ماهو افضل زيت للهايلكس 2016

صباح الخير
بالنسبة للزوجه راجع الكتالوج
واما الزيت من تجربة على موتري كاسترول ماجناتيك
5w30 جربته الى 12 الف زيت كفو ماينقص
ولي 3 سنوات استخدمه ممتاز للمكينه

مثل ماقال اخونا الرفاعي

استخدم زيت 5w30 تخليقي بالكامل مواصفات SN
كل 10 الاف مع الفلتر
بغض النظر عن اسم الشركة

ولنا سنتين نستخدمه على هايلوكس 14
من وهي اصفار للان ..

مدرس عاطل شفت لك في مواضيعك صوره كتلوج هايلكس 2016 وكاتب عن انواع الزيت بس ما فهمت ياليت تدلني على نوع الكويس غيرت كم نوع وماجازت لي

والله اني مدري وش تقصد

لكن استخدم لزوجه 5w30 فقط

والتغيير كل 10 الاف مع الفلتر وصلى الله وبارك

جزاك الله خير اخوي الزوجة عرفتها 5w30 بس افضل نوعيه احط بترومين او كاسترول احترت في نوعيه

كيف يمشي على الفلتر 10 الاف ولازم تغيره على 5 الاف

الاخ صاحب الاعلان :

انظر للكتيب او الكتلوج تبع سيارتك تحصل فيها اللزوجة المناسبة والموصى بها ، لا تسأل احد ، الكتيب فيه المعلومة الصحيحة اللي تبحث عنها

افضل لك من الافتاء واخذ اراء الناس بلا علم لان اللزوجة الغلط صدقني تلعب بالمحرك

( في الكتيب تجد نوع الزيت الموصى به وكذلك اللزوجة الموصى بها ))

اخوي عبدالله كل شي واضح في الكتلوج الزوجه وتصنيف بس النوع ماذكر انا محتار بين بترومين وكسترول

المالكي من يقول ان الفلتر ممشاه 5 الاف فقط ؟!

والشي الثاني عشان تكون بالصوره وتستوعب
مر صيانه تويوتا حتى لو مامعك تويوتا
واسألهم فيه صيانه عندكم 5 الاف و 10 الاف
وشف وش يردون انت من النوع اللي يقدس الوكالات

المالكي ضروري تمر الوكاله وتسالهم بكره وتجي ترد هنا





صاحب الموضع حط من اي شركه تشوف سعرها مناسب لك ومتوفر عندك
المهم انه 5w30 تخليقي بالكامل SN
ويتغير مع الفلتر 10 الاف

الله يعطيك العافية

بترومين 1 a

Sn 5w30 

ممتاز جدا تغير كل 10 الاف 
وفوائدة اقل في التبخير
يقلل صرفية الوقود
زيادة عزم المكينة تكون خفيفة نفس ومرتاحة

بالنسبة للفلتر سمعت تغير مرة ومرة لا

لكن انصحك تغير مع كل تغييرة زيت

غير زيت تايوتا لاتستخدم اي زيت من واقع تجربه،بشرط يكون اصلي
حتى لو كان من عند البناشر بس يكون اصلي