أضف سؤال أو موضوع جديد          

نعم ـ غيرت زيت القير للكامري ولله الحمد

up 23 down 0
moha1407 183
قبل 3 سنه و 10 شهر



السلام عليكم ورحمه الله وبركاته

اسعد الله مساءكم وصباحكم بكل خير اخواني

موتري كامري 2008 ماشي 600 الف

لاحظت تندية في الكرتير ونقص بسيط في زيت القير ( اوتوماتك) + بداية تأخير ونتقات وخاصة بالثالث ، طبعا انا اشتريت السيارة كانت ماشية 400 مشا الله

المهم كل من شاورته قال اترك القير لين يخبط وغيرهمره وحدة .

المهم انا ما جاز لي هالكلام ابد ، اشتريت زيت قير اصلي الي يجي فضي ومعجون اصلي وفلتر اصلي ووجه .
رحت لورشة كلها فلبينيين ودخلت الكامري ، قال وجه مانبيه رجعه ، ضبطه الفلبن وقال اعطيك شهر ضمان على التندية او التهريب.

الحمد لله الان وضعه تمام ، لكن اول 1000 كيلو كنت ما اجور عليها ، مشيي كان جدا بطي .

ولي الان ما يقارب الشهرين ولله الحمد

الايجابيات : تعشيقات القير مشا الله اكثر سلاسه من اول .
ملاحظة: اذا كان الموتر بارد النمره الثالثة تنتق نتقه خفيفة جداً


حبيت اشارككم تجربتي لعل يكون منها فايدة

وااسف على الإطالة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


انا دائما انصح بالعمالة الفلبينية عندهم دقة واتقان ماتحصلها بالجنسيات الاخرى


up 12 down 0
296
قبل 3 سنه و 10 شهر



العماله الفلبينيه طيب شغلهم بس السعر عالي لكن ضمان

الشئ الثاني

اللي يقولك لاتغير زيت القير هذا يبي خسارتك

الحين الزيت يوم غيرته مع الفلتر وشغل اليد ماكلف اقل من الف

لكن لو على كلامك صاحبك وغيرت القير بيطق حول 4000 الاف




up 7 down 0
aboahmed2014 1150
قبل 3 سنه و 10 شهر



ياسلام عليك
صورة مع التحية للي يقول اذا الممشى كبير اتركه لاتغيرة
واذكر اني غيرت زيت قير كامري 2001
ماشية حول 300 الف ميل ولا جاها الا العافية
احييك على ماسويت وعلى الموضوع المفيد


up 8 down 1
الرفاعي33 13911
قبل 3 سنه و 10 شهر



ماشاء الله تبارك الله. وبئذن الله. ماتواجه الا كل خير 
ومشكور على. الموضوع. وبئذن الله الكل يستفيد من تجربتك 


up 1 down 0
سبحان الرازق سبحانه 2511
قبل 3 سنه و 10 شهر



الله يبارك لك بموترك ويعطيك خيره ويكفيك شره

فعلاً مايفوز الا الجسور

غيرته ولاانتظرت يخبط عليك وهذي يبيلها قوة قلب كفو والله



up 4 down 0
االخاالدي 3898
قبل 3 سنه و 10 شهر



يالرفاعي انا غيرت زيت قير الالتيما 2009 cvt
على ممشى 220000 وطق القير مع العلم غيرته بالتدريج
اسحب علبه واضيف علبه بالنهايه طق وخسرت 5500 قيمة قير
وضرب علي مره ثانيه على ممشى 285 الف وغيرت القير
حاليا لو ضرب مره ثالثه برمي السياره تشليح مع العلم السيارة 
ماتعاني من شي ابدا عموما ماانصحكم تغيرو الزيت على ممشى 
عالي وكل واحد ونظرته


up 4 down 2
احمد 170 241
قبل 3 سنه و 10 شهر



المشكله في السيارات ممكن تحصل سياره ماشيه ٢٠٠ الى او اكثر لاكن اثبت زيت القير مع المستخدم الي قبلي كان مواضب عليه تغيره في سيارات له عشر سنوات و ٥ سنوات ماقد غير له زيت قير يمكن تغيره يضرب او انت حضك


