بخصوص الكامري 2004

انا ماجربته لكن سمعت ان مكاين هل الموديلات من 2004 الى 2006 تحتاج تغير
او توظيب والله اعلم

لكن ماتجي زي الوحش 2000-2002

وعليكم السلام ورحمة الله وبركاتة .

أخوي الكامري 2002 ياباني أصلي وخدومة صح .... أما الكامري 2004 وفوق تجميع استرالي وفيه الي مدحها وفيه الي سبها .

كلن وسواقتة وتعاملة مع السيارة لاكن الزيت ينقص في الموديلات 2003 وفوق والافضل 2002 اذا لقيت نظيفة . موفق

حسب حد علمي ان زيتها بينقص ..
بس الصراحة ..
حمار مكدة بمعنى الكلمة - ماشاء الله -
مع واحد من صحابي ماشي فوق >> النص مليون << - ما شاء الله - وبيحط بنزين وكفرات ..
وحاجات بسيطة > مش فاكرها ..
أسعارها انزل المعارض وشوف ..
أتوقع في حدود ال30
موفق ^__^

كلها كويسه وخدومه اما 2002 اقوى حديد بس هاذا الفرق

شوف اخوي انا معي كامري 2003 وقير تماتيك وسافرت عليها من الحفر للقصيم مرتين ولا نقص زيتها اللي ينقص يقولون العادي لان عمي معه وحده 2003 قير عادي تنقص مع الخطوط الطويله لاكن من الكرف اتوقع 2002 تكرف لاكن حتى 2003 الى 2006 تصبر وتكرف بعد واحد من العيال اعرفه مطفوق وراعي سرعه وتفحيط والسياره موديل 2005 والا الحين صابره مشاء الله ومتماسكه

يعطيكم العافية الله يسعدكم ويكتب اجركم
والله يجزاكم الفردوس

رح اشتر وانت مغمض

والله ماتندم

انا كانت معي وحدة مخليها ليموزين كديتها على وجهها وصابرة ومحتسبة ولا اشتكت .. بس اغير القطع الاستهلاكية .. بس اشوف الافضل لك كامري 2002 بنفس سعرها وتكرف اكثر اتمنى لك التوفيق