أضف سؤال أو موضوع جديد          

حرارة في كورولا 2010 -تم تحديث الموضوع للفائدة-

up 3 down 0
آبو بندر الحارثي 111
قبل 3 سنه و 10 شهر



السلام عليكم ورحمة الله وبركاته

اسعد الله اوقاتكم بكل خير

اشكر كل من خصص جزء من وقته لقراءة موضوعي واشكر ايضاً كل من يرد

ترى العنوان سليم ما اقصد فورد ( دعابة لا تزعلون علينا يا الغالين ههههههههه ) فعلاً اقصد كورولا وفعلاً اعاني تقريباً لي 3 شهور من حرارة فيها مدري من وين جتها وحرارة غريبة ما تعرف لها مذهب لدرجة مريت ثلاث ورش وكل واحد صرف لي سبب من كيسه.

المشكلة كالتالي:
اشغل واسخنها شوي وامشي مسافة على الدائري وترتفع الحرارة الى النص الطبيعي ثم تبدأ ترتفع لين قبل الـ H ثم تنزل وترتفع واحياناً تنزل وتبقى طبيعي واحياناً ترتفع وتبقى مرتفعة واحياناً تقعد ترتفع وتنزل لين الله يفرجها واوصل مشواري ، لكن اذا شغلت ومشيت داخل البلد ما ترتفع وهذا اللي خلاني اقول حرارة ما تعرف لها مذهب ههههههههههههههههه.

اول ما بدت المشكلة كنت على خط ، وقفت وعبيت ماء ويوم وصلت للبلد طفت علي من الحرارة وعبيت مرة ثانية ورحت لورشة قال غطاء الرديتر وغيرته واختفت المشكلة ثم رجعت على خط ( نكبة هههههههههه ) ووقفت اعبيها ولقيت الماء مليان وطفيت المكيف لين وصلت وقالوا كلتش الكمبروسر وغيرته وضبطت يومين ورجعت الحرارة ثم قالوا رديتر وغيرته تجاري ولا زالت ثم قالوا بلف وغيرته اصلي ولسى على ما هي عليه.

ملاحظات:
- فيه نقص بالرديتر مرة كثير ومرة قليل ومرة ما فيه نقص واحياناً اذا فتحته يطلع صوت تفوير والغطاء يكون منتفخ واعبي ماء عادي من البقالة.
- القربة دايم مليانة ووافرغها وتمتلي.
- وحدة من الورش قال الميكانيكي رأس والثاني قال وجه وانا استبعد الموضوع هذا لأني كما ذكرت الحرارة تنزل ولا تبقى مرتفع الا في القليل النادر
- مع الحرارة تقريباً 3 مرات اشتغلت لمبة الزيت وطلع صوت الطرمبة حقته مدري اذا نفس الخراب او مشكلة ثانية
- السرعة تركتها واقصى طبلوني حالياًَ 120 محمد عبده و140 عراقي ههههههههههه

اتمنى تساعدوني وتعرفون حل مشكلتي واللي ما يعرف للمشكلة ووده يساعد اتمنى يدلني على ورشة ممتازة في حائل واكون شاكر له وللجميع.


تحديث #1 بتاريخ 27 ربيع الآخر 1438 هـ الموافق 25 يناير 2017م:
بعد هجولة صباحية في الصناعية على الكهربائيين وفنيي الرديترات وفحص كل من المروحة والرديتر وليات الماء طلعوا كلهم سليمين وتركت حساس الحرارة بدون فحص بسبب إن المراوح سليمة ولو كان فيها شيء كان قلنا احتمال من الحساس.

وبحكم قرب الوكالة قلت خلني أمرهم اشوف الفحص عندهم وطلع لي قيمة الفحص من 250 الى 300 ريال وتجلس السيارة من ساعة الى يومين حسب الزحمة هههههههه. وعشاني مستعجل وابي اسافر طنشت الوكالة.

اتجهت بعد الأمور البسيطة للمطمات الكبيرة ورحت للميكانيكيين ههههههههه وبعد فرة على أكثر من 5 ورش أجمعوا 3 منهم على أن وجه المكينة يحتاج تغيير وتوكلت على الله ودخلت السيارة عند واحد فيهم أعرفه من زمان وإن شاء الله استلمها بعد يومين وإذا استلمتها بإذن الله بأعطيكم النتيجة النهائية.

