تركيب اكسسوارات ووسائل حماية للسيارات الجديدة

انا مع هالاشياء

ولكن باسعار مناسبه

انا معي اكسبدشن 2014

اول ما طلعته من المعارض رحت للغرابي

ضللته كامل امريكي زيرو 2 ب 200 ريال وعطاني ضمان سنه بعد

وسويت له حمايه وجهه ب300ريال الماني وعطاني ضمان سنه

وسويت تلبيس ارضيه تايواني وليس صبني ب 180 ريال 5ملم

والان لها سنه و 8 شهور بالظبط

حمايه الوجهه تفككت من الاطراف من كثر الغسيل والان تحتاج تغير

التضليل ماشاءالله للان مابهت من الشمس لانه داخلي .. بس سار تقريبا زي زيرو ون

الارضيه ماشاءالله ممتازه جدا ولا سار فيها اي عيب

تسألني ايش فائدتها

اقولك

مسكت خط مره لعمان وبالتحديد صلاله .. كنا 4 سيارات .. 2 وانا منهم مسوي حمايه وجهه و 2 سيارتهم جديده لدون حمايه

جانا سافي قوي جدا لدرجه انه يلعب بالسياره .. ويوم وصلنا مدينه صلاله كانت المفاجأه ان سيارتنا انعدمت وسار لون الشمعات ابيض

ولكن انا جيت افك الحامي اللي على الشمعات وطلعت الشمعه وكاله تلمع ماشاءالله تبارك الله كانها توها طلعت من الوكاله ورجعتها على الشمعه

ويوم رجعت الىياض غيرت حامي الشمعات ب60 ريال

اما ال2 اللي ما سوو حمايه للاسف .. تأثرت سيارتهم وتنقط الوجهه عليهم والكشافات ترملت هي والشمعات

وحمايه الارضيه ايضا مفيده جدا .. مع الامطار والطين والتراب ..تتوصخ نعالك وانت بكرامه

ولما تدخل للسياره وتكون الارضيه بلاستك وتتوصخ..عادي..بس امسحها وتنظف..بعكس لو كانت قماش


انا اشرهه على اللي يروح لومار او 3M ويدفع 3000 او 4000 ريال عشان يسوي هالاشياء

انا سويتها بالغرابي عند محل اسمه سمر كول ويشهد الله انه جوده ممتازه وسعر منافس جدا

عفوا لها سنتين و8شهور بالظبط* وليس سنه

ومن فائده حامي الوجهه ايضا اني انحكيت حكه خارجيه من الكراج .. وما تاثر الا الحامي ..يعني لو افكه .. الصدام بيكون مافيه حكه ويلمع

بالتوفيق

انا عن نفسي اشوف حامي الوجهيه مفيد جدا
اما التضليل الي بعازل هذا لو يسون لي خصم عليه ماركبته
اركب تضليل عادي 200 ريال او اقل
وصلى الله وبارك على نبينا محمد
اما الي بعازل فوق الالف على الفاضي
وتلبيس السياره كل واحد ومزاجه
انا عن نفسي لو اشتري سياره غاليه
ومحد يركب معي مااتوقع ابلبسها
اما اذا امة محمد معي هههه
لاوالله البسها وريح راسي مااشيل هم اذا توصخت
اما الارضيه اخر همي البسها اذا ابلبسها
البسها فرشه قماش كلمل السياره
من محلات الزوالي والفرش
اهم شئ مااركب التلبسه البلاستك
لانها شئه جدا بذات وقت الامطار

سيئه**
لانها تجمع رطوبه داخلها
وغير كذا بالصيف
والسياره واقفه بالشمس
تطلع ريحة البلاستك
والريحه تضر وتسبب امراض
مضارها كثر من نفعها
الزوليه افضل واحسن
يمكن في ناس تعارض كلامي
وهذا شئ طبيعي كل واحد
يشوف نفسه على الصح والباقي غلطانين

دحووم ^^

الارضيه ركب تايواني لا تركب صيني

الصيني يطلع ريحه

اما التايواني نهائيا مافيه ريحه

انا مع كلام اخوي ابو خالد
حماية الموتر مهم جداً وخصوصاً الواجهة واصلا حرام تشتري موتر بمبلغ كبير
يتعدى 100 الف واخر شيء يلعب فيه السافي ويتشوه منظر الموتر
بس بشرط عدم المبالغة في الاسعار يعني مو تركب ابو 5000 ريال وفيه بدائل بجودة ممتازة وارخص

وحماية الارضية عندنا 3 مواتر فيها تلبيس ارضية
والله ماعمري شميت ريحة ولا دخل فيها رطوبة زي ماقال الاخ دحوم
مدري وش ركبت انت اي جودة وكيف طريقة التركيب !!!!!

واذكر واحد من المواتر الي عندنا قبل كم سنة جاء مطر قوي وامتلت الشوارع
وكان واقف الموتر في مكان تجمع مياه لدرجة الموية وصلت لداخل الموتر
والحمد لله ان الارضية ملبسة طبعاً الي عملناه مجرد مسح الارضية بخرقة فقط
طيب لو كانت غير ملبسة كان انعدمت بالكامل وكمان ولا قطرة وحدة دخلت داخل التلبيسة
رجعت مثل اول وهذا يدل على التركيب الصحيح ومو اي محل شغله ممتاز في التركيب

اللي ما يطول العنب يقول عنه حامض

انا سويت حماية وجهية كاملة لان كان معي سيارة سابقة انعدمت وجهيتها بسبب السافي وكلفتني رش وتغيير دبل قيمة الحماية 

لذلك سيارتي الجديدة ع طول حماية وجهية
وتلبيس ارضية نايلون 5 ملم 

بس هذا اللي سويته