طلعت اشاعة - انا اسف - كنت ابغى افيدكم فقط

غريب . جاني خبرها في الواتس
دخلت الموقع حق وزارة الداخلية
مازالت المخالفات مثل ماهي

نفاها  المرور تويتر

غير صحييييييييييح

جزاك الله خير. جتني الرساله على الوتساب 

وراسلت المرور على حسابهم بتويتر. وقالو الخبر غير صحيح 

اشاعات فقط. 

غير صحيح

يموتون ولا راح يشيلون تدبيل

الله يعين اللي عليهم مخالفات كبيرة
انا اخذت مخالفة سرعة 300 ريال وانا مسافر ضاق صدري يومين

قلنا مرارا وتكرارا ياجماعة السرعة مافيها خير التزم بسرعة الطريق وخلوكم من الهياط والتكشيح وخلوكم مثل اخوانكم في دول الخليج الشقيقة مافي فايدة كانو يردون علينا بشتائم واستهزاء الله المستعان الله يعينكم

امس تجادلت مع واحد بالواتس بخصوص هذا المووضووع

لو صدق السالفه كان المرور اعلن عنها

عوافي 
انت كنت تبي تفيدنا
لكن طلع الموضوع اشاعه
شكرا لك

السالفه صحيحه وصدق
نزل خبر في سبق انه كان فيه خلل فالنظام
يعني الي نشر صورة التخفيض كان صادق من 15 الف ل 7 تقريبا
يمديه سدد وكسب التخفيض الا اذا بيرجعون التدبيل عليه...

شكراً اهم شيء نيتك لنا ..

انا جربت اليوم وحصلتهم خاصمين 150 ريال

حياك 
ومعذور الااشاعات بكل مكان
ونصيحة للجميع اي خبر يتداول بجهات التواصل عن اي ادارة
او وزارة 
ع طول رح لاتوبتر وتحصل حسبات رسميه لاهالاادارات والوزارت
واسال بنفسك وراح تحصل الجواب علا طول
وباالتوفيق

اخوي انا اليوم سددت وقوف في اماكن غير مخصصه كانت مدبله صارلها شهر ويومين وتفاجأت انها غير مدبله وسددت 100 فقط

صارت معي شخصيا 

كان علي 3650
سددت 2300 الاسبوع اللي فات
خويي عليه 44 الف

وسدد 31 الف

قريبي كان عليه 1700
سدد 1200

واحد من اخوياي ايضا كان عليه 2450 سدد 1850

ولد عمي عليه 650 سدد 400

ولي اقارب كذلك لم ينخفض لهم ولاريال

واخوي ايضا مانقص له شي

يعني في ناس نقص عندهم وناس لا

والسبب خلل

وان شاءالله ماترجع اذا صلحو الخلل

السالفه ومافيها الي عليه قسايم يعني الي جته مخالفه ورقه صفراء فقط تنخصم
اذا مخالفه من ساهر ماعليها خصم نهائي// اخوي عليه9500 شيكت على مخالفاته بالصرافه خاصمين900<مخالفات ورقه صفراء
مثال تضليل×حزام×وقوف خاطئ×سرعه×لايوجد لوحة على السياره/والا اخر..