إحترنا في نوع الزيت بعد توضيب المكينة.

توكل على الله وغيره وبإذن الله امورك تمام بس المهم تشيك عليه وتلاحظ عالمكينة لو فيها تغيرات رجع زيتها الاول

حبيبي انت الان في تجربة وتمرين للمكينة بعد التوضيب خليك على كلام المهندس افضل على القليل فترة التمرين عشان تجرب المكينة عشان لو فيها عطل معين او تهريبات او دخان تقدر ترجع له السيارة تحت الضمان لانك لو غيرت الزيت راح يقلك انا قلت لك استعمل الثقيل وانت غيرت للخفيف ويقدر يلاقي له حجة وانت تتحمل المسؤولية
لو مشيت بالسيارة ان شاء الله وامورك سليمة غير الزيت

الي أعرفه 20/50 للي تحتاج توضيب
أما بعد ماوضبت نصيحتي ومن تجربه عندي الان 3سيارات بترومين10/30 الي علبته بيضاء موتر كرافت حلو وغالي تكه
بس اشوف بترومينافضل كسعر وكتحمل توي مغير زيت ماشي 7800ماشاء الله ماتغير اللون او نقص

شوف الكتلوج وغالبا يكون 10w30
الثقيل عيبه يقلب لونه بسرعه و قوي على صوف المكينه و يجعل صوت المكينه مرتفع
كلم المهندس انك بتغير اللزوجه الى 10w30
وجرب وكل 1000 كيلو الى 3000 شيك على الزيت و لاتضغط السياره
اذا مشيت تمام استمر عليه .

20/50 كنت أستخدمه لجمس
لكن بعد التوظيب غيرته إلى 10/30
فرق معاي في أشياء كثيرة
صوت السيارة وضغط الماكينه في الخط

بالنسبه للكامري من 2003 الى 2011
الزيت المفضل لها
5w30 مواصفات SM فأعلي


طبعا نمتلك للان كامري 2004 مشتراه عام 2005
ومن جهل مننا كنا نستخدم لها زيت 20w50
وكنا نعاني من نقص والخ

المهم في عام 2013 بشهر 8 ميلادي خبطت المكينه
وركبت لها مكينه وارد اليابان استعمال ياباني ..
اخذتها ب 6500 ايامها كانت غاليه
ومن ذاك الوقت الين اليوم
نستخدم لها اي سي ديلكو الذهبي 5w30 مواصفات SN
والتغيير كل 10 الاف مع الفلتر
والحمدلله انتهاء النقص للابد والتبخير والخرابيط كلها
........



*** معلومه
زيت 10w30 كان مفضل للسيارات
اللي انتجت محركات مابين 1990 الى 1996 و 1997
وايضا حتى ممكن 99 في بعض السيارات
المهم انه كان مفضل للمحركات من انتاج 1990 وقبلها بقليل
.........


واستغرب صراحه يوم اشوف واحد مثلا موتر 2016
والسياره متغير شكلها ومكينتها مثلا بعام 2014
ويستخدم لها 10w30 !!!!!!!!

انا انصحك تستخدم 20 50w مثل ماقال لك المكانيكي بس دور نوع غير تويوتا مثل شل هيلكس لان الزيت الخفيف بتسمع منه اصوات طقطقه خفيفه بالمكينة فالزيت الثقيل يخفيها 

جرب 10 30 لكن تابع السياره يوميا وتفقد لا يكون فيه 
تهريب ....وصوت المكينه ...لاحظه زين 

خلك على 10/30 احسن واخف للمكينه

وزيت موتر كرافت افضل من بترومين مواصفات sn وقيمته ١٤ من الوكيل كويك بارت او نفس الوكاله

صوت طقطقة  وهو توه موضبها بس خلك على الزيت الثقيل اذا انتهى الضمان او كذا غير للخفيف 

خليت كلام الميكانيكي ورايح لكلام الناس بعذرك موضب مكينة

انا برأيي جرب الزيت الثقيل وجرب الزيت الخفيف وشوف ايش ناسبك لان هنا بالمنتدى بتتحير زيادة وفقك الله والمسلمين .

انا لي اكثر من 14 سنه استخدم شل العلبه الحمراء العاديه وكذلك اخواني والوالد

مواترنا فورد وكامري وفورتشنر ولكزس ودتسن والحمد لله مافي اي مشكله

حبيبي زيت تويوتا أنا ما أغيره أبدا لاكن بالنسبه لك سيارتك موضبه ممتاز جدا بنفس الدرجه وأفضل زيت بهذي النوعيه هو سوبر شل وبعده الترا 7  وتويوتا .. غير الي تبي منها وترتاح له والله يوفقك