قصة غريبة طريقة نصب جديدة موقع حراج
9
0
إضغط هنا للإخفاء
السلام عليكم ورحمة الله وبركاته
قبل كدا حكيت لكم بقصة المشتري إلى نصب عليه
اليوم القصة الثانية غريبة نفس الوقت
في مشتري اتصل عليا بغى جهاز فحص كمبيوتر obd2
قلت له ابشر تفضل قلي انا من الجوف وإنه يبي كمية جهاز الفحص قلت له عادي حياك ويجي يرسل سواق أهله في جده يستلم مني
متوفرة
قلي ابي جهازين الحين قلت له خلاص مئة ريال قلي عطني رقم الحساب قلت اي حساب قلي اهلي قلت له ماعندي دقيقة اعطيك حساب زميلي قلت له راسلني واتس عشان ارسلك رقم الحساب قلي ماعندي ارسلي رسالة نصية قلت له طيب
بعد ما أرسلت له بعدها بدقائق قلي ماعليش رسلت لك بالخطأ 5 الف كنت ناوي ارسلها لأهلي في جده قلت له عادي مافي مشكلة قلي الله يرضى عليك سلمها للسواق وإنت تسلم الأجهزة حق الفحص OBD2 قلت له ماطلبت شي سألته وين يقابلني قلي بيقابلك عند سوق حراء الدولي قلت يلا طيب مافي مشكلة
وقلي ماعليش تعبتك معاي انا فلان بن فلان في الإمارة البحث الجنائى إذا تبي اي شي خدمة من إمارة الجوف كلمني قلت له سلامتك الحمدلله مابغيت شيء اتصلت على الرجال زميلي سألته وصلتك 5 الف قلي ايوا قلت له خلاص طيب لآ تسحبها من عندي علطول اتجهت لحراء رحت عند الصراف وسحبت من حسابي الراجحي 5 الف واتصلت عليه قلت له وين السواق قلي يجيك الحين انتظرته جاء راعي ليموزين بكستاني ماتطمنت للوضع قلي سواق عائلة وكيف معه ليموزين إحترت قلت له اتصل على فلان بن فلان إلى ارسلك اتصل عليه قلت سلام إنت فلان ايوا خلاص سلمته الأجهزة وخصمت المئة والمبلغ 4900 قلي شكرا الله يرضى عليك ماقصرت اتواصل معك ابي جملة وكذا قلت حياك اي وقت
المهم الحين مر تقريبا من الوضع 10 ايام إتصل واحد على زميلي ويقله رسلو لك 5 الف في حسابك رجعها ومدري ايه اتصل عليا هو مفجوع قلت له ايش في قلي اتصل عليا البنك ويقلي رسلو لك 5 الف بالغلظ رجعها قلت له عطني رقمه أخذت الرقم ماهو نفس الرقم الي اتصل عليا طلع واحد ثاني
دورت الرقم القديم إلى كلمني منه اول مرة فلان بن فلان طلع الجوال مقفل!
المهم أخذت الرقم من زميلي قلت له تفضل انا صاحب الحساب كيف اساعدك قلي يبوي حولت لك فلوس بخصوص جهاز تورك قلت له أي جهاز قلي جهاز تورك بي 5 الف كلمني واحد من حراج واعطاني رقم حسابك
قلت له بعدين قلي انا مااعرفك إنت انا اعرف صاحب الحساب اسمه فلاني كذا وكذا متزوج ورقم إثباته كذا وكذا قلت له خير يبوي مو إنت كلمتني وقلت إنك تبغى جهاز ابو 100 قلي لا مو انا قلت له أجل كيف حول لي الفلوس نفس وقت كلمني فيه قلي مدري وآآ انا اشتيكيت للشرطة نصب عليا فلان بن فلان واعطاني رقم حسابك وانت نصب عليك لأنك أعطيته الفلوس واعطيته رقم حسابك طيب قلت له مو أنت كمان غلطان حولت له الفلوس قلي لا الي يحول مش غلطان إلى يستقبل الفلوس
قلت بعدين ايش كمان قلي الحين انا ماابي اورط صاحب الحساب اعرف إنه بريء فا الحل عندكم قلت له أي حل قلي حولي الفلوس قلت له صلي على النبي انا ايش لي دخل إذا في واحد نصب عليك يعني تجي فوقها تهدد قال لا والله ماأهدد قلت وبعدين قلي حولنني على زميلك مكالمة جماعية نحلها اكلمه هو قلت له يصير خير وقفلت في وجهه ايش رأيكم في الناس ذي لذي درجة وصل النصب الزمن هذا؟
إنتبهو من النآس إلى كذآ ي أخوان تسوي فيهم خير يقلبو لك شر
إبلاغ
الردود
0
0
حسبي الله ونعم الوكيل في كل نصاب
قبل 7 سنه و 9 شهر