أضف سؤال أو موضوع جديد          

يخوان انصفوني

up 7 down 5
ahmaad12 65
قبل 5 سنه و شهر



اخواني انا عارض اسطبات كامري 2006 بحراج اصليه حقت الوكاله
حلو المهم فيه رجال كلمني وقال يبي يشوف السلعه قلتله
سوم قال 300 قلت طيب تعال شوف السلعه
المهم ويوعدني الساعه 4 انه يكون عند الباب
المهم احتريته لين 5 وعشر ثمن طلعت من البيت وخليت
جوالي بالشاحن والرجال ماتصل علي الا 5 واربعين المهم انا مارجعت البيت
الا بعد المغرب ولا اشوف اتصاله
ودقيت عليه وقلتله انت منت دقيق بالوقت لطعتني ساعه
قالي زحمة الطريق وانا جاي من الشفا
قلت انت ماقلتلي انك جاي من الشفا قلتلي انك تجيني 4
ولا جيت الا 40:5 قالي طيب قرب نسير نتقابل بالنص انا مامعي سياره حاليا
فقلت لا تعال وخذ واشتر سكت وقطع الاتصال
ثمن كتب بموقع حراج اني نصاب واني اطلقت البيعه وبيع مدري ايش حرام انصفوني ياخوان
وانا الا الان اتصل عليه مايرد







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الخطأ منه تطمن
هو اللي اخلف الوعد ولا عليك منه


up 5 down 0
احمد 170 245
قبل 5 سنه و شهر



ينصفك الله سبحانه
ولا يهمك ولا عليك منه
وطنشة لاتتصل علية ولا شي



up 5 down 0
الرفاعي33 13914
قبل 5 سنه و شهر



قصدك عطاك تقيم سالب للعضويه وكتب انك عنك نصاب

ما عليك منه

حسابه عند ربي وربك

لان اي شخص قبل يحط التقيم او حتى لو يكتب رد في الاعلان

لازم يوافق على التعهد امام الله

ودامه كذب في دعوته

فالان انتقلت القضيه الى رب السموات والارض

انت اكتب تبريرك وقل حسابي وحسابك عند الله سبحانه

وراح تشهد يدينك وش كتبت ضد الناس بالباطل


up 6 down 0
ابوخالد1397 2893
قبل 5 سنه و شهر



اعلانك ما فيه اي رد سيء ولا حتى تقييم سلبي, مرسلك خاص عاد هذا بينك وبينه
المفروض بعد انت لا صرت مواعد شخص انه يكون جوالك معك او تتصل عليه تتأكد منه لان ما تدري
وش صار على الطرف الاخر .


up 3 down 3
ahmad m.a.a 31
قبل 5 سنه و شهر



كاتب بالعام وانا حذفت وتمنيت اني ماحذفت


up 0 down 0
ahmaad12 65
قبل 5 سنه و شهر



زين ما سويت بس احذف رده و امنعه من الرد
بس لا تاخذ و تعطي معه بالردود
ما يمديك تحذف ردك


up 2 down 1
مثقف سيارات 1149
قبل 5 سنه و شهر



اخوي ابراهيم اسف على الديس لايك حاولت اعطيك لايك عيا قلت احط ديس لايك ثمن احوله لايك لكن عيا


up 4 down 1
ahmaad12 65
قبل 5 سنه و شهر



ومشكورين على مروركم يا اخواني


up 2 down 1
ahmaad12 65
قبل 5 سنه و شهر



يارجل انت شايل همه؟
لو انا منك اجيبه مرة ثانية واذا وصل م ارد عليه او اقوله هونت عن البيعة نظير افعاله !
وانت ترى مالك شغل فيه جاي من الشفاء اوجاي قريح بينك وبينه موعد الساعة ٤ وهو كان لازم يتصل عليك ويبلغك اذا صار له ظرف 
احذف رده وبلغ الادارة عنه


up 2 down 4
دكتوراه في الحب 164
قبل 5 سنه و شهر



يا جماعة لما يقول انا جاي من الشفا او من مكان بعيد ماهو عذر انه يخلف الموعد
يعرف ان المشوار بعيد وموعده الساعه 4 يطلع قبل وقت الموعد مو يربط الرجال
ولاهو اللي جاء وتمم البيعه
ولا هو اللي اتصل واعتذر وقال بتأخر
ولا هو اللي خلا الرجال يطلع يخلص شغله

ماعليك منه انت ماعليك شي وبيض الله وجهك اللي انتظرته ساعه

انا ابيع بموقع حراج واواجه كثر نفس هالعينة اعطيه 10 دقايق بعد الموعد المتفق
واكلمة اللي يرد زين على زين واللي ما يرد انتظر 5 دقايق بالموقع وامشي .

بعضهم يرجع يتصل ويعتذر انه بزحمة او يعتذر انه انشغل او يعتذر انه نسى الموعد
ولطالما انه اعتذر مالك عليه شي والله يساعده

وبعضهم يطنش ولا كانه فية شي وبعد شهر يجي يراسل واتس اب ويطلب قطعه يحاسب
المحادثه انمسحت من عندي هذا النوع اخذ حقي منه هههههههههه

طولت وكثرت لكن بعطيك خلاصة الكلام

دامك دخلت السوق وانا اخوك تراك بتواجه الصاحي والمريض والمتعلم والجاهل والمتفيهم
واللي يتهيبل والفاضي وكل طبقات المجتمع لذلك خلك مستعد ولا تضيق خاطرك ورزقك على الله
ماهو على تقييم سالب او ايجاب

اتمنى لك التوفيق


up 2 down 2
التميمي 112 239
قبل 5 سنه و شهر



الفضاوة تعمل عمايلها؟؟؟


up 1 down 2
asaa1386 48
قبل 5 سنه و شهر



انما الاعمال بالنيات


up 1 down 0
المعتصم بالله 6519 443
قبل 5 سنه و شهر



السموحه بس في ناس منزوع منها الحياء. يعني تاخر عليك وتالي يقول قابلني بالنص.وفي الاخير يتهمك !!!! لو هو جاد كان اتصل وخبرك انه بيتاخر
رايتك بيضاء اخوي احمد ولاتنتظر احد ينصفك .ربك هو المنصف


up 2 down 0
midnight_963 676
قبل 5 سنه و شهر



https://haraj.com.sa/1121223823


up 0 down 0
ahmaad12 65
قبل 5 سنه و شهر



يد ماسرقت ماتخاف القطع
وانت انتظرته وما عليك منه
اما تهمة حرامي وما حرامي
الكلام ماعليه جمرك وانا اخوك


up 1 down 0
abo wasn99 11
قبل 5 سنه و شهر