أضف سؤال أو موضوع جديد          

لأصحاب الخبرة هل محلول تنظيف البخاخات يضر البلوف

up 2 down 0
os.91 8
قبل 8 شهر و 3 أسبوع



مساكم الله بالخير, يا إخوان عندي يارس 2012 ظهرت فيها تفتفة وتقطيع على خفيف وغيرت لها البواجي ووراحت المشكلة لمدة يومين ورجعت من جديد قال البخاخات بحاجة إلى تنظيف رحت وحطيت لها محلول تنظيف مع البنزين ومسكت عليها خط إلى أن فضى التانكي وبعدها عبيتها فل ورجعت البيت وقفتها و اليوم الثاني وانا رايح للدوام قامت تتفتف معي وتقطع بشكل كبير جدا كنت قريب من الصناعية ومريتهم وفحصتها كمبيوتر قال لي عندك الكويل الأول والثاني وطلب مني أربع جلود للكويلات وشغلها ومازالت المشكلة بعدها طلب مني بخاخ تنظيف الدعسة الخارجية اللي هي الثروتل وبعد ما نظفها مازالت المشكلة وبعدها قال لي بواجي قلت له ما صار لي أسبوعين مغيرهم قال ما عليك المشكلة منهم وغيرهم وما زالت المشكلة موجودة وفي الأخير قال لي البلف الأول والثاني بحاجة إلى تغيير ولازم نفك راس المكينة وتكلف مبلغ وقدره .. سؤالي الآن ما هو سبب خراب البلوف هل هو محلول تنظيف البخاخات !؟ لأن السيارة على يدي من الوكالة وللحين ماشي عليها حول ال200 لكني محافظ عليها والزيت أغيره على 3000 كيلو وما تصرف ولا تنقص ولا دخان ولا صوت فجأة طلعت هالمشكلة ولا ودي أظلم العامل لأنه حلف إن السيارة فيها بلوف من أول ما جبتها عنده ولكن بعد ما غير جلد الكويلات والبواجي صارت تعطي كهرباء أفضل وإتضح ضعف البلوف وجزاكم الله خير







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ارجع للكلب الي تفلسف عليك وخلاك تغيير نص المكينه
وخله ينقها ريال ينطح ريال على كل الي دفعته
وفوقها عطه تفله بالوجه

ورح شفلك ورشه فاهمه
وشيك وعلى فلتر البنزين
وغيره اذا ماغيرتها من زمان


up 5 down 6
d7ooom777 894
قبل 8 شهر و 3 أسبوع





حياك الله ومشكور على ردك d7ooom777
فلتر البنزين غيرته قبل 6 أشهر تقريبا


up 1 down 0
os.91 8
قبل 8 شهر و 3 أسبوع



فيه ناس يفحصون لك البلوف وضغطها بدون فك المكينه خل السباك اللي انت رايح له غيرلك كلش واضح انه مايفقه شي

وتاكد البواجي اذا فكيتها عليها اثر زيت او لا


up 1 down 0
amunt 17
قبل 8 شهر و 3 أسبوع



d7ooom777

اتمنى ان يكون اسلوبك افضل من كذا في المنتدى

والرجال نزل اسفتسار عن شي معين

وفي النهاية الاشياء اللي غيرها استهلاكية وكان لازم يغيرها بحكم ممشى موتره
ماغيرها في سيارت احد غيره يعني له وللزمن

راح التركي ب اسلوبه جيت انت!!!!


up 6 down 3
احمد ال الشيخ 1993
قبل 8 شهر و 3 أسبوع



ههههه
معليش يا اخوان واسف على الكلمه الي طلعت مني

اسال الله ان يكتب الي فيه الخير لنا ولكم
اقدم اعتذار لجميع الاخوان
ووخاصه احمد على تنبيهي ونصحي

اعتذر لكم؛


up 5 down 1
d7ooom777 894
قبل 8 شهر و 3 أسبوع




amunt البواجي ما عليهم أثر زيت لكن أحد البواجي مطعوج




up 1 down 0
os.91 8
قبل 8 شهر و 3 أسبوع



حياكم الله جميعا,
إتفق الميكانيكي مع الكهربائي الذي فحصها بالكمبيوتر على أن المشكلة من البلوف وقلت سأعطيهم الليلة فرصة أخيرة لإصلاحها وإلا فلن أستلم السيارة منهم وسوف أشتكيهم للشرطة وسأحملهم التكاليف كاملة لقطع غيار وشغل يد


up 0 down 0
os.91 8
قبل 8 شهر و 3 أسبوع



نصيحة لجميع الإخوان بالمنتدى قبل لا تفك وتركب وتتخسر افحص السيارة عند عدة ورش اذا أجمع الكل على نفس الموضوع وقتها توكل على الله وصلح أما تصلح من أول ورشة هذا أكبر غلط خاصة الحاجات اللي تخص المكينة والقير  اتكلم من تجربة 


up 0 down 0
bloly 1118
قبل 8 شهر و 3 أسبوع



90% من البلوف انا كان معي كامري 2004 قبل 6 سنوات قير تماتيك
طلع لي تفتفه بالموتر خصوصاً اذا جيت اهدي عند الاشارات والمطبات يعني ارفع رجلي عن البنزين تتفتف تكز كز كأنها قير عادي وبتطفي عند القومه
خيرت كويلات وبواجي وخسرت مثل خسايرك وبالاخير قال لي سوداني بصناعية الخبر لاتتعب نفسك هذي البلوف قلت متأكد قال متأكد قلت اجل فكها واذا طلعت البلوف سليمه اعرف انك برجع كل شي مثل ماكان ومابتاخذ ريال قال اوكي رجع فكها فعلاً لقيت بلفين معوجه وبلف مخروم وبلف مكسور بدلتها ورجع الموتر 100% سألت السوداني عن السبب قال السبب هو انك ماتسخن السياره وهي بارده وكلامه فعلاً كنت اشغل وامشي ماعمري سخنتها


up 2 down 0
miz00 201
قبل 8 شهر و 3 أسبوع



أعتذر عن التأخر بالرد
جزاكم الله خير جميعا ..

نعم المشكلة طلعت من البلوف صاحب المخرطة قال مافي داعي تغيرها فقط تحتاج إلى خرط والحمد لله بعد الخراطة السيارة لها اسبوعين تقريبا ما فيها إلا العافية والمشكلة اختفت نهائيا


up 0 down 0
os.91 8
قبل 8 شهر و أسبوع