إعلانات الموقع كلها هواش

لأن ٩٩ بالمية من اللي يسومون بالموقع ماعنده قيمة سيكل وأكبر دليل شوف إيش يسوم وأدخل على عضويته وشوف إيش عارض للبيع

قبل كم يوم فيه شخص منزل اعلان لكزس ال اكس ٥٧٠ ولوحته يقول انها مميزة الارقام ١ ١ ١ والحروف مو متأكد منهت

طبعا كلكم تعرفون هاذي قيمتها بسوق اللوحات حوالي ١٠ الاف ريال لكن السوم مع الموتر وصل ٧٥٠ !!!!

والللي سامو فوق ٧٣٠ ألف دخلت على ثلاث من عضوياتهم

واحد منهم معلن عن اربع كفرات للبيع يقول باقي فيها تسعة اشهر يعني قيمتها حوالي ٥٠٠ ريال بالكثير !!!! هذا المفروض على سومته المفروض يكون دخله خلال ٥ دقائق فقط اكثر من قيمة الكفرات

والثاني سومته حوالي ٧٣٤ الف ومعلن عن ايفون ٦ مايسوى الف ريال

والثالث سومته حول هالمبلغ واعلان طلب سيارة اقتصادية مستعملة اكسنت او يارس إلى آخره.

واللي يحب يشوف الاعلان يشوفه في قسم لكزس ال اس ٥٧٠ موديل ٢٠١٦

هههههههه ^^ شفت الاعلان المشكله حده ٨٥٠ اتوقع

موقع حراج رفض. بيع حصته 20 مليون دولار. وانت تقلي الناس. ماهي. جاده.  لا والله الأغلب. جاد. انا اشتريت 5 سيارات عن. طريق. موقع حراج  لكن.  الأغلب. يكون.  في. عدم. الجديه.  بنظافة السلعه الي. عارضها 

العيب مو بس بالشاري حتى فالبائع مايبين عيوب السيارة 

بالنسبة للبيع والشراء عن طريق الموقع أنا أعلنت عن لكزس es محركات شرط نظيفة جدا البدي والداخلية ليست نظيفة جدا لكن اعطيها ٧ من ١٠ وكان سعرها جدا معقول وفرصة ممتازة جدا للمستخدم لكن.... فيه عالم مدري من وين تفهم يبيها بنظافة ٢٠١٦ واقوله ويناقش على أدق أدق التفاصيل وانا موضح كل شي بالاعلان

عشان يكون في جدية للبيع والشراء الافضل ان التسجيل يكون بالهوية وموثق 

اللي لاحظته نوعين
1- اذا صاحب الاعلان ماهو محترم الناس اللي بتشوف اعلانه بيطقطقون عليه
يعني واحد يعرض سياره ماهو عارف لوحتها
عرفو انه فاضي وماعنده شغل ولا مشغله
فاشتغلوه طقطقه
2- اذا احد عرض سلعه واتفقو شريطيه حراج عليه يزودون سعرها فوق المعقول بشوي علشان يطمع اكثر ثم يجيه واحد بعد فترة ويعطيه سومه اقل من حقها فهو يايبيع بسومة الشريطي ولا مايبيع

اعرف الديسلايك بيشتغل عالنقطه الثانيه لكن هذا الواقع .

اوصخ فئة بالموقع الي يسوم ويرفع سعر السلعه ولا هو شاري البايع يصدق ويتمسك بالسومه والزباين تدخل الاعلان وتشوف

السوم وتطلع

ياخون فيه فئة . الشريطية الي يحسدون الواحد وعلى طاري الجيوب .. جيب لكزس 16 ماشي 40الف بريمي . قيمته السوقيه لن تقل عن 340الف
لن سعره جديد 380الف .. لحد يقول فيه أعلان بي 360شايفه . وماله وكيل من جبل علي .يعني المسترجعه الي فيها عيوب

يجون شريطية يسومونه بي 270؟؟؟ ويعززون لبعض؟؟؟؟؟

ونفس الحكايه بالعكس.. سياره قيمتها السوقيه ماتتعدى 40الف .. تلقى الشريطية مطيرينها بالعجه موصلينه 60الف؟

موقع حراج أصبح مضحكة فقط لاغير..