تجربتي اليوم مع الفحص الدوري حياكم

السلام عليكم ورحمة الله وبركاته

صبحكم الله بالخير اعضاء منتدى حراج
اليوم جايبلكم تجربتي مع الفحص الدوري
بمنطقة الباحه والتجربة من فضل ربي مااخذت نص ساعه
وتمت بنجاح
حبيت افيدكم بالتجربة..،...،....،.....،
طبعا فحص موتري الكامري منتهي من شهر 2
والاستمارة باقي فيها شهر ونص وتنتهي
فقلت بما اني فاضي اليوم وتوني مغير الفحمات قبل اسبوع ومظبط الهوبات والفرامل موزونه
وامور الموتر طيبة نتوكل على الله ونفحص
حركت من البيت 5 ونص
لان الفحص يبعد عني 70 كيلو
ووصلت بالضبط 6 ونص
وحصلت قدامي اثنين
ونيت 2006 وجيب تويوتا جديد جمرك
انتظرنا الموظف وجاء على 7 تماما
ودفعت رسوم 73 ريال..........،

ومسكنا سرا ومشى الجيب بنجاح
والونيت رسب عشان الفرامل والجلنط
والكفرات
بدأ الموضف في موتري
وكنت خايف من حاجتين الي هي الزنون والتضليل الخلفي

المهم اول خطوة .
شيك على الاصتبات كاملة خلفي امامي
وعلى الاشارات كاملة ولمبات الفرامل
ولمبات الريوس ولمبات العالي والواطي
ومشت الامور بسلام.....،،،،،،،،،،،

بعدها فتح الكبوت وشيك وقفل
وبعدها على الكفرات كاملة والقزاز كامل
ملاحظة الكفرات نص استخدام ومشت
الان خطوة الفرامل وطلعت مضبوطه وموزونه

الان خطوة فحص الشكمان وعدت بسلام
واشوفها اسهل خطوة
بعد ذالك جابها على حفرة طويلة ونزل
وشيك عليها كاملة من تحت ومشت بسلام..،،،،،،،،،،،،،،،،

وقال الموظف سيارتك 10على 10 واعطوني ورقة الفحص
وركبوا الاستيكر ومشيت
هاذي تجربتي مع الفحص الدوري اليوم صباحا.

ونصيحه الي بيفحص اول ماتشيك على الفرامل
وازرار رفع وتنزيل القزاز
والاصتبات كاملة من الى .

والكفرات لو فيها مسحية ماراح تمشي
يعني على الاقل يكون فيها نص عمر.

والجلنط يكون مشدود ..،،..الزنون اذا الون نفس الوكالة بيمشي والتضليل للابواب الخلفية يمشي
اليكم بعض الصور

وسلامتكم جميعا ..

اخوكم الرفاعي 33