أضف سؤال أو موضوع جديد          

وش رايكم وش اسوي؟

up 1 down 2
haraj.j 67
قبل 2 سنه و 2 شهر



سلام عليكم ...
ياخوان انا عندي مشكلة بموتري بهذلتني
رفعت ضغطي خلتني اكره السيارة ومعها اكره عمري!!
المشكلة انا عندي لاند تماتيك
مره من المرات رحت للبر المهم طعست فيه وتعبت السيارة

وبعدها قطعت سيل خفيف لكن بعد ماطلعت من النفود لاحظت
فيه مشكلة السيارة صارت تتفتف اذا دعست بقوه
لازم اخفف الدعسه عشان يغيير النمره
المهم السالفه لها اكثر من سنه وماعرفت له

سؤالي الاول هل فيه احد يعرف الحل؟
سؤالي الثاني هل اقدر اسوي لها فحص للمعلوميه ماطلع
عندي علامه فحص بالطبلون ووين افضل مكان فحص؟
والله يسعدگم لاتبخلون علي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


جرب غير زيت القير مع الفلتر


up 0 down 1
احمد 170 308
قبل 2 سنه و 2 شهر



للاسف جربته ولا فاد ، اشكرك ع المساعده


up 0 down 0
haraj.j 67
قبل 2 سنه و 2 شهر



يمكن دخل مويا للمكينة عند الكويلات وأثرت على ادائها


up 0 down 0
ahmad akk 558
قبل 2 سنه و 2 شهر



السلام عليكم شف لك كهربائي خله يشيك لك على الكويلات +البخاخ يمكن يحتاج تنظيف +طرمبة البنزين +صفاية البنزين +بواجي __من خبرتي المتواضعه


up 1 down 0
راااايق هواااانا 26
قبل 2 سنه و 2 شهر



مرت علينا بالورشه نفس حالتك بضبط
جيب لكزس 99م غير كل شي مافاد نهائي حتي زيت القير والفلتر والكويلات وطرمبه البنزين بدون نتيجه او فائده
عزيزي مشكلتك ليس بالماكينه
مشكلتك كلتشات القير والرمانات ومنظم الحساس الوفردرايف منظم التغيرات
معلومه مهمه للجميع جميع سيارات العالم الاتماتيكي يوجد لي تنسيم او لي الهواء الحراري بطول 4 سم
موجود اعلي القير ولاتشاهده بنظر لا اذا فكيت القير
عند دخولك السيل دخل الماء بالي بكميه مايقل عن لتراو اقل وبذلك اثر علي عمل الكلتشات والرمان وكذلك الطنجره
وعند الدعس القوي الكتشات لا تستجيب بسبب الماء الموجود بالطنجره وليس الفلتر
الحل توظيب او تنظيف كامل فك القير وتغير الكلتشات والرمانات والمنظم وتنظيف الطنجره اذا مافيه حراره
وتغير الزيت مع الفلتر 12 علبه كامل
النتجيه بأذن الله يرجع الموتر افضل واحسن من اول وانشط بالقومه والتغيرات بتكون مستجابه مع دعسه الماكينه



up 10 down 0
ماجد المطلق 10817
قبل 2 سنه و 2 شهر



https://www.youtube.com/watch?v=6UVutfQiCkI



up 1 down 0
عمده33 1636
قبل 2 سنه و 2 شهر



كم موديل موترك....


up 0 down 0
برق الحيا 88 595
قبل 2 سنه و 2 شهر



والله يا اخ ماجد انك ماقصرت ولايهونون الشباب
وشكلها كذا موتري vxr موديل
99 يعني نفس الميكانيك حق اللكزس
وبالنسبه لتصليح المشكلة كم ممكن تكلف وهل افضل اغير القير
او اصلحه؟


up 1 down 0
haraj.j 67
قبل 2 سنه و 2 شهر



دام السالفه لها سنه وانت متعود. عليها خلها لين يخرب نهائي . أو روح على قوله نضفه من الداخل المهم لاتوضبه او تغيره 


up 0 down 0
أبوعابد9 71
قبل 2 سنه و 2 شهر



اذ السيارة فيها تفتفه معناته المشكله في البواجي واسلاك البواجي وفلتر الهواء وتنظيف البخاخات ...الجربكس ماله علاقة بالتفتفه .

وبالنسبة لتبديل النمر يوجد سلك واير نازل من البخاخ الى الجربكس هذا هو سبب المشكله عندك


up 0 down 0
mansoor707 56
قبل 2 سنه و 2 شهر



الاخ منصور نعم القير يعمل تفتفه
اذا الطنجره تعبان او الكتشات محترقه دخل فيها مويه تعمل خلال بدعسه البنزين ويعمل تفتفه خفيفه
بنسبه واير نازل من البخاخ الى الجربكس الاند كروزر مافيها واير اسلاك كهرب
خلاص مسئله الواير انتها مافيه بالسيارات الجديده
الموديلات القديمه مثل الجمس والتاهو لالاند كروز القديم تحت 97م
.


up 0 down 0
ماجد المطلق 10817
قبل 2 سنه و 2 شهر



استاذ ماجد المطلق الواير موجد الى موديل 2007 في جيوب الاند كروزر

وارجو توضيح من صاحب الاعلان هل يوجد تفتفه اثنا تشغيل السيارة وهي واقفه ولا اثنا المشي



up 0 down 0
mansoor707 56
قبل 2 سنه و 2 شهر



الاخ منصور
حبيبي التفته مع المشي والدعسه والقومه المفاجئه اذا كانت الطنجره عطلانه او فيها حراره او دخل فيها مويه تعمل التفتفه
انا اتكلم عن القير الاتماتيكي العادي يختلف الوضع
اما اذا تفتفه وهي واقفه فالقير ماله علاقه بيكون بواجي او صفايه بخاخات
لكن الرجال غير كل شي ولافاد وداخل سيل والمشكله بعد دخول الماء للقير
ان شاء الله وصلت الفكره والمعلومه
؟


up 0 down 0
ماجد المطلق 10817
قبل 2 سنه و 2 شهر



بالنسبه للسيارة ابدا مافيها تفتفه والسياره واقفه
ولا فيها ولا مشكلة لكن اذا مشيت ودعست بقوه مايغير من الثاني للثالث
ويبقى يتفتف لازم اخفف الدعسه عشان يغيير
وللمعلوميه بالنمره الاولى يتأخر كثيير مايغير يوصل الاربي ام
على ٤ احيانا



up 0 down 0
haraj.j 67
قبل 2 سنه و 2 شهر



طيب اخوي ماجد انا ماودي اوضب القير هل فيه
حل ثاني يعني انت تقول تنظيف قير وفك
هل هذا افضل حل وكم يكلفني >واضح اني طفراان
هههههههههههه امزح امزح الله يرزقنا جميع


up 0 down 0
haraj.j 67
قبل 2 سنه و 2 شهر



اخوي ماجد الله يسعدك ممكن رقم لاحد الورش اللي تنصحني فيها
او رقم ورشتك بيض الله وجهك


up 0 down 0
haraj.j 67
قبل 2 سنه