الحل مع القسط للي مفصول من عمله
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
إضغط هنا للإخفاء
السلام عليكم
الحمدلله على كل حال
امس الخميس كان اخر يوم عمل لي بالشركه
تم فصل عماله واكثر من سعودي بسبب خسارة الشركه على قولتهم
لاكنها شغاله وامورها تمام ويبون يوفرون رواتب الموظفين
عشان ما يخسرون الكثير لان حسب معرفتي الي مسك الشركه جديد
ويبي يثبت للي فوق انه ما يخسر الشركه اكثر من الي قبله
ف يمشي عماله وسعوديين والي باقي موظف ماسك شغلتين
وحسبي الله والحمدلله وهذا مو موضوعنا
انا بحثت عن شركات وارسلت اوراقي بالايميل لشركات
ورحت بنفسي لشركات وسلمت اوراقي
ولحد الان ما في شي
وانا عندي قرض شخصي
ما اعرف وش الحل معه !
طبعاً بتجه لاوبر وكريم اكد فيه والرزق على الله
دخلت الشركه في اجانب شياب وطلعت بعد سنين وهم باقي
بمكاتبهم وعملهم اداري وتخليص اوراق اي شخص يقدر يسويها
والفني الي هو اهم يمشونه
وصارت السعوده بمحلات جوالات وسائقين ب اوبر وكريم !
وممكن بكره يطلع قرار سعوده مطاعم مثلاً او سباكين !!!
طيب ليه ما تسعود لي الشركات
انقلب حالنا صار السعودي يفصل ويتجه لمحل جوالات وهذا مو الكل قادر عليه وانا ما اقدر عليه
ويتجه سائق ب اوبر وكريم وهذا الي بسويه
والاجنبي رجل على رجل بمكتبه
وسيارة احلامي اشوفه مع اجنبي واتحسر وانغبن
ليه انا ببلادي ما اكون مكانه وبراتبه حتى مستعد اشتغل بنص راتبه لان رواتبهم الاجانب دبل السعودي
هو مو حسد الله يرزق الجميع بس الي حاصل للسعوديين الحين من فصل بدون مبرر شي يغبن وبالنهايه تسعود جوالات وسائقين ليه
وبرنامج ساند غير فعال وتحس البلد متعمده !
حطو لك ماده اظن رقمها ٧٧ الي هي يحق لصاحب العمل فصل السعودي لاي سبب كان وبالمقابل برنامج ساند الي هو يدفع مقابل للي مفصول من عمله
طيب شيل هالماده الي تفصل السعودي بدون سبب وشيل برنامج ساند !!!!
الواحد ما يعرف وش يقول او وش يسوي
![إبلاغ](https://montada.haraj.com.sa/images/alert.gif)
الردود
الله يعوضك بحسن منها انا من المفصولين من ماده 77 وبدون اي سبب ولاكن الحمدلله والشكر علي قرض ومافيه اي مشاكل اذا ماسددت بس يرفعون اسمك بقائمه سما الين تلقاء وظيفه وتكمل اقساطك لا تعطي سداد القرض اكبر من حجمه انت كذا كذا مسدد بس مهو الحين ولا يقدرون يجبرونك انا اتكلم من واقع تجربه وهذا اللي صاير معي
والله يرزقك كل عاطل بالوظيفه اللي تسره
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
رايح يصرفون لك راتب لمدة سنه ،،، تفك ازمه لين الله يفرجها عليك
قبل 7 سنه و 5 شهر