بيعطوني السيارة المعروضة بالمعرض

انا مانصحك تأخذها سيارة معروضه تعتبر شبه مستخدمه 
شف كم لها معروضه كل يوم على الأقل 30 شخص ركب فيها أو فتح الباب
التأمين تقدر تنقله لأي سياره اخرى أو تسترجع بعض المبلغ المدفوع

لاتأخذها
، وش اللي حادك عليها ،

يمكن كل الي عندهم الي عليها عرض هي من المعروضه بالمعارض وممكن اذا رفضت تاخذ هذي بيعطونك وحده ثانيه كانت معروضه بس في معرض ثاني علشان ماتكشفهم لانهم يبون يتخلصون من المعروضات في المعارض واسرع طريقه لتصريفها يسوون عليها عروض مخفضه

انت اتفقت معاهم عل الموجودة في المعرض ولا لا
اذا كان مافي اتفاق رجع التامين ويتم خصم مبلغ بسيط منه
واسحب عليهم

والله اذا العرض يستاهل ويدسم الشوارب
خصم مايقل 10000 الف عن السوق اخذها والشكوي علي الله برضوا تعتبر جديده
اما خصم 2000 ريال او 3000 ريال ماتستاهل
ارفض ورجع التامين يخصم منك 200 ريال اعتبرها دفع بلاء

اتصل على وزارة التجارة ... السيارة المعروضة في المعرض اذا كانت ابوابها تفتح للعملاء تعتبر سلعة معروضة للتجربة وليس للبيع

الا اذا تم انزال مبلغ 10000 ريال كحد ادني خذها وتوكل على الله

يعطيكم العافية يا اخوان جميعا إتصلوا علي وقالوا بنجبلك غيره واالله يكتب اللي فيه الخير للجميع  

اليوم رحت عندهم اعطيهم التأمين عشان ينقلوها باسمي

تفاجأت انو رقم الشاصية حق السيارة المعروضة بالمعرض

نفس اللي ببطاقة الجمركية اللي آمنت عليها

((( طيب فين المشكله ؟؟؟ )))) ما انت تقول رقم الشاصيه نفس اللي بالبطاقه

ارفض ولا تستلمها منهم حتى لو تخسر التأمين..
هذولا ماينفع معهم الطيب.. لو وافقت تستلمها. راح تفتح علينا باب..
اوتو ستار= دمار...... اليسر= العسر

الحمدلله دامهم بيغيرونها

وخذها نصيحة وانا اخوك والكلام لك وللجميع مستقبلاً سواءً معرض ولا وكالة ولا صالة قل لهم ما ادفع ريال واحد عربون او أأمن الا لين اشوف السيارة بنفسي واتأكد من رقم الشاصي عشان اعرف ان هذي لي

وبرضوه يغسلونها اتأكد ان مافيها حكوك وافتش السيارة اتأكد من الوطايات حقت الوكالة وعدة السلامة وعقبها قبل ما اوقع بشرط عليهم ان نقص شي ترى ما راح استمر وترجعون لي كل ريال دفعته

اذا ترجعيها وتاخذ غيرها بسيبب لك خسائر
فخلك على المعروض
لان اصلا وش المشكله لو اخذت حقت العرض
لاهي مستخدمة ولا شي
نفسها نفس الي فالمخزون فالنهايه جايتك عن طريق الميناء واكيد بيركبونها عشان يحركونها للمستودع والتحميل

اما اللي يقول شبه مستخدمه !!!!
كيف شبه مستخدمه
عشان الناس ركبوها فالمعرض ؟

((( طيب فين المشكله ؟؟؟ )))) ما انت تقول رقم الشاصيه نفس اللي بالبطاقه

اخوي
kaiser007
هوحاط في باله انهم يعطوه وحدة من المستودع بغبارها
ماجاء في باله يعطوه المعروضة

يالغالي انا اخذت لي النترا ١٧ معروضه ايش المشكله سياره زي الحلاوه
لاتوسوس زياده توكل على الله وخذها

التأمين تقدر ترجعه عادي يخصمون عليك مبلغ يمكن 100 او اقل ويرجعون لك الباقي 

مساء الخير . انا اعمل بالوكالات المهم

المعروضة بالمعرض عيبها شي واحد
اليوم الواحد ركبها 30 واحد وتضغيط بالازرار غير الي يشغلها

وغير كذا من 2016 يعني من الممكن لها 8شهور
عليك الحسبة

وبصراحه التامين لو تنقله لسياره ثانية بياخذون منك مبلغ بسيط

واذا تبب نصيحتي الشخصية لا تاخذها .

قوله ابي سيارة اخر دفعة . ويوريك اياه بالسستم كم لها يوم
ويوريك البطاقة الجمركية تاريخها
عشان لا تاخذ وحده مضروبة بالشمس اكثر من 8شهوووور
وشيك الصدا
وشيك العدة
وقوله ما ابي وحده فيها تعديل او رش . اذا فيها شي قولي وبغير اللون . لان بصراحه ياما فيه سيارات تنرش وتنشي زي اللحلاوة فديرررر بالك . الاجانب ما تفرق معهم يلزق للسعودي اي سيارة خربانه جديده اي شي