ارغب في سيارة فيها بصمة وفتح باللمس

حدد طلبك بالضبط سؤالك مو مفهوم لأن كل السيارات الجديد الفل كامل فيها هذي الخاصية وبعضهم من الاستاندر مثل الالتيما 

الله يعطينا خير ما شرينا ويكفيينا شرها وجميع المسلمين 
معي التيما ٢٠١٧ 
بالنسبة للمواصفات مقابل السعر لن تجدها في سيارة اخري بهذا السعر هذه المواصفات في سيارة اخري لها فرق سعر اخذتها من معرض خطوط الحياة طيس اقل نوع 
المواصفات (تشغيل عن بعد مهم - تشغيل بصمه - دخول بصمه) انا اعتبر هذه المواصفات في سيارة ستاندر ميزات ابدااااااااااع
عزل بطل اقتصادية في الوقود عبيتها فل ٥٤ ريال سرعتي في ١٠٠٠ كيلو الاولي ما تجاوزت ١٠٠ ولا دعس ولا خرابيط 
مشي التانكي معي ٨٠٠ كيلو (اعطوني سيارة مثلها)
بالنسبة لسعر السيارة ٦٠.٠٠٠ الف 
الكورلا ١٧ 
٥٨٠٠٠

مجرد طرحت رأي يخصني لا أجبرك عَلِي شي. والقراء الأعزاء مجرد طرح رأي وانت في الخيار

زي ماقال بندر الالتيما الجديدة سعرها ممتاز ومواصفاتها بططلة

نصيحة التيما 2017 مواصفات على سعر على فخامة على راحه على اقتصاد 

سنترا او التيما

ممتاز جدا...


يعني تشوفون ان الالتيما هي الوحيدة من السيارات الصغيرة فيها
مواصفات البصمة والدخول الذكي. فيه غيرها؟

السنترا وش هي؟

تجربتي ان سيارتي قديمه واغليها حيل وابي بصمه في نفس الوقت وركبت بصمه اكثر من مره كله صيني لاكن للأسف أدائها ضعيف اخر شي ركبت بصمه غاليه للأسف لذلك أشاركك الرأي بشراء سياره في بصمه شد بلد لانه الافضل

عندك المازدا 6 مع خويي من ناحية الشكل والتصميم فهي احسن من الكامري و الاتيماء و الكروز و الفيوجن تصميمهمن برا وجوه ابداع مع خويي زيها وانا معي كامري كله ستاندر مواصفات فيها بطله علي السعر الكامري اوسع اعتماديه

مازدا جيب؟؟؟ او سيدان؟؟

مازدا لاتتدبس في الالتما قسم بالله لتعض اصابع الندم حتى لو شريت جديد وجيت تبيعها طار نص سعرها هي وقيرها الكلبي لا مشيت عليه ابو ساعه على سرعة ٠٦١ صخن ورجع يفصل معك ع ٠٢١ قالك سيفتي قال خذ مازدا بطله سعر ممتاز تصميم جميل واقوى من الالتيما والكامري وكل منافساتها 

سرعة ١٦٠ رجع معك على ١٢٠ 
التصحيح فقط

MIZ33
_______________
ياساتر. وش الي يخلينا نمشي 160 كم .
الدنيا ماطارت وانا اخوك.
. التأني والركادة طيبة . والشيطان عجووووووول.

يعني تبي سيارة علشان تشغيل وفتح بضغطة زر؟
ايش فيها اولوياتك مقلوبة!

ابو نايف
ياخي مب شرط اشتري موتر عشان اسرع انا دافع مبلغ وقدره واخرتها كل شوي يسخن القير صدقني محد يقبل هذا حتى لو ماانت بتسرع مستحيل تدفع بموتر كله مشاكل

اللي يسأل عن السنترا هي صني منفوخه موتر فاشل وانتشاره قليل نيسان من جرف لدحديره موتر سيدان واحد اللي ابدعو فيه هو Q50 وباقي مواترها زباله انا اتكلم عن السيدان لايجي واحد يشطح