انصحني بمشروع

محل جوالات ... مشروع جدا ممتاز ممتاز ممتاز

خصوصا بالوقت هذا

خلي ال 40 الف معك كأغراض واكسسوارات واجهزة .. واستاجر من هالمحلات اللي اجارها الشهري 5000 ريال او أقل .. وابدا اشتغل .. بس يبي لك واحد فاضي وتقوله النص بالنص ... مغسلة سيارات مستحيل تجيبلك ب 40 الف ..

والله وانا اخوك الحين اللي ماشي محلات الجوالات سواءا كشك او طاولة او محل بمجمع او محل على شارع اللي يكون كلها ماشيه

وحنا عندنا محل بمجمع اخذنها ب اغراضة ب 10 الاف والحمد لله الدخل شهريا 10 الاف تنقص وتزود من غير الصيانة طبعا لان فيه طاولة صيانة ب اغراضها جاهزة وبنجيب فيها واحد ان شاء الله

واضمن لك مع الصيانة بيتعدا 15 الف

انت الان لو تقارن مبلغ التقبيل بالدخل الشهري تنصدم

يعني يطلع اكثر من سعره ماشاء الله

الاكيد حبيت انصحك فيه واشوف مجمع بيفتح برمضان بيكسر سوق المجمعات اللي بشمال الرياض


ومكانه وانت على انس بن مالك وجهك شرق قبل ابو بكر تشوفه يسارك

وبالتوفيق

إذا ما عندك وظيفة ممكن تتعلم صيانة جوالات حتى لو خارج المملكة المهم تكون دورة صيانة ممتازة وتشتغل في محل جوالات 6 شهور وبعدها بتكون عندك كل أسرار المهنة

نصيحة لا تفتح محل جوالات وأنت ما عندك أي خبرة حتى لا تخسر فلوسك وتتورط

الشغل مافيه عيب الله يرزقك من فضله ومن يقرأ
من وجهة نظري الجوالات والبوفيات شغلها ممتاز 

خذ العلم من الشريطية روح دورة تدريب ابو شهر و تصير محترف بيع و شراء و انت المبلغ الي عندك زين