أضف سؤال أو موضوع جديد          

عندما تعرض سيارتك للبيع ... جاوب

up 9 down 5
حرف الالف 875
قبل 9 شهر



مجرد استجواب لكم 


الان اذا جيت تعرض سيارتك للبيع 
هل ؟؟ 

١- تخفي العيوب 
مثلا السيارة مبوشة - تحط لها زيت معين يخفي التبويش
او اي مشكلة تحاول تخفيها حتى تتم المبايعة 

٢- ما تخفي اي شي 
ولكن تقعد ساكت وتقول السيارة قدام عينك تبغى تفحصها براحتك 
اذا طلع عيوبها - ما طلع عيوبها - هو وذكاءه وخبرته


٣- تعلمه عن كل شيء 
حتى الاشياء اللي ما اكتشفها تعلمه اياها 
ولا تخفي مثقال ذرة 


واذا فيه خيار رابع او خامس اذكروه 



.


نريد فقط اللايك وننبذ الدسلايك







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اعلمه بكل شي فيها واخليه يفحص  لان الدنيا فانيه وفيه اخره نتحاسب عليها ومن غشنا فليس منا 


up 6 down 0
kork v3 38
قبل 9 شهر



اعلمه بكل شي اعرفه وثم اقول افحص وكم مره بعت سياره وخبرتهم بكل شي وبعضهم يفحص وبعضهم ياخذ على كلامي لاكن الزم عليه بالفحص عشان ابرئ ذمتي زياده لان ممكن يكون فيه عيوب انا ماعرفها بالنهايه هاذي دنيا فانيه ومحنا بااخذين شي منها


up 4 down 0
كارينو 512
قبل 9 شهر



حياك
ومن يتقي الله يجعل له مخرجا
وش الفايدة من الغش الدنيا دوارة
وفيه طريقة يستخدمونه باالمعارض اللي حي حراج ميكرفون
يعني تشتري سيارة سكر بماء 
بدون فحص انت ونصيبك 
يعني تحمل ماتواجه من عيوب ولاتقول غشوني يعني
اذا بتشتري من من تحت المكريفون انت غاش نفسك
وباالتوفيق


up 0 down 0
باترول 2020 2143
قبل 9 شهر



ابيعه ويذكرني بالخير ولا ابيعه ويدعي علي لليل نهار . وحتى لو مابعته يقول الله يجزاه خير علمني بكل شي فالسياره

لابد من تعلمة بكل شي . يمكن شخص .. فلوسه يالله تكفي السياره الي يحلم بهأ...وانت تبي تسكت ثم بكره يتخسر فيها ويقعد يدعي عليك




up 0 down 0
صاحب سموه 536
قبل 9 شهر



اعلمه بكل شي فالسيارة عشان ابري ذمتي 
وانا اجبره على انه يفحص السيارة حتى لو رفض 
عشان لو طلع شي بالسيارة انا مادري عنه مايكون في ذمتي 



up 0 down 0
abood.az 83
قبل 9 شهر



الحرام لا يدوم ....


ابيع و هو عارف اكسب مال حلال و سمعه طيبة .. و لا ابيع بالحرام و يجلس يدعي ليل نهار علي خصوصا بان بعضهم ما معه الا هالقريشات و حطها في هالسيارة


up 0 down 0
همهمه 52
قبل 9 شهر



ههههههه
موضوعك مايبيلها واحد اثنين
الخانه رقم ثلاثه هو الجواب الصحيح
الي راح يقولونه كل الناس والاعضاء حتى الشرريطيه
هو رقم 3 بس تعال وقت الجد
تشوف الي يشيب الراس
وتعرف المنافق من الصادق


up 8 down 0
d7ooom777 894
قبل 9 شهر



صادق ااخر رد عند الجد يظهر الخوف من الله والامانة


up 1 down 0
aameer altayeb 114
قبل 9 شهر



اللي اعرفه اعلمه فيه واخليه يفحص ويأخذ رقم جوالي لأي استفسار مستقبلاً
عن تغير الزيوت والفلاتر. واللي بيغش الناس مابيغش الا ذمته


