وش رايكم بالكليات العسكرية ؟؟؟

اذا ضابط 
فادخل تبع وزارة الداخلية 

وعليكم السلام

طبعا الكليات الي تقبل ثانوي خمسة

- كلية الملك عبدالعزيز الحربية
الكلية بصراحة معروفة بسمعتها الطيبة وإلمامها بالعلوم العسكرية  وتتخرج منها ضابط في القوات البرية
ولد عمي تخرج منها لكن اماكن التعيين غالبا بعيدة ورواتب البرية ماهي ذاك الزود

- كلية الملك فهد البحرية 
الكلية يوجد بها مدربؤن باكستانيين والكلية تحتاج لغة انجليزية  لكنها ممتازة 
طبعا تخرج ضباط في القوت البحرية وحرس الحدود البحري، رواتب كويسة لكن دوامهم كرف

- كلية الملك فيصل الجوية
اصعب كلية من بين اىكلؤات العسكرية وتحتاج لمعرفة بالحاسب والرياضيات والفيزياء ولغة قوية
لكنها تخرج طيارين و فنيين بالقوات الجوية وشهاداتهم معترف بها في اؤ خطوط طيران 
فحص الطيران جدا مشدد يعني تخيل يقيسون لك الطول والعرض والوزن نبضات القلب القلب و والاسنان
وضغط الدم والدراسة فيها مابين ٣ سنين الى ٧ سنين

- كلية الملك عبدالله للدفاع الجوي
كلية تخرج ضباط للدفاع الجوي صراحة ما اعرف عنها كثير لكن اىي اعرفه ان الدراسة فيها سهلة

- كلية الملك خالد العسكرية
تخرج ضباط للحرس الوطني وهذي الكلية مشهورة بالواسطة حيث تسمى كلية عيال القبايل 

اذا تبي نصيحتي خلص جامعة بتخصص قانون او علوم سياسية او اقتصاد وادارة وخش الامنية

- كلية الملك غطفهد الامنية ( للجامعيين فقط )
تخرج ضباط في مختلف قطاعات وزاراة الداخلية وطبعا عل. حسب معدلك وتخصثك راح يكون القطاع 
يعني مثلا الي في الحاسب غالبا في الجوازات والمرور وتخصصات اللياقة يكونون في القوات الخاصة وهكذا 
وانا احد الضباط الخريجين من الكلية الامنية والحمدلله توظفت غي القطاع الي تمنيته واذا عندك يؤال تواصل معي

الان القبول من نفس الكليه ولا كيف انا سمعت انه يكون من المركز الوطني للمعلومات

نصيحتي لك لاتستعجل لكن اذا عندك صمله توكل ع الله بس بعطيك رايي

ادخل جامعه في تخصص انت تبيه وتحس نفسك راح تبدع فيه واذا خلصت منها شف نفسك وش تميل له اذا ودك عسكري قدم على كليه الملك فهد الامنيه وراح تنقبل ان شاء الله ونادر جدا الواسطات

المستقبل الآن في :

الديوان الملكي
الحرس الملكي
الحرس الوطني بالمجاهدين
وزارة الدفاع بالجيش والكليات العسكرية
وزارة الداخلية بإمارات المناطق والقطاعات الأمنية والمباحث
وزارة الخارجية بالسفارات
وزارة العدل بالمحاكم وكتابات العدل
ديوان المظالم
هيئة التحقيق والإدعاء العام

( غيره كله راح يكون قطاع خاص وراح يتم خصخصته يعني تبي تصير شركات ) . . .

مدرس ممرض صيدلي مراقب صحي مراقب تجاري بيطري محاسب مساح مهندس موظف مذيع وهالخرابيط . . .

كلهم راح يحولون على القطاع الخاص وراح تديرهم شركات مافيه يا أمي أرحميني . . . .

( هذه معلومة قلها لجميع أخوياك في المدرسة ) . . . .

انت ثق بالله وتوكل عليه وقدم والمكتوب لك بتحصل عليه

رح عسكرية انا طبيب وعاطل ويقولون لي اشتغل ب١٠ عقد مؤقت راتب وكيل رقيب 


والخدمة المدنيه رواتبها ١٨ وفوق بس ماتفتح الا بالسنة مره 

طالما انك راغبها فادخلها والله افضل لك . كلها ثلاث سنوات وانت
معلق الدبوره. ولعلمك معك مكافئه تقريبا 3500 واكثر شهريا
لكن فيها كرف وتعب خصوصا لكن بتتعود عليها.
والعسكريه مصنع ومنبع للرجال.
ووبالتوفيق لك

طيب ياشباب اللي له خبره كمان انا افكر فيها بس للاسف انا زيرو بالانقليزي هل الدراسه فيها بالانقليزي واذا كانت بالانقليزي هل هو انقليزي قوي ولا على خفيف 

تحتتاج انقلش شي بسيط جدا بأستثناء الجوية والبحريةة تحتاج تكون متمكن

العسكريه صعبه قويه
مهو قصدي القبول
حتى بدوام الضباط
انتهر زمن استغلال الرتبه سواء بالراحه او الواسطات
عهد الحزم يا تنضبط يا يرفع فيك
بكل قطاعات الدولة لكن بالعسكريه و الامن اكثر

ذكرتني بنفس
يوم خلصت الثانوي قلت بدخل طب
ولا الصيدلة ولا الكلية الامنية
وما نقبلت الا بكلية العلوم
قلت يالله بصير مدرس عايدي
وبعد تخرجت الحين حارس امن

الزبدة لا تفكر كثير وتوجع راسك
وتوقع اي شيء خصوصا الفترة ذي
لان الاوضاع مدحدرة

امتياز وطموحك عسكرية 
اناضابط متقاعد 
لا انصحك بالدخول لأي كلية اذا ترغب بمواصلة طموحاتك 
العلمية 
ولدي قبل في الكلية الجوية ورفضت 
الان والحمد لله مبتعث في نيوزلندا 
وموقع عقد الوظيفة بعد التخرج 

اخوي/موظف مساعد ومشرف مع دكتور تدري انه الحين تحول من حكومي الا قطاع خاص.؟؟؟
بختصار شدشد الدكاتره والمهندسين وإلا اخر ينفع للدوله وشغال للاسره الحاكمه هذا اموره فوق الى فوق
والباقي يتحول قطاع خاص مع الترقيات اذا توفر مكان بدون زياده مع الراتب لو ريال والاهم(خطابك التعريفي للراتب معتمد)
جميع البنوك والشركات كلها في السعودية/يعني تقدر تطلع قرض بانواعه وتكفل والااخرهـ{ږۅـۓﯾ̃ﮤ 2030}