أضف سؤال أو موضوع جديد          

وين تتوقعون احصل السياره المسروقه

up 2 down 0
الحر ملك 212
قبل 3 سنه و 11 شهر



سيارة قريبي انسرقت من نوع سكويا وش الاماكن اللي تنصحون ادور بها .. وهل تتوقعون انها تتشلح ؟ الموقع الرياض







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


طبعا كانت في وضع التشغيل


up 0 down 2
الحر ملك 212
قبل 3 سنه و 11 شهر



أسأل الله العظيم أن يعوضه ويرد ضالته وحسبي الله على السارق 


up 5 down 0
hossam 6724 388
قبل 3 سنه و 11 شهر



أولاً: الله يعقلها ويردها له سالمه وعليه بدعاء الليل
ثانياً: وانا أخوك صعب جداً تتوقع وين بتكون وصعب تتنباء بعقلية وتفكير السارق
لو إنها من السيارات الصغيره والمشهوره في التفحيط مثل الكابرس والسوناتا بقولك شوف أماكن التفحيط يمكن تلاقيها
بس سكويا صعبه يمكن بيشلحها ويمكن بيطلع بها برى الرياض ويمكن بيشتغل عليها في السلب والنهب داخل الرياض
ويمكن بيهرب فيها متخلفين
الإحتمالات كثيره وكلها وارده والرياض مدينة كبيره وتابع لها كثيرر من الهجر والمحافظات
ماله إلا يتابع ورى البلاغ كل يوم ويروح بنفسه للنقاط الأمنية اللي على مشارف الرياض ويسألهم وصلهم بلاغ أو لا
سيارة جاري انسرقت قبل مده وتفاجاء كل مايروح لنقطة تفتيش يسألهم عن البلاغ يقولون ماجانا شيء !!
يعني لازم يتابع وراها


up 3 down 0
..original 219
قبل 3 سنه و 11 شهر



الله يردها سالمة اذا بالرياض عندك على طريق مكةجنب وادي لبن او بحي النظيم .


up 1 down 0
ahmad akk 561
قبل 3 سنه و 11 شهر



اسأل الله ان يردها لصاحبها 
اما جهاز التتبع وجب تركيبه 
كل سنه تزيد السرقات الله يكفانا الشر 


up 3 down 0
لا للغلاء 828
قبل 3 سنه و 11 شهر



الله يردها له في القريب العاجل
سكويا لها ثلاث حالات
الوكاله او البنك اذا متاخر في الاقساط
تشليح
تهريب
الله يعينه


up 4 down 0
ali400ali 214
قبل 3 سنه و 11 شهر



اسال الله العظيم رب العرش أن يرد ضالتكم لكم
انا جربت غبنت السرقه


up 2 down 0
ابواحمد.2007 2087
قبل 3 سنه و 11 شهر



قبل 3 او 4 شهور سرق جمس سييرا غمارتين من احد اقاربي من حي السويدي (سلطانه) طبعا طريقة السرقه الموتر مع السواق شغل السياره عند البيت ودخل غرفته بيأخذ حاجه وجاء واحد وسرقها يعني سريع سريع

المهم بلغوا عليها وراحوا يدورنها لقوها بعد يومين في حي الدخل المحدود موقفه
ما صار فيها شيء الا طرف الصدام طايح
وسديريه (جاكيت) حقت الشايب كانت موجوده وسرقها


up 4 down 0
ابوناصر 454 655
قبل 3 سنه و 11 شهر



ليت كل الحرامية كذا يبو ناصر مو يحرق السيارة ولا ينشبها في ماصورة اعوذ بالله
عندي جاري انسرقت الكامري حقته موديل 2001 7 او 5 مرات وكل مرة يلقاها خلال شهر شهرين بالكثير الله يهديه اقول ركب فصلة للمكينة يتكاسل ولا يسويها