التكلفة المبدئية للشغل كله 1500 ريال ( طقم وجيه جديد ومسح رأس وشغل يد).

تم التحديث للفائدة.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اتوقع والله اعلم ان مشكلتك
من طرمبة الموية


up 1 down 0
ghost1 578
قبل 3 سنه و 10 شهر



غير الرديتر وعبه مويه تايوتا الاحمر


up 1 down 0
goood boy 290
قبل 3 سنه و 10 شهر



شف تأكد من أمبير الحرارة يمكن هو اللي جالس يلعب ههههه ترا اذا جاء امبير الحرارة التماس متواصل يرتفع الى اتش فيمكن انت التماس متقطع لانك تقول يرتفع وينزل وبعد مرات ثابت .. شيك علية قبل كل شي


up 1 down 1
برق الحيا 88 614
قبل 3 سنه و 10 شهر



الي فهمته منك انك تعبيها مويه من البقال؟!
اكيد بترتفع عبها مويه اصليه الي تتباع
بالبوكالات تقريبا اسعارها لموية
مستوبشي 45ريال للعلبه


up 1 down 1
d7ooom777 385
قبل 3 سنه و 10 شهر



البقالات**
بالوكالات**
باقي الوكالات مدري كم اسعارهم للمويه


up 0 down 0
d7ooom777 385
قبل 3 سنه و 10 شهر



محمد عبده السبب غير بدل يمكن تضبط هههههه دعابة 

يفيدوك الشباب أن شاء الله 


up 1 down 0
business to consumer 1163
قبل 3 سنه و 10 شهر



إذا بتعبيه مويه، عبه من مويه تويوتا الأحمر الأصلي سعر الجالون 3.78 لتر ب 40 ريال

إذا عبيته ماء صافي بيتبخر بسرعة وبترتفع الحرارة

أيضا شيك على الهوز اللي رايح للرأس والكوع


up 1 down 0
فيصل الرماح 37
قبل 3 سنه و 10 شهر



اعتقد في اشياء كتيرة تسبب هذه الحالة ولكن محتاج علاج سريع ... يلزمك ورشة محترمة وممكن فحص كمبيوتر، لا اعتقد انها نوع الميه ولا ثقب في الراديتر .. ولا هو طرمبة الميه وان كانت هي الاقرب من الوصف لانها خربت عندي قبل والحرارة في هذه الحالة ما تنزل الا بالتوقف وترجع تشتغل شوية وترتفع تاني وكان فيه تسريب ميه خفيف تحت السيارة من طرمبة الميه، تأكد ان ما فيه ميه تحت السيارة خصوصا بعدما تبرد وهي واقفة


up 2 down 0
احمد محمد العمراني 245
قبل 3 سنه و 10 شهر



والله كنت حاب افيدك بس بجد سيارتك تلخبط الواحد 
بس حاول تتاكد من عمل حساس الحراره بالشكل المطلوب 
يعني يشغل المروحه بشكل مستمر لان لمن ترتفع اشك انه مايشغل
المروحه عشان تنزل الحراره 
اما الطرمبه وماشابه يبغالها ميكانيكي فاهم يقيم حالتها
وكمان ابغاك تتاكد من غطاء الرديتر هل هو اصلي وكالة
ومطابق قلب وقالب للقديم


up 1 down 0
احمد شريف 3168
قبل 3 سنه و 10 شهر



تأكد من الثلاجه حقت المكينة


up 1 down 0
mushari1985 126
قبل 3 سنه و 10 شهر



الرديتر التجاري ماينفع خذلك اصلي
تاكد ان غطا الرديتر يكون اصلي
يجب عليك تفريغ كااااااامل الماء ( اللي من البقالة ) وتعبي موية تويوتا اصلية قيمتها عند الجملة 35 تقريبا
اذا ماغيرت بلف الحرارة غيره بواحد اصلي .
تاكد من مروحة التبريد انها تشتغل تمام ومافيها خراب .
اخيرا وديها لميكانيكي وان شالله ماتحتاج توديها اصلا .
سلام



