أضف سؤال أو موضوع جديد          

مشكلة لمبات التحذير وحلها حياكم

up 19 down 2
الرفاعي33 13914
قبل 4 سنه و 10 شهر



السلام عليكم ورحمة الله وبركاته

صباح الخير على اعضاء منتدى حراج
كيفكم ان شاءالله مبسوطين ومرتاحين

ماطول عليكم اليوم جايبلكم موضوع مشكلة حصلت لموتري هاليومين وادوختني والحمدلله حليتها بعد معاناة

اليكم المشكلة كاملة من بدايتها الى نهايتها
المشكلة ومافيها طالت حياتكم •~•~•~•
قبل 3 ايام بالتحديد شغلت الكامري في الحوش عشان احميها

خليتها شغالة ورحت البيت 5 دقايق ورجعت
فجأة ياخوان الا لمبة التشيك شغالة ولمبة التحذير مثلث احمر ولمبة مانع الانزلاق
وطلعلي كلمة في الطبلون ,,/CHECK VSC SYSTEM
قلت لاحول ولا قوة الا بالله
وش السالفة ياموتري هاذا وقته
مقصر معك بشي يابعدي هههههههههههههه
فلاتر ومضبطينك
بواجي وطالبينها لك طلبية لعيونك من امريكا
ثروتل ومنظفينه
ومدلعك على اخر دلع
قلي بس وش تبي امرني
هههههههههههه المهم يالطيبين
حركت الموتر الا والله مشية طبيعي
لاهنه ولا ونه طفيت وشغلت
وهو شغال تولع تشيك فقط
اول ماعشق وامشي لو متر تولع جميع المبات والانذارات
ياهووووو ايش الحكاية
واخرتها معك رحت محلات كهرباء في الباحه
وتعال شوف
واحد قالي حساس الاكسوجين وما اقتنعت مشيت من عنده.

الثاني يقول نظف بوابة وما اقتنعت توني منظفها مالها شهر.

الثالث اعجبني بصراحته قالي ماعرفلها
سوي فحص كمبيوتر في الطايف ولا جدة
قلت ابيض وجه انت اطيبهم وافضلهم ••••

مشيت وعلى البيت قلت بفصل البطارية ربع ساعه
واشبكها ممكن تروح هالمبات
شبكت البطارية ونفس المشكلة
شي يحير ويخليك توسوس
يعني مافية لاتفتفه ولا شي ومشي طبيعي؛؛؛؛؛؛؛؛؛؛

اليوم الثاني رحت داومت وقابلت صاحب لي بالعمل
معه اوريون 2010 وعطيته الحكاية كاملة
قالي افا يابو محمد اخبرك اخبر مني وفاهم
لاكن اسمع العلم المبات الي ولعت عندك
ولعت عندي في الاوريون قبل سنتين
ورحت للوكالة وطلعت ضعف بطارية !!!!

انا والله استغربت معقولة كل هالمبات والانذارات عشان ضعف بطارية
والمشكلة انا مغير بطارية هنكوك مالها 7 شهور
يعني بالمرة ماجاء على بالي بطارية ••••
المهم قال جرب غير البطارية واتصلبي بعدها
داومت وفي اليل كلمت ولد جارنا معه افالون
قلت ابي اركب بطاريتك في موتري اشوف تروح اللمبات
قال ابد ولا يهمك .....

فكيت بطاريته ايسي ديلكو وركبتها وشغلت
الا والله ياشباب ماعاد لها طاري المبات
واتصلت على صاحبي وشكرته شكر من اعماق القلب
فكني من الورش .والسباكين. كلن يفتي من راسة
رجعت بطارية الرجال وركب بطارية موتري
وباذن الله بغيرها هاليومين
وللعلم بعد مارجعت بطاريتي رجعت المشكلة
اليكم الصور اول ماشتغلت
وصورة بعد ماركبت بطارية ولد جارنا وطفت لمبات التحذير• •
مع الشرح،،،،،،،،،

طبعا ياخوان بتشوفون علامة نقص هواء الكفر
هاذا مالة دخل شغال من اسبوع لان فية كفر ناقص هواء.

اخيرا / اصحاب الكامري الامريكي والاوريون والافالون والكزس ES350 اول ماتولع عندك هالمبات والكلمة الي موظحه في الطبلون طوالي شيك على البطارية

قلتلكم في اول الموضوع مابي اطول عليكم وشكلي طولت عليكم فالمعذرة منكم .
••~••~••~

اليكم الصور وموفقين جميعا.

اخوكم ، الرفاعي33












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انا عندي كامري 14 اذا البطارية على وشك تنتهي تعلق لمبة ال abc او الايرباق
لمدة تقريبا 3 الى 5 ثواني بعد التشغيل  وبعدين تطفي 
وصارت معي مرتين


up 1 down 0
alhelali10 84
قبل 4 سنه و 10 شهر



افضل بطاريه مرت عليا اسمها فيترا قيمتها ٢٦٠
لها معي سنتين


up 0 down 0
الامبراطور2202 -4
قبل 3 سنه و 8 شهر