سيارتي كامري 2014 طلعت مقلوبه آيش اسوي؟
11
3
إضغط هنا للإخفاء
السلام عليكم ورحمه والله
يعلم الله ان الغبنه ذابحتني , شريت لي سياره قبل سبع شهور
والسياره من البدايه مارتحت لها ولا ارتحت لراعيها
ولكن قلت مابي احكم , بافحصها وبشوف , وفعلا فحصتها ولا كان لي اي علم بالسيارات مأفرق بين المساعد والهوب , مره مالي خلفيه
وديتها محل فحص معروف عندنا بالمدينه , ودي اقول اسمه لكن خوفي يضروني
المهم فحصها لي وقال لي السياره نظيفه مافيها الا المساعدات والكفر والهوب يبي له خرط , قلت له " أمنك بآلله , انا مالي خلفيه بالسيارات بالمره
" وييسألني , استخرت بآلله ؟ قلت اي , قال اجل خذها وانت مغمض!
وتو وديتها لمحل بمجمع القبلتين شيكت على الجويزه وعلى المساعدات ,
وبنفس الوقت كان في صوت بالباب اليسار وسألت المكانيكي قال ذي ماهي عندي رح لسمكري
يوم جا السمكري فك الديكور ويلقا له كرتونه ويوم شفت الوضع كذا وانا امسك راسي , قلت له تاكد من تنسيم بالباب تأكد لي من وين , ويفك لي الجلد ويلقا اطراف الباب فيها سنق
ويشيك على السقف , لقا السقف مقصوص , ويأكد لي السمكري بنفسه ان السياره مقلوبه ومصدومه من الجهه اليسار الي ورا , الى الجهه اليمين بالأمام بالمقلوب
أسالكم بآلله , وش اسوي انا بالحاله ذي. هل لي الحق بأني اشتكي ويرجعون لي حقي؟
وذا كان القانون لا يحمي المغفلين , كيف ابيع السياره بدون لا اغش احد ؟ وهل سعرها وهي كذا تجيب لي موتر نظيف؟
إبلاغ
الردود
اشتريت لي سياره من البيان ........
واكلت خابور محترم الدبل غيرته ب ٦٠٠٠ ريال
0
0
قبل 7 سنه و 7 شهر