قلب الاصبع اللي تظغط فيه ديسلايك انه ينكسرولاينقطع ونرتاح منه


up 1 down 0
راااايق هواااانا 26
قبل 4 سنه و 2 شهر



ابصم بالعشرة يا راعي الموضوع ان التبريد بعد تركيب المروحه راح يكون ثلج مثل الفريزر

والتبريد للمكيف بيتحسن وعلطوول يبرد ما ياخذ وقت كثير 




up 0 down 0
بسدك 1365
قبل 4 سنه و 2 شهر



ممتاز ووانصح فالمراوح فالاجواء الحاره بس السوال المهم ابي افضل مروحه اصليه ورخيصه لقيت حقت جمس 96 ب 140 ريال بس مادري كم مقاسها وقوتها ..

اتمنى الي عنده خلفيه عم المراوح يعطينا افضل مروحه للمكيف نوعها وصناعتها ورخيصه واصليه وكم سعرها  اهم شي عشان نستفيد وشكرا لكم 


up 0 down 0
iphone-11 5
قبل 4 سنه و 2 شهر



افضل موقع المروحة يكون بين مروحة الماكينه والرديتر، ويكون دفع المروحه سحب. واذا تقدر ترفع غطى الكبوت بمقدار صامولة ١سم من جهة الزجاج الامامي راح يكون افضل تهوية حرارية للسياره


up 0 down 0
azooz_s
قبل 4 سنه و 2 شهر



الفيش اللي ورا الشبك في الهايلوكس محيرني ليش حاطينه ومافيه كهرب اعتقد انه للحساسات الامامية لاهنتم اللي عنده خبر وش وظيفته يعطينا العلم 


up 0 down 0
walleed711 65
قبل 3 سنه و 2 شهر