up 2 down 0
nissan100 107
قبل 3 سنه و 10 شهر



اصلا غلط تاخذ رديتر تجاري حتى لو كل شي سليم عندك بنسبة 95% ترتفع الحراره واغلبه نحاس يحبس الحراره فيها


up 1 down 1
7amood1930 180
قبل 3 سنه و 10 شهر



اشكركم جميعاً على الردود وصراحة ما توقعت التفاعل الجميل هذا

اللي قالوا الطرمبة ما اعتقد منها لأن الماء ضغطه ممتازوغير كذا ما يجي ماء تحت السيارة اذا وقفت

واللي قالوا الغطاء الغطاء سليم وكالة

واللي قالوا حساس فعلاً ممكن تكون منه لكن انا احياناً يجيني نقص في الماء وهذا اللي خلاني استبعده

والاخوان اللي قالوا عب ماء رديتر اصلي ، والله ودي بس مدري وش الازين الاخضر ولا الاحمر وفي نفس الوقت ما ودي اقعد اعبي كل شوي ودي اعالج النقص ثم اعبي

والمروحة شاك فيها مب بعيدة تكون السبب

اكرر شكري لكم واتمنى لو بس تدلوني على ورشة ممتازة في حائل وعاملها خبرة لأني خايف من السباكين واكون شاكر لكم


up 0 down 0
آبو بندر الحارثي 111
قبل 3 سنه و 10 شهر



موضوعك لحس مخي. قريته مرتين. اغرب مشكله. شفتها

بالمنتدا عن الحراره. هي حرارة سيارتك 

الحراره لها عدة اسباب  لاكن. المشكله. محد يقدر يحدد 

مصدر المشكله من وين. بالظبط. الين يشوفها. ويكون فاهم 

شف. تئكد من الخراطيش حق المويه. (الليات). الي توصل 

من الرديتر للمكينه. تئكد. مافيها تنسيم. او تهريب خفيف 

لان اذا كانت تهرب على خفيف. ماراح تشوف التهريب 

لانه يتبخر. مع الحراره بسرعه. لاكن احياناً يبقاء لها اثر 

وثاني شي. القربه الاحتياطيه. حق الرديتر. شيك 

عليها يمكن تهرب. او الي الصغير الي يوصل للرديتر 

فيه تهريب. بس اهم شي تكون المويه فيها. عند علامة ماكس 

او للنص. لا تعبيها للااخير لانها كذا ترتفع الحراره. 

ثالث شي. المراوح. شيك عليها انت بنفسك. 

شغل السياره. وافتح الكبوت. بس المكيف يكون طافي 

وطالع في المراوح. اذا تشتغل. كويس. انتظر. وشف لها 

مره او مرتين. يمكن تتئخر بالتشغيل. 

لاكن امش اول شي. مسافه. يعني مشوار ابو ربع ساعه 

كذا. وبعدها وقف. وطف المكيف وخل السياره شغاله. 

وافتح الكبوت. وطالع في المراوح. تشتغل او لا اذا تشتغل 

كويس. انتظر لين تطفى. واحسب لها كم تجلس وترجع تشتغل 

مره ثانيه  بالكثير من3دقايق الى 6 دقايق. لاكن اذا 

تئخرت مااشتغلت المراوح والحراره ارتفعت. فهذي. 

من حساس الحراره. لانه هو يعطي امر للكمبيوتر يشغلها 

او يئخر تشغيلها.  طبعاً اذا تئخرت مااشتغلت. راح 

تسمع صوت المويه ترجع من الرديتر للقربه صوت واضح 

وهذا يسببها غطاء الرديتر بس انت غيرته وكاله فااستبعده

ويسببها حساس الحراره وصارت معي  انا صوت الماء يرجع للقربه وبعد الخساير طلع الحساس 

ويسببها. طرمبة المويه 

------------------------------------------------------
مدري ليه اشك ان المشكله من الطرمبة. 