up 0 down 0
fahd077 273
قبل 9 شهر



اللي اعرفه اعلمه فيه واخليه يفحص ويأخذ رقم جوالي لأي استفسار مستقبلاً
عن تغير الزيوت والفلاتر. واللي بيغش الناس مابيغش الا ذمته


up 1 down 0
fahd077 273
قبل 9 شهر



يمكن اقعد ساكت


up 1 down 1
khaldeen
قبل 9 شهر



من يغش أو يدلس في البيع لم يخسر أمانته وذمته فقط بل خسر ثمن ماباعة بالغش والتدليس حيث تمحق البركة منه ويتحول من مال حلال إلى حرام وسيبني من هذا المال الحرام لحمه ولحم أولاده
فهل الطمع بزيادة الربح تستحق هذا ؟


up 0 down 0
abu sarh 65
قبل 9 شهر



اوضح له كل العيوب وفي النهاية هاذي دنيا وبكرا اخره
ابيعه شي يقعد يدعي لي ولا ابيعه شي مغشوش ويقعد يدعي علي


up 0 down 0



تخيل نفسك وانت رايح تشتري موتر. ولاعندك خبره ابدا كيف بيكون الدعوات على من ضلمك بسياره كلها خرابات. ثانيا والله أعطيه الخراب وأقله فيها كذا وكذا . ورزقي ورزقك على الله . 


up 0 down 0
أبوعابد9 71
قبل 9 شهر



والله وبالله وتالله.    وانتم لاتعرفوني ولا اعرفكم.   اني ماعمري ولا اتمنى لمسلم يخفي اي شي
حتى القطع التجاريه اللي مركبها ابلغه واعطيه رقمي وحتى زيت المكينه.  اذا مثلا ماشي عليه ٢٠٠٠
اقول امش ٢٠٠٠ وغيره تراني مغيره.  ولاله داعي.  واعطيه هاتفي واطلب منه التواصل للاستفسار. على الرحب والسعه
واحد بس اللي كرشته.  مريض نفسيا.  ذاك.  كان يكلم واشم رائحة التشكيك.  اخر شي قال بالله عليك. ماوظبت
القير.  قلت لا. وانت كشفت عليه.  قال يعني تغييراته ماتعجبني قلت الزيت اغيره كل ٥٠ الف.   قال والله مدري عنك
قلت اقول عندك الورش.  لكن سيارتك عندك وقروشي عندي.  والبيعه تمت.   ولاعاد تكلمني الشرهه علي انا
اغلبهم يتصل او يراسل بأدب استفسار استفسارين واطمنه بانه عادي.  لأني اتمنى يكون مبسوط بالسياره
واكون عارف السياره بحكم العشره. والمده.  فاساعده.   


والله ان البيع مع بيان العيوب والله والله انه بيع فيه بركه
والمشتري اذا وجد منك الصدق بيدعي لك 
والفلوس ماهي كل شي        الذمه    الذمه      الذمه


up 1 down 0
لا للغلاء 380
قبل 9 شهر



قبل الفحص اعلمه بكل شي
حتى اللي مايطلعونه الفحص !!
ﻷن احياننا الفحص مايطلعون نتعه بالقير او مثلا ثقل بالدوده
فا أقوله حتى عن الأستهلاكيات
مثلا جلد مقصات وفحمات ووو الخ
والبعض يتم ساكت كأنه مايعرف شي علشان يبيع بس
والشي اذا مالله كاتبه مايصير ولا تنباع 
بل بعضهم يرتاح لمن تصرح بعيوب السياره قبل فحصها
وبعد مايفحص عاد بكيفه هو 
والشغله كلها ذمه والرزق ع الله 


up 1 down 0



الي مايعلم وش في سيارته من عيوب يعتبر " غشاش " 

هذا الموضوع مايحتاج شرح او تفسير اذا حبيت تبيع اي شي تذكر مافيه من عيوب ومن حسنات وللزبون حق الشراء او صرف النظر وهذا حق من حقوق كل الطرفين 
بعضهم يعدها شطاره ، وهو وقع في شباك الغش والنصب 




up 0 down 0