up 4 down 0
its_o_o 471
قبل 3 سنه و 11 شهر



أحسن شي يبلغ عليها و يعمم عليها في المنافذ الحدودية و يبلغ امن الطرق بعد 

والله يردها له سالمة 

الله يشل يد الحرامية و يكرسحهم 


up 1 down 0
بدر الباثفايندري 1116
قبل 3 سنه و 11 شهر



اللي يستخدمونه فالتهريب عشان قوة محركاته ووسعه حتى الدوريات ماتطرده


up 1 down 0
ahamd9477 119
قبل 3 سنه و 11 شهر



شف وانا قاعد اكتب هالحين  الله يدري وينها  ويدري من هو الي سرقها. بل هو الي جعله يتنفس  ويبصر. والله بيده الاسباب والمسببات  التي تؤدي لتلك الاسباب  صدقني اذا رفع يديه الى الله وطلبها منه يبي ياتي بها  ولو بعد حين  
الدعاء الدعاء الدعاء  والاستغفار من الذنوب 
وثم يجتهد بالبحث عنها ولا يقول مستحيل  لأن الله ماعليه مستحيل 
هذي سالفه والله لو مأنا مطلع على احداثها ماصدق  صارت قبل سنه تقريبا  واحد تم سرقت موتره  وهو مايدري عنه بشي  واخذ يومين تقل فيه حاله هستريه يمشي بشارع بالحارة الي هو فيها  ويسئل  عن موتره  حتى الي معه انتقدوه بطريقته ويضحكون عليه
 ويمشي ويطق على البيوت  المجاوره   ويسئل  وبعده  مر على ناس واقفين  برا وقال ماشفتو  الموتر الفلاني سرق مني. وسالفته كذ كذا  قال واحد من الظيوف الي عند صاحب البيت  انا مار بذاك الوقت  مع الشارع  ولا فيه احد الى  مجموعت شباب واقفين  بذاك الموقف  وبعده راح يراقب ذاك الموقف وفعلا  يلقى فيه شباب يتكون هناك بين فتره وفتره   ر
راح يراقب متى يتجمعون ومتى يتفرقون  وين بيوتهم لين عرفها  وبعده راح  لواحد منهم  ببيتهم وقال  اسمع ( من باب الاستدراج). الموتر حلالكم وانا مابلغت  مابغى اضركم  ابغى الوضع ينتهي ودي  كلنا شباب وعارفين البير وغطاه  بس بطقاتي  والموتر اهم شي يرجع لي  سالم  ولاابي منكم شي والى ترا عارفكم واحد واحد لو تبونها  بالعانه تراي العن منكم  وتبونها باوديه نجي معكم   علم الي وراك والسلام عليكم  وهذا رقم جوالي  اهم شي دام الوضع مسيطر عليه لاتخسرون واجد  وزي ماقلت البطقات هي همي هالحين والموتر بعدين نتفاهم  بس لايجيه شي ومشى من عنده
كانه واثق  منهم انهم هم الي سارقينه  بعده بايام  لقى البطقات مخذوفه قدام بابه وبعده تاكد منهم وراح لشرطه وعلمهم بالي حصل واستلم القضيه البحث لين جابوهم وبعد شهور اعترفم انهم هم السارقين  
 بس صاحبنا هذا يقول من الغبنه الي في اقوم نص اليل واصلي وادعي  لين جابهم الله  
حتى الشرطه ماهم مصدقين بالي صار  ونفس السارق بالسجن يسولف على العسكري الي عنده يقول وشلون جابني مدري    


up 2 down 0
الاش 621
قبل 3 سنه و 11 شهر



أشكركم جميعا واحد واحد .. وأسأل الله أن لايريكم مكروه ويحفظكم وإستفدت من ردودكم الله يجعلكم ذخر,, إنتشرنا في كل مكان بشرق الرياض وغربها وشمالها وجنوبها .. لكن كأنك تدور أبره بقش ..

لكن أذا كنت يامن سرقت السياره تقرأ رسالتي فوالله لن تجني إلا الدعاء ودعاء المظلوم ليس بينه وبين الله حجاب , وين بتروح من ربك يامسلم وش بتسوي في قبرك وفي آخرتك لمن يسأل رب العباد , والله العجوز والأخوان والأقارب كلهم يدعون عليك ..

لا يبليك الله في نفسك أو أهلك , اسألك بالله يامن سرقت السكويا بحي النفل إنك ترجعها بنفس الشارع اللي سرقتها منه وأشهد ربي أن عليك الأمان بعد الله ..

تراك سويت نكبه لصاحب السياره أنت ماتدري عنها , رجال مديون وعنده أهله مريضين يراجع فيهم المستشفى .

حسبي الله ونعم الوكيل على كل سارق .


up 1 down 0
الحر ملك 212
قبل 3 سنه و 11 شهر



اللي يقهرك إن السارق يوم يسرق مايفكر في الشخص اللي سرق منه
مديون , مريض , شاريها أقساط , عنده أطفال مرضى ويحتاجون مراجعات ومستشفيات وحيلته وراس ماله بعد الله هالسياره اللي سرقها بكل استهتار
أسأل الله الكريم رب العرش العظيم أن يردها له سالمه من كل سوء
والله العظيم شيء يقهر
اذا له معارف في الدوريات يكلمهم ويوصيهم على سيارته وإنشروا مواصفاتها في قروبات الواتساب
وفي كل مكان لعل وعسى



up 1 down 0
..original 219
قبل 3 سنه و 11 شهر