up 0 down 0
محمد ال سلمان 821
قبل 3 سنه و 10 شهر



احمد الالتيما قير سيفيتي يخبط زي السلام عليكم اعرف اكثر من واحد خبط عليه اثنين نفس وضعك اول ماتعدى 200 الف خبط


up 1 down 0
x-bariq 181
قبل 3 سنه و 10 شهر



اهنيك على مبادرتك والحمدلله ماصار منها خلاف وتتهنى ان شاء الله
فيه ملاحظه على كتابة مشا الله ما تكتب كذا تكتب ماشاءالله واناخوك
الاصح والافضل عند مشيئة الله انك تكتبها صحيحه
وفقك الله


up 2 down 0
ابو عبدالله احمد 3504
قبل 3 سنه و 10 شهر



اهم شي بعد ماتغير الزيت ماتشد على السياره ممهما كان



up 0 down 0
fahd077 306
قبل 3 سنه و 10 شهر



سبب تخبيط القير العالم اللي تشد على السياره المفروض اول ماتغيره الاربي ام مايتعدا 3


up 0 down 1
saleh3177 46
قبل 3 سنه و 10 شهر



ما شاء الله

الله يحفظها لك وخطوة جريئة ياليت تكمل معروفك وتقول لنا وين الورشة وباي مدينه


up 2 down 0
hmhs1987 185
قبل 3 سنه و 10 شهر



سبب التخبيط هو انه اصحاب العقول اللي عندنا يغير الزيت و مايمرن يا اخوان ترا القير لازم يتمرن بعد تغير الزيت عشان القير يتعود ع الزيت
بالكثير 1000 او 2000 كيلو و خلاص
الحين يجيك واحد يقولك مايحتاج تمرين
تمرن =يقعد معاك القير
ما تمرن =يخبط معاك القير
من واقع التجربة في اللومينا كانت بداخل مويه مع الزيت و غيرت4 مرات و اخر مرة مع الفلتر
بزيت اصلي و مرنتها شهر و بعدين خلاص اشد عليها و امشي فيها استخدمتها 8 شهور تقريبا
وبعتها قبل اسبوعين و شريت لي اكورد 98 فل كامل استخدام امريكي ماشية 400 و شوية و راح انزل موضوع عنها ان شاءالله


up 2 down 3
fowad 122
قبل 3 سنه و 10 شهر



تغيير الزيت اذا كان عند واحد شغله نظيف لاتخاف 
واحد من اخوياي معه لكزس es 350 شراء السيارة واستخدمها فوق سنة وما غير الزيت صار القير فيه تنتيع طقه قويه والتعشيق مو تمام تحسها تعلق وراح عند واحد خبره وشغله نظيف راح له بعد ما سال اكثر من واحد المهم كشف ع الزيت لقاه ربع علبة بس اللي في القير وراح حط زيت علبه عشان يمر وينظف الوصاخه اللي في مجاري القير وسوى شفط وغير الزيت وسوى كم شغله بالكمبيوتر وماشاء الله صارت أخت الوكالة واخذ منه ٨٥٠ ريال بس 


up 0 down 0
استغفر_الله30 261
قبل 3 سنه و 10 شهر



ما شاء الله 

حبيت أضيف على موضوعك انا غيرت زيت قير مرسيدس e350 ماشية ٥٠٠ الف وماجاها الا العافية 


up 1 down 0
شبح 600 sel 6081
قبل 3 سنه و 10 شهر



مشكورين على الردود والأثراء يا اخواني
بالنسبة للي سأل عن الورشة هي في صناعية مخرج 28 اسمها الرواد على ما اعتقد، والي اشتغل عليها فلبيني


up 0 down 0
moha1407 183
قبل 3 سنه و 10 شهر



صأحب الكامري راحت انتقه الي بثالث بعد تغيير الزيت أم لا افيدنا جزاك الله كل خير
عندي نفس المشكله


up 0 down 0
ابو احمد محمود 2000 20
قبل سنه و شهر



كيف طريقة تمرين السيارة بعد تغيير زيت الجير


up 0 down 0
ابو احمد محمود 2000 20
قبل سنه و شهر