أضف سؤال أو موضوع جديد          

مافي شي مهم بس سالفه

up 15 down 8
فيصل المغيري 561
قبل 4 سنه و 10 شهر



اول شي سلام عليكم ورحمه الله 

ثانياً بقوللكم عن الكوامري 2003 الى 2006 ، عام 2007 اشترا ولد عمي 2004 اكس لاي مطور قير عايدي من الرياض ب ٤٨ ماشي 90  بحري الله يالبحري ههههه فتنه ومن هنا بدت القصه صرت اروح معه واجي معه وبعض الأحيان اخذها حببيت الموتر اعجبني فيه كل شي  وخاصتاً على ايامها اول مانزلت رهييبه وسيعه ومكيف خلفي بعض السيارات ٢٠١٢ مافيها ، اللمهم ان الموتر جازلي فيه كل شي من نايحت الوسع والخفه وفيه لمسات فخامه حلوه على ايامه وبعض الأحيان والله اقول افخم من الجديد خاصتاً القراندي .. مراتب جلد و٦ سلندر وخياطه الجلد اللي على البيبان رهيبه ، وبعدين فئاتها معروفه اكس ال جيونر  واكس لاي مطور وجي ال اي   وقراندي   وعام 2012 يطري ولد عمي يبي يبيع قلت خلاص بشتريه كان وقته ماشي 190 ودرا عنه واحد من اخوياه وعطاها قيمه زينه وباع الرجال ، ومن بعدها قلت اجل بدور وحده نظيفه وبشتريها مسكت علىيها مدري عشان لها ذكريات جميله ههههههههه او عشانها جازتلي بلمره وشريت 2004 قبل يمكن سنتين ونص او ثلاث . جي ال اي قير تماتيك احسن من حقت  ولد عمي اللي باعها  ومبسوط معها ههههههههههههه بعض الأحيان افك الطيس وبعض الأحيان اركبها هههههههههههههههه تعيد لي ذكريات احس اني في عام ١٤٢٨ ههههه ، اللي خلاني انزل الموضوع  الكوامري الجديده يوم اشوفها والله انقهر لا فخامه مناسبه لها ولا راحه ولا جودة  في الديكورات ولا حتى تصميم 2011 وتحت اوسع من الجديد واشوف الأوريون مالها داعي ، خلو الكامري بينها وبين الكورلا !!!،، وسع الكامري وفئه 6 سرندل يكفي ،،  ونسيت اقول وعيب الموديل اللي قلتها بعض ينقص الزيت وخاصتاً قير العايدي .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كل واحد منا عنده سيارة يتمناها ايام كان صغير
انا كنت اتمنى الألتيما موديل 91 وكنت ميت عندها يوم كنت أدرس لكن ماكنت اقدر عليها
الان اقدر اطلع ألتيما 2017 لكن ماهي بنفس ذاك الطعم وذيك الرغبة
الان معاد تشوف ذاك الموديل نهائيا ولو بالصدفة النادرة شفته في الشارع او على النت استرجع ذكريات وعمر جميل


up 10 down 0
سند10 1161
قبل 4 سنه و 10 شهر



اغلب المواتر الصناعات القديمه والموديلات افضل بكثير من الجديد 


up 3 down 0
car.10 268
قبل 4 سنه و 10 شهر



شوف الموديل ذا من 2003 الى 2006
انا اشهد للمكيف حقها 
هي والفورد المونديو ابرد مكيفين سيارته جربتهم


up 3 down 0
ms3al 1783
قبل 4 سنه و 10 شهر



نفس الكلام سمعناه عن الكامري 2002 وتحت انه افضل من 2003 وفوق وكل واحد وذوقه يالغالي والله يبارك لك في سيارتك


up 2 down 0
hmhs1987 185
قبل 4 سنه و 10 شهر



حياك
كلام صحيح 



up 2 down 0
باترول 2020 2624
قبل 4 سنه و 10 شهر



الله يخلف ع المنتدى بس


up 2 down 14
fgahmadi -159
قبل 4 سنه و 10 شهر



كان عندي 2004 قير عادي عزما مجنون
والانوار الواطي تقول عالي في الجديد
سياره خدومه وتكرف ولكن عيبها نقص الزيت


up 3 down 0
fahd077 306
قبل 4 سنه و 10 شهر



fgahmadi""" 

عز الله اني موضح العنوان 


up 5 down 1
فيصل المغيري 561
قبل 4 سنه و 10 شهر



بصراحه انا ودي بكامري 2006 قير عادي سته سلندر نظيف... وممشى اقل من ال100الف وحلمي ماهو بوقاتي اولامبورجيني ابغي هايلكس غماره جي ال 2005 اصفار ناوي اشريهااا الله يرزقني... ^ــ^


up 2 down 2
شليويح الرشيدي 59
قبل 4 سنه و 10 شهر





عليكم السلام ورحمة الله وبركاته .



الكامري .. اااخ يالكامري
من بالسعودية ما ركب كامري !؟
من منا ما فكر يشتري كامري ؟!
الكامري محبوبة الشعب لها ذكريات مع الكل ..
سواء له او لاحد افراد العائلة او صديق ...





up 2 down 1
ahmed195 1821
قبل 4 سنه و 10 شهر



والله زيي بالضبط بعد ماشريت الاكورد قبل سنتين كنت اموت عشات اشتري لومينا و يلا كل يوم اقعد اتفرج صور حق اللومينا لين مايعت الاكورد و شريتها والحمدلله ماشية زي الحلاوة


up 2 down 0
fowad 123
قبل 4 سنه و 10 شهر



انا ملكت كامري 2004 و 2009 و2012
انا اختلف معك بالديكورات الداخليه ل2012 افضل موديل نزل عليه ديكور داخلي لامن ناحيه جمال ولاجودة بصراحه ابداع
كامري 2004 كانت فيها مشاكل بالمكينه تنقص وديمورات داخليه خاصه ريش المكيف تنكسر نادر تلقي واحده ماهي مكسوره
اضف لذلك البدي قرطا

الي معجبني ب2004 شكلها الخارجي وراحه اسياتها وسواقتها ناعمه اكثر موديل سقته
وسلامتك وسلتمت القراء الكرام


up 1 down 0
lio45 74
قبل 4 سنه و 10 شهر