مالفرق بين اكسنت و يارس تويوتا للمجربين فقط؟

اكسنت عن تجربه حقت مكده وخدومه وتستاهل كل ريال يندفع فيها سعرها جديده 36 ارخص من اليارس

اليارس جديدة سعرها 36 بعد 
ياصاحب الموضوع شف مووضعي عن تجربة اليارس والاكسنت 
وان شاء الله تستفيد

حياك ابو ناصر
كلها ماتقصر الثنتين
بس دامك وصلت مبلغ فوق 35 الف
راجع حساباتك وفكر في السيراتو
فئة اوسع واكبر واريح من الاكسنت واليارس
السيراتو سعرها مقارب للاكسنت وموتر بالحيل بيخدمك ويريحك

السيراتو أفضلهم وإذا مخير خلاص بين الموترين الياريس الجديد افظل مع الجير الجديد ٧نمر cvt

اليارس نزل عليها الCVT خلاص مثل الكورولا
و الاكسنت الاستاندر 1.4

الافضل كيا سيراتو ب36
مكينة 1600 و قير 6 نمر تبترونك
2017 زاد سعرها الحق على 2016 
عيبها ايرباق للسواق فقط 

اكسنت وعن تجربه تكييفها افضل وحقت مكدة وكرف وصيانتها رخيصة وخفيفة وسط البلد
اليارس تجي بعدها كان عندي 2013 وكان فيه عيب مصنعي الكومبريسر يخرب فجأة وغيرته وكاله ب 2800
وتكييفها للامانه مو كويس يعني حر الظهر مافي تبريد بس مروحه
فالاكسنت اشوفها الانسب الموديل الي جربته 2012 للعلم فقط

الاكسنت انشط افضل عزم
وافضل شكل بالنسبه لي والان تحصل في بعض المعارض 34 الف

لكن مثل ماقال الاخ الرفاعي مادامك وصلت للسعر هذا عليك بالسراتو مكينة اكبر ووسع ولو سافرت عليها بتكون افضل بكثييير
من اليارس والاكسنت

من تجربتي للاكسنت و اليارس انصحك يا طيب: كلا السيارتين جيد لكن اليارس أفضل من ناحية التكييف و الثبات على الطرق السريعة
و نصيحة استأجرهم و جربهم بنفسك و بعدها اشتري اللي يناسبك

اشكركم جميع الي ردو
كان ودي اقيمكم تقيم ايجابي  لكن لا استطيع
لوجود هذه الرسالة ( لايمكنك التصويت حتى الحصول على 30 نقطة على الأقل
إضغط هنا للإخفاء)

الله يجزاكم كل خير يارب

مكيف الاكسنت لظهر لك عليه لكن اليارس ما شاء الله ممتاز
كشكل الاكسنت أفضل من اليارس

انا استأجرت الثنتين كلهم 2016
الاكسنت افضل من ناحية العزم

استخدمت اليارس القديم سيئة بكل ماتعنية الكلمة صناعتها ماليزي اكثر شي ازعجني فيها الدينموا والمكيف وحاليا استخدم اكسنت بامانة افضل بكثيرررر من اليارس العزم ممتاز والمكيف لاباس اما العزل فالثنتين سيئه

انا عندي يارس 2012
مكيف ممتاز
عزل ارضية سيء وصوت الكفرات واضح
لايوجد ثبات بعد سرعة 100كم
عزل الهواء جيد
تعليق قاسي مثل الاكسنت
مراتبها رفيعة من الداخل عكس الاكسنت كأنك في قبر
السيارة ارتفاعها عن الأرض ممتاز حتى مع ثلااثة اشخاص في الخلف و مع المطب عكس الاكسنت نازلة
السيارة خدومة مشيت بها 100000 الف والى الآن ما غيرت فيها قطع غير الاستهلاكية

الاكسنت افضل عن تجربة مكينتها اكبرمن اليارس وعزم افضل حتى القطع الغيار ارخص