أضف سؤال أو موضوع جديد          

حاجات ماتصير الا عندنا ادخل وشوف

up 2 down 1
مالك رجا 605
قبل 3 سنه و 10 شهر



السلام عليكم كيفكم شباب بدخل على طول بالموضوع ليش اسعار السيارات القديم اغلى من الجديد هذا شي شفته بعيني بالمعارض الهايلوكس 2015 اغلى من 2016 و17 والله غريب
مع اني جربت السيارتين مااحس في فرق بالقوة الا ان ال2016 تتفوق بحاجات عن القديمه بحجم الجنط والتماسك والاوبشن الجديد من بصمه وثلاجه وخلافه
ليش الناس مصره على القديم افضل هذا الكلام بالمعارض ال15 سعرها ب105 او 107 وال16 وال17 اسعارها تبدا من 80 الف ريال هذي وحده الشي الثاني وش الفرق بين الخليجي والسعودي والاردني ما شفت فرق الا ان السعودي اقل مواصفات ، والله بالنسبه لي كمستخدم او تاجر اخذ الجديد ولاعزاء للقديم اسف على الاطاله عطوني رايكم والله يحفظكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مثل ماسووا في الهايلوكسات زمان الزمن يعيد نفسه
لكن اللي عقله براسه ياخذ الجديد والقديم يتركه لهم
حتى الكوامري وكل السيارات خصوصا تويوتا اذا تغير الشكل
خزنوا كم عدد قليل ويعلنون عنها انها فرصة نادرة وفيه ناس تصدقهم
بس زمان ايام فيه بدلات اما الايام ذي مااعتقد الا ان الواحد ياخذ جديد


up 2 down 0
ابو عبدالله احمد 3497
قبل 3 سنه و 10 شهر



والله ياخوك عقول الناس صارت ماتاخذ الا على قول فلان وعلان



انا عن نفسي اخذ جديد ولا اخذ قديم ولاهمني قول حــد


up 3 down 0
aboahmed2014 1148
قبل 3 سنه و 10 شهر



عندنا ماشين بالمثل الي يقول ( وجهن تعرفه ولا وجهن تستنكرة) 

ومالومهم لأن غالب الي يشري جامع حوشة العمر  ويبي شي مضمون  مجرب  
يقول انا مستعد اتنازل عن الاحسن بس ابي الاضمن  
شي انا شفته من الناس وخاصة كبار السن  



up 4 down 1
الاش 621
قبل 3 سنه و 10 شهر



الاش وهذا مثل ثاني ( القديم قديمك لو الجديد اغناك ) لكن بالاخير كل شخص له وجهت نظر اصابع اليد مهي وحدة


up 1 down 1
برق الحيا 88 614
قبل 3 سنه و 10 شهر



يا ولد بالنسبه للهايلوكس  انا مستخدم 2012 وحاليا معي 2016
ولو خيروني بيتهن  اتم علئ 2016 يا ولد مافية مقارنه


up 1 down 1
جاي امس 451
قبل 3 سنه و 10 شهر



انا اشوف حتى المستعمل٢٠١٥اغلى من٢٠١٦

زي الكامري ٢٠١٠مرغوبه 

لقيت٢٠١٥مستعمل ومرشوش رفرفين يبي٨٥

لا وماشي ٩٠الف عادي مودبل


up 0 down 1
وليد عدنان 32
قبل 3 سنه و 10 شهر



الظاهر والله أعلم إن الموديلات القديمة شاريها راعي المعرض بالأسعار المرتفعة قبل سنتين أو سنة وما راح يبيع بخسارة والله أعلم

أتكلم أنا عن أصفار إذا مستخدم فهو طمع تاجر


up 0 down 1
أبو تمام 1 247
قبل 3 سنه و 10 شهر



الشركة تخسر ملاين الدولارات عشان تطلع شكل جديد او جيل جديد بالكامل الجيل الجديد اكيد افضل في الانسيابيه وخفة الوزن واكيد تلافو العيوب ف الشكل القديم والمواصفات افضل والتكنلوجيا ووووووو لكن هذا نظام الشريطيه عندك الكامري 2011 تلقاها ماسكه سعرها افضل من الجديده وانا حسب تجربتي ان الجديد افضل ف العزل والتكييف والقير 6 نمر تبترونك والمكينه اكبر واقوى والتكييف جبار والمواصفات ممتازه لكن شغل الشريطيه ووصاختهم تلعب دور كبير في احتكار الموديل القديم ورفع اسعاره والضحك على المشتري المسكين


up 3 down 0
ابوعمير الغامدي 28
قبل 3 سنه و 10 شهر



ذكرتني بكامري. ٢٠١١ العام. بيضا.    يقول ابو شرط.       مسيومه ب ٤٩٠٠٠ هههههه
ولافيها فتحه.  ولاركزت بس الظاهر عايديه.     لكن خلها فل


up 2 down 1
عبدالله الشفيعي 1440
قبل 3 سنه و 10 شهر



بالعكس انا لوخيروني باخذ 15
دايما اول مايتغير الشكل ( جيل جديد )
يكون فيه عيوب ماتتلافى الا بعد ثلاث موديلات على الاقل
الان ظهر عيب مصنعي في الدبل في ال16
يالله الحين دبرها


up 0 down 0
شرشاب 5
قبل 3 سنه و 9 شهر