أضف سؤال أو موضوع جديد          

انتبهو من سرقة السيارات بحركه خطيره

up 11 down 4
لا حدود 487
قبل 4 سنه و 8 شهر



السلام عليكم
مساكم الله بكل خير توني راجع كنت اغسل سيارتي بعد مطـر وغبار امس طبعا فالرياض المهم جيت الساعه ٥.٣٠ تقريبا ع مغسله دايم اغسل فيها الا زحمه واستغربت ناس مجتمعه الا واحد اشوفه يصايح عالعامل المهم طلع ( الرجال طلع معه جيب جديد مر المغسله بعد العصر وعطا العامل السياره بالمفتاح وقال غسلها انا بروح أحلق واجي ، المهم العامل غسل السياره جا شخص غريب " الحرامي " وكذب عالعامل وقال هذي سيارة اخويه عطني المفتاح وخذ حسابك ، دق سلف للجيب ومشى ، جا صاحب الجيب يدور لموتره ما حصله كان في حاله هستيريه الله يكون بعون ويرد ضالته ) 
الزبده انتبهو ع سيارتكم هذي الظاهر الموضه الجديده في سرقة السيارات







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


المال السائب يعلم السرقه



up 14 down 2
bmw z4 1500
قبل 4 سنه و 8 شهر



كيف عامل المغسله يعطيه السياره غلط


up 1 down 3
السفير ss 459
قبل 4 سنه و 8 شهر



الله يعوض عليه
هذي الموضه الجديده
وقد مثلوا على ذي الحركه بمسلسل سكتم بكتم
جاء للعامل وقاله انا خويه العامل ماصدقه
المهم الحرامي دق على خويه قاله كلم العامل يعطيني المفتاح
وخويه كلم العامل بالجوال على انه صاحب السياره
قاله عطه المفتاح وعطاه المفتاح ونحاش بالسياره
طبعا كان مجرد تمثيل عشان الناس تكون واعيه
بس للاسف الى الان في ناس من العصر الحجري

وهي موضه جديد للسرقه وسكتك بكتم
ماتكلموا عليها ومثلوا الا لانها موجوده عندنا


up 8 down 0
d7ooom777 391
قبل 4 سنه و 8 شهر



والله من البلاهه ويستاهل ماجاه


مو ضاره لو انتظر سيارته كلها ربع ساعه وتخلص


بس عندنا شعب غريب يخطأ ويحمل غيره خطأه


هذا ان دل فأنما يدل على الجهل الثقافي والمعرفي


up 14 down 11
حكيم المعاني 10320
قبل 4 سنه و 8 شهر



والله اذا جيت اغسل موتري اخلي المفتاح بمخباي واقف على روس العمال لايحطون عله ولا بلا بالسياره ولا يسرقون شي واستغرب من الناس يجون يوقفون ويعطون العمال المفتاح وراح وركب مع خويه ويروح


up 4 down 1
كارينو 572
قبل 4 سنه و 8 شهر



الخطأ الان على عامل المغسله


يتحمل المسئولية كاملة 




up 10 down 16
coco13 893
قبل 4 سنه و 8 شهر



انا الوم راعي السيارة كيف يتركها؟؟

وعامل المغسلة ايش عرفة اذا هو اخوه فعلا والا لأ؟

ثانيا يا راعي السيارة ايش يضر و وين الغلط لو انتظرت لك ربع ساعة على ما تخلص سيارتك و ركبتها و مشيت وين ما تبي.

لازم الواحد يكون حريص على اغراضه.


up 6 down 1
بدر الباثفايندري 1125
قبل 4 سنه و 8 شهر



ناس العجلة ذابحتها


up 4 down 0
mfh2009 372
قبل 4 سنه و 8 شهر



انا اروح لمغسلة تعطيك فاتورة وفيها رقم لوحة السيارة 
وما تستلم الموتر الا بالفاتورة .. او يكون عارفك العامل نفسه.

وهذا اضمن .. اخلي السيارة عندهم بالساعات مافيه الا العافية.


up 2 down 0
بو مبارك 79 22
قبل 4 سنه و 8 شهر



انا عن نفسي اتعامل مع مغسلة ودايم اروح لها واترك سيارتي هناك وارجع لها لكن صاحب المغسلة حريص ومايسلم السيارة الا راعيها فقط

الله يعين صاحب الجيب والله شيء يغبن قهر والله قهر

الحين فيه حلين لازم على اصحاب المغاسل يطبقوها ولا كذا راح تنتشر السرقات

1- لازم قبل لا يمشي صاحب الموتر يستلم كرت فيه رقم معين مثل بنده اذا جيت تدخل وعندك اكياس

2- او يستلم فاتورة رسمية من المغسلة وفيها رقم اللوحة ونوع الغسيل والتكلفة

واذا جاء صاحب الموتر او اخوه عشان يستلم الموتر يكون عنده اثبات بالكرت او الفاتورة

كذا من سابع المستحيلات تنسرق السيارة


up 2 down 5
mr959 430
قبل 4 سنه و 8 شهر



المغسله اللى اتعامل معها يطلبون الهويه او الاقامه ويعطيك فاتوره
ومسجل عليها رقم الهويه والاسم الكامل و رقم الجوال
واخلي معه المفتاح ساعه او ساعتين وارجعله واطلب منه سيارتي يقولي طلع الهويه وعطني رقم جوالك
لو تعطيه الفاتوره يقولك نقعها في مويه وابلعها ما تمشي معنا يمكن لقيتها طايحه هههههههههههه
لو تكثر معه الكلام وتقوله انا قبل ساعه عطيتكم المفتاح
يكلم العامل الثاني قفل الباب واتصل على الشرطه
اسلوبه مستفز لكن هذا التصرف الصحيح


up 5 down 0
ابيار الماشي -38
قبل 4 سنه و 8 شهر



ابيار الماشي

كلامك صحيح وفكرة ممتازة بس الفاتورة اكيد بكون مسجل فيها تاريخ اليوم ورقم الجوال ورقم اللوحة يعني الفاتورة كويسة

وفعلا الهوية ورقم الجوال اكثر اثبات عشان ممكن الزبون يضيع الفاتورة كل شيء جايز


up 0 down 1
mr959 430
قبل 4 سنه و 8 شهر



والله ذا قلبه قوي ههههههه مستحيل اخلي سيارتي وامشي .. يا حبيبي فوق رؤوسهم عشان يغسلو صح
عموما الله يعوضه واشوفها غلطت المغسله


up 2 down 0
loody_23 363
قبل 4 سنه و 8 شهر



عن نفسي اقلق منهم انهم يسرقوا شي من السياره وهم يغسلوها
كيف ارمي سيارتي عندهم وامشي
الله يعوض عليه ولاحد يااخوان يشتمهم كل واحد يتكلم عن نفسه
الناس اجناس ويختلف تفكيرهم


up 3 down 0
ابو عبدالله احمد 3530
قبل 4 سنه و 8 شهر



بعض الناس تحس انهم دلوخ بالله فية احد يترك سيارتة ويعطي العامل مفتاحها او ينزل للبقالة ويخليها شغالة


up 2 down 0
ttt104 428
قبل 4 سنه و 8 شهر



ترك السياره بوضع التشغيل والتزول يستاهل السرقه والاخ الي نزل يحلق ومخلي سيارته يستاهل 


up 1 down 0
msfr1979 99
قبل 4 سنه و 8 شهر



عند الله تجتمع الخصوم


up 1 down 0
salem... 144
قبل 4 سنه و 8 شهر