قصتي فالمحاكم وتاجير السيارات
12
4
إضغط هنا للإخفاء
السلام عليكم
راح اذكر لكم معاناتي الا الان وانا اعاني فيها وان شاء الله يتعضو منها ناس كثير
نزلت لكم موضوع سابق ادخلو على اسمي وقرو القصه
السالفة
مع صاحب مكتب تاجير اسال الله ان لايوفقه دنيا واخره
استاجرت سيارة كذا يوم لحاجتي لها
طبعا كانت النترا موديل حديث طبعا المصري طلب مني مبلغ 5000 ضمان مالي
قلت له ليش ادفع 5000 ماعندي
وبعد مفاوضات عطيته الف ريال
وعلى جهلي وقع لي كمبيالة فاضية استغل جهلي بالامور ذي
وبعد ماوقعت الاوراق سلمت له السيارة مافيها شي السيارة جديدة
جاء دخل راعي المكتب ومعصب قال انت مفحط بسيارة قلت سلامات بزر افحط
رجال متزوج وعندي عيال
المهم قال والله لاشتكيك بالمحكمة قلت على ايش ؟
قال ادفع عشر الاف ورح
قلت والله مادفعها تتهمني اتهام باطل ؟
قال راح نروح بنشر نتاكد من الكفرات ورحنا 5 بناشر قالو مافيها شي
ودخل راعي المكتب تحت السيارة شاف نقطه بصدام الخلفي قال هذا وش
قلت ليش ماشكيت عليها اساسا قبل تعطينياها ليش مادخلت تحت السيارة
معقولة ي ناس في عالم كذا
قال اجل الي يفصل بيني وبينك الوكالة قلت اوك
وراح وجاب تقرير استغرب ان الوكالة كاتبين بتقرير فيها صوت بالكفرات نتيجة تفحيط
وش عرف الفلبيني بالتفحيط ممكن فرامل اوشي مع ان السيارة مستاجرة قبلي
وليست اصفار
وبعد سنه جاني من المحكمة التنفيذ امر بسداد مبلغ 13 الف
نزل لي كصاعقة والله حرام ذا الظلم
رحت المحكمة الجزائية وسويت شكوى
وقايل لشيخ ان السيارة فيها ثرثرة عالية ومدري ايش
والله ي ناس والي خلق الكون مافيها شي السيارة ولا اي ملاحضة
ولا صار فيها اي شي محافظ عليها كانها سيارتي
انا مادري ايش هذي المصيبة الي حصلت لي
وحظرت ثلاث جلسات ولا كلمت الشيخ الا مرة وحدة وسمع مني كلمه ومن الرجال
كلمه وقال بدرس الموضوع
وحكم الشيخ ان تمشي الاوراق نظاميا ورفعتها للاستئناف
وايدو الحكم وش ذا الظلم والقهر يعني لو الرجال حاط بالكمبيالة مليون خلاص ياخذها
واليوم حصل لي ايقاف خدمات
والله ي ناس اني اكلمكم مقهور من ذا الظلم
ولو شخص اخذ منكم ريال بغير وجه حق او رضاء قهر
الي حبيت انبهكم فيه انتبهو من مكاتب التاجير
والحين ماخذينها حركه
يوقعونكم على كمبيالة سند امر
فاضي ويحطون اي مبلغ يبونه
ولاتستاجرو لاحد ولاتكفلو احد
اخذو العضه والعبرة مني
انتبهو انتبهو
والي يقدر يساعدني بالمصيبة الي انا فيها الله يفرج همه يتواصل معي
إبلاغ
سيارات للبيع
الردود
0
0
قبل 7 سنه