لان طرمبة المويه اذا خربت. تلعب في الحراره لعب 

الطرمبه لها ارياش صغار اذا تكسرت. تصير المويه ترجع. للقربه وترتفع الحراره وتفور الماء. 

واحياناً يكون فيه تهريب. مويه من الطرمبة. تشوفها تنقط 

بس بعض الاحيان  التهريب يكون خفيف  ماتشوفه. واضح.  ويتبخر مع الحراره. 

لاكن  برضه من الاشياء الي تدل على انها خربانه.  

صوت خرفشه. قريب من صدر المكينه. من الجهه الي فيها الطرمبه. 

------------------------------------------/--------------
بالنسبه لطرمبة الزيت. ماادري ليش اشتغلت اللمبه عندك 

مدري لها علاقه بالحراره او مشكله ثانيه فيها. 

لاكن طرمبة الزيت. انتبه منها. صارت معي  ولعت اللمبه

حق الزيت ومشيت على السياره. وخبطت. المكينه. والسبب

الطرمبة. خربت ماصارت ترفع الزيت للمكينه. وخبطت. 

فاانتبه. والافضل تحل مشكلتها قبل الحراره. المكينه اهم. 

لاقدر الله وخبطت بتخسر مكينه او توظيب. وتكلفك خمسه الاف او سته الاف. فاانتبه 

ودامها ولعت اللمبه. فااحتمال الطرمبه. ضعيفه. او الشخال 

مسدود. 

بالنسبه للورش. مااعرف شي في حايل. ولاعمري جيته 

واخيراً. اسف جداً على الاطاله.في الرد 

لاكن. حبيت يكون. ردي. واضح ويكون الشرح مفصل 

وبرد واحد. 

شيك على الاشياء الي ذكرتها لك. وان شاء الله تنحل. 

اول ماتنحل المشكله لاتنسانا علمنا. بالحل. 

واسف جداًًًً على الاطاله  مره ثانيه اعتذر من الجميع 


up 2 down 0
سبحان الرازق سبحانه 2511
قبل 3 سنه و 10 شهر



شكراً اخوي (سبحان الرازق سبحانه) على ردك المفصل والكافي

فعلاً حتى انا مستغرب منها مع ان ورشتين قالوا لي رأس او وجه بدون حتى ما يشوفون تحت الكبوت شيء ولكن استبعدت الموضوع هذا تماماً لأني كما ذكرت لو كانت رأس او وجه بترتفع الحرارة على طول والموية ما تقعد في الرديتر.

غير كذا والله ما تعرف لها ملة مرة ترتفع لدرجة ما يمدي امشي مترين الا وموقف على جنب ومرة تقعد طبيعية لدرجة امسك خط فيها وعادي.

كلامك اقنعني عن الطرمبة وقربة المويه وبأروح افحصهم بكرة او بعده لأن القربة احياناً اشوف حول الغطاء حقها ماء طالع منها واحياناً بعد اكون متأكد اني مقفلها ولما ترتفع الحرارة واوقف عشان اشيك عليها القى الغطاء مفتوح.

عموماً الله يجزاكم خير وبنوافيكم بالحل اول ما تخلص المشكلة ان شاء الله واللي عنده رد اضافي اتمنى يكتبه ولا يحرمنا الفائدة.


up 1 down 0
آبو بندر الحارثي 111
قبل 3 سنه و 10 شهر



الاخ bloly محمد عبده اذا قال حبه سرا بي سريت على غير قبلة من شدة الاستكنان ههههههههههه


up 2 down 1
آبو بندر الحارثي 111
قبل 3 سنه و 10 شهر



يوم تكون السياره حاره بعد مشوار روح عندالشكمان وادخل صباعك شوف اذا في ماء ملتصق في الشكمان 
معناته الراس فيه مشكله 
عادة يكون ماء مع سواد 


up 1 down 0
هبوب الشمال 737 81
قبل 3 سنه و 10 شهر



زين ايش صارت المشكله


up 0 down 0
maintenance333
قبل 2 سنه و 2 شهر



صارت المشكلة من رأس المكينة والمعذرة على التأخير


up 1 down 0
آبو بندر الحارثي 111
قبل 2 سنه و 2 شهر