أضف سؤال أو موضوع جديد          

ياخي سياراتهم عجيبه ووصفكم عجيب وقصة نهاية الموضوع

up 50 down 12
أنيق 17573
قبل 9 سنه و 2 شهر



ياهلا والله 
هههههه ياقلبي عليكم والله مشتاق لكم اسبوع كامل ماسوينا قرقر معكم 
بقول لكم شي قربوا أذانيكم 
(الوالده فصلت النت عشان المذاكرة طول الاسبوع)
لاتقولون لأحد خلوه سر ههههههه لاننفضح بس تخبرون بر الوالدين وكذا ههههه
المهم
رحت وكالة تايوتا 
عشان أشووف وش قصة الناس مره يذمونها ومره يمدحونها
ولقيت زحمه عند استلام المواتر الجديدة صافين سرى تقل مخبز عم عبدو ههههه
المهم
والله وأدخل البقالة قصدي الوكالة 
وصراحة لقيت الافلون بوجهي قلت يالبى الفتنه ههههه ألبسي البرقع تراني عزوبي ههههه 
وصراحة ركبتها والله أطلق من التورس ياخي تحس أنك انسان فخم وكشخه وهذا هههه
وسعرها 142 ألف مرييحة وثقيلة الله يهني الي بيشتري زيها

ورحت للأوريون وركبتها جدا مريحة مادريت أنها أوريون ماتوقعتها كذا 
مع أنها سبورت وسعرها 119 ألف 

ورحت للكامري جلست أضحك واضحك وأضرب الكبوت وأشوت الصدام ههههههه 
قلت هذي الي زعلانين منها الشباب بس تبون الصدق ! أفضل من أول والله 
صارت أفخم يعني تصلح للي مايتعدى 120 يعني مايسرع 

والفورنتشر وما أدراك ماالفورنتشر 
صراحة حلو للبلد ماينفع للسفر وسعره 
دبل و4سلندر 109  الاف 

خلصنا التسعير والصور 
الحين بحكي لكم قصه حصلت لي :-
في اليوم الوطني طنت في راسي أني أتعشى من البيك وأخذ عشاء من الموول مره وحده
المهم
ورحت الموول 
وجاك المطفر بماركيزه يبي يدخل المول ويجيني ذاك الخال ههههه طويييل وعضلات قال ممنوع يا يايا يالعزابي ههههه
قلت من عيوني أبشر ههههه خفت منه 
وروح للبوابه الثانيه 
لقيت واحد قصير 
قلت أبي أدخل أخذ عشاء من البيك وسندويشات فلافل للبيت
قال ممنوع وين عيالك وين عايلتك ؟
قلت ليش لازم يكون معاي بنت حلووه عشان أدخل أشتري لي مسحب حراق !!ههههههه
قال اتوكل على الله ممنووع ياعزابي
قلت والله نسيت جوالي والله ماراح أغازل وأذي الناس قسم بالله أني كويس وعزابي خالي الدسم 
قال بالعربي انقلع 
قلت يعني بتحرمني من المسحب اليوم والله لأدعي عليك يا مجرم 

الخلاصة 
ياشباب ليش خليتوا الناس ياخذون فكره سيئه عن العزابيه أنهم أذيه وياذون العوايل ويسببون مشاكل 
يعني صراحة شفت الشباب بالشوارع مشاكل وتجمعات ويقفلون الطريق ويرقصون 
يعني أي عزابي طيب ولا ماهو طيب كلهم في الهواء سوى
تكفون خلونا نحسن سمعتنا للناس خلهم يقولون العزابيه مأدبين وطيبين وكويسين

سامحوني طولت عليكم لكن أحب السواليف أنا ههههههه
تحياتي لكم حبايبي 
&أنيق&

















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عن اذنك بروح ادور عن مواضيع ثانية لك هع 


up 0 down 0
بـو سـارة 179
قبل 8 سنه و 8 شهر



ثوبك لونه حلو هههههههه مواضيعك فله رايح افر بمواضيعك الثانيه


up 1 down 0
أبو غاليه ... 770
قبل 8 سنه و 2 شهر