أضف سؤال أو موضوع جديد          

شداد سير المكينة

up 17 down 4
برق الحيا 88 608
قبل 2 سنه و 9 شهر



السلام عليكم .. موضوع شدادات سير المكينة الذي يعاني منه البعض وهو اصدار صوت ازززززز اذا كان تالف المهم مالكم بالطويلة انا خرب شداد السير عندي بالهايلوكس سألت الوكاله عن سعرة قالي ب350 ؟؟قلت وش اللي ب350 قال شداد كامل قلت ابي البكرة لحالها قال لا مافيه الشداد يجي كامل طلعت ومريت كذا محل وطلع نفس السعر ب 350 والبعض ب320 قلت مالي الا افك الرمان واروح ادور نفس مقاسه فكيته ودورت ولا لقيت -_- سألت عن محلات تبيع الرمانات فقالي واحد فيه بالقصيم بالصناعية محلات تبيع رمانات واطمر للقصيم وادخل شارع كله رمانات ^_^ ياسلام وادور ولا احصل ياليل ههههههه وامر هندي واضح من وجهه انه داهية وأسأله قال عندي بس انحف من رمانك بخفيف رماني عرضه 20 وحقه 18 قالي حط وردة بالمسمار اذا جيت تركبه ثم دخل المسمار بالبكرة وشد عليه وخلاص قلت خلاص هاته بكم ! قال ب50 ريال صناعته ألماني واخذه واركبه والحمدلله وفرت 300 ريال ^-^ فبأختصار اللي عندة رمان لايغير البكرة كامله يروح ﻷقرب مكبس يفك لك الرمان ورح دور مقاس زيه وركبه وتوفر مبلغ مهوب سهل ! ﻷن بعض الناس يغير البكرة كامله وماله داعي كاملة .. الرمان اللي غيرته اللي بالوسط هو الخربان والبقية فكيتهن للتأكد فقط وصارن سليمات والحمدلله وشكرا ^_^  







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يعطيك العافيةوتقريرك طيب وانت اطيب
فعلا فية اشياء مايحتاج تغيرها كاملة
وبعض الورش يقول غيرها كاملة زي دينمو سلف
وياخذها منك على انها منتهية ويغير بعض الاشياء البسيطه
ويبيعها بمكسب مو بسيط
شكرا على التقرير


up 2 down 0
الرفاعي33 13907
قبل 2 سنه و 9 شهر



الله يعافيك أخوي الطيب منبعك الله يسعدك فعلا كلامك سليم شاكر لمرورك ^_^ 


up 2 down 0
برق الحيا 88 608
قبل 2 سنه و 9 شهر



الحاجة أم الاختراع الواحد لا كان مطفر يقدر يوضب سيارته بيدينه كمان

^^ قريب غيرت المساعدات عند الميكانيكي واشتغلت بنفسي وحاسبته حق العدة بس لان شغل يد انا اللي اشتغلت

الميكانيكي صاحبي عشان كذا رضي


up 2 down 0
ryyan555 700
قبل 2 سنه و 9 شهر



ماشاء الله تبارك الله .. يعجبني فيك انك فكرت ووفرت على نفسك


ولكن ياليت تذكر اسم الصناعيه ومكان الشارع اللي ذكرته لاني محتاج اغير الشداد ذا


up 0 down 0
ابو هيثم 7 2249
قبل 2 سنه و 9 شهر



على قول ريان 555 الحاجه ام الاختراع هههههه.. الله يسلمك يبو هيثم .. سلمك الله الموقع قريب من جوازات القصيم اتوقع بالصناعية الاولى https://goo.gl/maps/XdQnhPR9B7w هذا رابط بجوجل ماب حددت على المحل  ان شاء الله يكون هو او الشارع اللي جمبه اسأل وبيدلونك على طول وموفق اخوي


up 1 down 1
برق الحيا 88 608
قبل 2 سنه و 9 شهر



وبقرب محلات الرمان او مايسمى  رمان بلي تحصل محل تودي له البكرات ويفك لك الرمان وتروح تدور مقاسه ... فك الرمان وتركيب الجديد ب10 ريال للبكرة الوحدة 


up 0 down 0
برق الحيا 88 608
قبل 2 سنه و 9 شهر



الى فلوسه واجد يغير ونا اخوك الى مطفر مثلنا يلجى الى طرق ممتازه ههههههههه


up 0 down 0
مهراس الزهراني 1327
قبل 2 سنه و 9 شهر