أضف سؤال أو موضوع جديد          

واحد صدم سيارتي ومتهرب عن الحضور ما الحل ؟

up 1 down 1
grshp 245
قبل 5 سنه و شهر



السلام عليكم ورحمه الله وبركاته

مساكم الله بالخير

واحد صدم سيارتي يوم 1438/6/1 يعني قبل شهر وأسبوع

جاه المرور باشر الحادث وحط الغلط على الطرف الأخر 100% الطرف الأخر جالس يبرر ويغير كلامة
بعدين العسكري اللي باشر قال تتحول للمرور وحولها المرور بدون نسبة خطأ

بعدها بيوم جيت المرور دقو على الطرف الثاني وجاه اتهرب قال انا مسافر وماني راجع غير بعد اسبوع
المهم بعد اسبوع رحت أراجع المرور وجاه الطرف الثاني الظابط حقق معانا وحط على الطرف الثاني الخطأ 100%
وقام يتهاوش ويقول الغلط ما اتحملة 100% المهم الظابط كتب في الكروكي انه غلطان 100% انا تركتهم يتهاوشون ورحت للعسكري عشان اخذ ورقة تقدير شيخ معارض
رحت قدرت ورجعت ما اخذت 5 دقايق طلع التقدير 7000 ريال

رجعت المرور وديتلهم التقدير والطرف الثاني مشى يدقون يدقون ما يرد كل يوم لمدة أسبوع متواصل أراجع المرور والرجال ما يرد
بعد الأسبوع الرجال قال بحولها للمحكمة عطوني ورقتين للمحكمة وعطو الرجال الورقتين نفسها الأولى وصف الحادث الثانية تكتب فيها مواصفات السيارة
المهم عبيتها في نفس الوقت وسلمتها أدور الرجال شرد دقو عليه قال انا مداوم بجيبلكم الورق بكرا

لحد اليوم الرجال ما أعطاهم أوراق المحكمة

الحين المرور قدموا عليه إيقاف خدمات قبل 3 أيام وأنا مشيك بنفسي ما عليه أي إيقاف خدمات

الحين بسألكم : -

1. أنا سيارتي ماتمشي بسبب الصدمة هل لي الحق إني أطالب بتعويض إضافي بما انه عطلني عمداً عن التصليح ؟
2. إذا المرور قدم إيقاف خدمات بعد كم يوم تتوقف خدماته ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


حياك
ياخي بنفهم شي من نظام هالمرور
اي واحد مامعه تامين عنده خيارين لاثالث لهم
ياانه يجيب كفيل والا ينقز للتوقيف 
انت المفروض تروح مدير المرور وتساله عن هاالموضوع
كيف يخلونه يروح بس كذا 
الله يعين بس


up 5 down 0
باترول 2020 2623
قبل 5 سنه و شهر



جاب كفيل أبوه في وقتها


up 1 down 0
grshp 245
قبل 5 سنه و شهر



حبيبي مادام وقفوا خدماته تتعطل اموره اذكرك بكره يجيك صاغر وينقد 7000 ريال حقك وهو مايشوف الدرب ..مرده لك طال الزمن او قصر حتى اذا راحت المحكمة تمسك بحقك قدام القاضي مادام تقرير المرور في صفك


up 2 down 0
ابو سعدة -2
قبل 5 سنه و شهر



مادام ابوه كفله والرجال يماطل المرور يستدعي ابوه ويدفع لك فلوسك 


up 1 down 0
abood.az 80
قبل 5 سنه و شهر



دامه يتهرب امسكه من اليد اللي توجعه

خلهم يستدعون كفيله اللي هو ابوه وبيجيك زي الكلب عشان يطلع ابوه


up 2 down 0
alamri19 98
قبل 5 سنه و شهر



يارجال انا لي 40 الف من الي غلطان علي وشرد لامرور ولا مباحث قدرو يجيبونه وانا قايلهم ماابغى من الرجال غير نص المبلغ مع ان اتلف لي السيارة وهي واقفة ومسكوه وفكوه ثاني يوم لابارك الله فيهم ولا في النظام العقيم


up 1 down 1
عربة للسيارات 1665
قبل 5 سنه و شهر



المفترض الرجال يحول للحجز بشكل مباشر
او يجيب كفيل
او يحطون الكفيل في الحجز او يتم ايقاف خدماتهم جمعيا بنفس الوقت ماهو انتظر ومدري شنو


up 0 down 0
شكلين مابحكي 3159
قبل 5 سنه و شهر



ياخي  حرام عليك معقوله ماتعرف احد بالمرور؟اصغر جندي يقدر يحرك السالفه ويتصلون على ابوه يحضر او يتم احضاره بالقوه الجبريه 


up 1 down 0
nda4971 32
قبل 5 سنه و شهر



جزاكم الله خير على تفاعلكم الله يسعدكم دنيا واخرة

بس الحين المرور رفع خطاب إيقاف خدمات فقط على الأب مو على اللى صدمني


up 0 down 0
grshp 245
قبل 5 سنه و شهر



طالما المرور رفع طلب ايقاف خدمات حتى لو على ابوه بيجيك وهو صاغر الله يبلاه في نفسه


up 0 down 0
فلامنجو 66
قبل 5 سنه و شهر