تجربتي كموظف سابق

36 4

لايمكنك التصويت حتى الحصول على 20 نقطة على الأقل
إضغط هنا للإخفاء

the son of the kingdom 927
قبل 7 سنه و 10 شهر

السلام عليكم ورحمة الله و بركاته
اسعد الله مساءكم بكل خير
اليوم بما انه المنتدى هادئ , حاب اذكر لكم تجربتي كموظف سابق بشركة تويوتا ( كول سنتر ) و بعض المعلومات للي عندهم سيارات تويوتا
طبعا الشركة هذه ما عندهم الا مركز اتصالات واحد في المملكة في جدة و يستقبل الاتصالات و الشكاوي من جميع انحاء المملكة ,,,
نجي لخدمة تقييم مركز الصيانة , يوم تستلم السيارة بعد الصيانة يجيك اتصال يسألك عن تقييم المركز و ما الى ذلك من ناحية اسعار الصيانة
او اسعار اليد العاملة ,,,, الزبدة هو الإجراء نوعا ما روتيني يعني لو قلت للموظف المركز فيه و فيه من العيوب كل اللي راح يسويه الموظف
يفتح على ملف و يسجل الملاحظة و يحفظها,,, بعد كذا اش يصير ,, امانة محد يدري,,,
الموظف اللي يتصل عليك اكون صريح معاكم لاني يوم من الايام كنت موظف ,,, من التعليمات اللي يتبعها اذا جاب
يوميا 70 اتصال يطلع قبل الدوام بساعتين و هذه حلوة يوم الخميس :) ,,و اذا استمر عليها بتزيد عليه تقريبا 400 الى 500 ريال في الراتب
يعني جامل الموظف لو تقوله نعم اعجبني المركز او لم يعجبني .
الموضوع الثاني و للأمانة انا ما اعرف كيف افسره , يعني عميل يقولك ياخي ليه الصيانة عندكم غالية و اسعار فلكية
ترد عليه بلطف (و الاتصال مراقب من قبل لجنة خاصة و يسمع للخط مباشرة و يقيم اداء الموظف) : نعتذر عن ذلك و ماهي الملاحظات ؟
و اكتبها في ملفه و احفظها و بنفس المكالمة يقول العميل : احجز موعد صيانة للشهر الجي !!!
طيب انت الان قاعد تذم في الاسعار و تقول غالية و تقولي احجز لي موعد!
هل البعض اصبح يعني في وضع انه يسلم الخيط و المخيط للشركة !

الموضوع الثالث: لا تحول انك تطلب شخص ثاني على الخط لانه غالبا بيحولك لموظف مثله و نفس الاجراء يفتح ملفك
و يكتب الشكوى و يحفظها و يتم متابعة الشكوى لاحقا.

الموضوع الرابع: لا تضيع وقتك و تتصل و تسأل عن اسعار الأقساط لان الرد الجاهز : راجع اقرب فرع
لان فيها شرح طوويل و تختلف من شخص لشخص
شخص بدون دفعة و شخص بدفعة

الموضوع الخامس: الموظف تقدر تسأله و بالتفصيل عن اسعار الكاش و عن الاختلافات بين السيارات
محتار بين الكامري الفل و النص فل تطلب شرحها بالتفصيل بالنسبة للاسعار الكاش

الموضوع السادس: كنت اسمع كثييير و خصوصا من كبار السن انه يشتكي من القسط و كان يقول : تكفى الشهر هذا لا تخصموه مني مضغوط
امانة انا موظف بسيط ردي راح يكون يعني مجامل لك مثل:
سوف اقوم بتدوين الملاحظة هذه في ملفك و ستيم النظر فيها من قبل الإدارة او قلت له راجع الفرع .
و الشخص المسكين على باله انه والله الموظف قاله خلاص موضوعك انتهى الشهر هذا ما راح نخصم منك القسط!
و يدعي للشركة و يدعي للموظف , سوء فهم خصوصا من كبار السن ,,, هذه المشكلة اللي كانت جدا متعبتني
و صعب اني اشرح له و راح تطول المكالمة و يعني هي كلمة ورد غطاها.

الموضوع السابع : من الأمور الطريفة اللي تصير تتصل امرأة و تحجز سيارة سعرها فكلي و قصر خبرة منها
تقول اش الالوان الي عندكم ؟ تقولها كذا.
طيب خلاص كيف ادفع و متى استلمها!!
كلنا نعرف اذا الواحد جاء و يشتري سيارة جديدة يفحصها الين ما يوصل و يشيك على ادق التفاصيل مثل شنطة الاسعاف لان الشي هذا حق من الحقوق
لكن المرأة ينقصها هذا الجانب و على بالها تتعامل مع محل يبيع قطعة قماش. و كثير سمعنا فيه شخص استلم السيارة جديدة من الوكالة و فيها عيوب او دقات خفيفة و رفض انه يستلمها
لكن المرأة يوم ترسل السواق و معه المبلغ و صورة من هويتها للفرع عشان يستلم السيارة المحجوزة مسبقا و المتوفرة في الفرع الفلاني , هذه مشكلة .

الموضوع الثامن: اذا جاءك الاتصال و هي مقفلة معاك ههههه لا ترد , لان يكون فيه تلفظ صراحة غير لاىق و الموظف المسكين ما يقدر يرد الا ب : اعتذر عن الازعاج
و لو رد عليك بكلمة وشد معاك الموظف يودع الوظيفة او يجيه خصم من الراتب .

الموضوع التاسع: لك الحق تسأل عن عن مكان الموظف , من اي مدينة بالمملكة يكلمك و تقدر تشيك معاه نوع السيارة اللي عندك تفاديا لاي اتصال خاطئ و يتم الحصول فيه على معلوماتك

الموضوع العاشر :
في خدمة مثلا الحجز لموعد الصيانة او الاتصال بغرض تحديث البيانات
البعض كان عنده سيارة ايام 2004 ههههه و يجيه اتصال يقول : هل ترغب بحجز موعد صيانة لسياراتك الكامري 2004؟
العميل ينجلط هههههه ويقول اي سيارة ما عندي اي سيارة تويوتا
تقوم تذكره برقم اللوحة و يعطيك صوت الي توه وصلته المعلومة ( أهااااااااا) هذي من زمااان
و بعضهم يرد بعصبية و يقول : اسألك بالله احنا في اي سنة الان ؟ تجاوب 2015
و يرد عليك تسالني في شي له اكثر من 10 سنين ههههه هنا اخذ وضعية اعتذر عن ازعاجك هههههه
و البعض تعطيه البيانات يقول هذا اخوي , و تكمل معه هل فيه مشاكل في السيارة ؟ يقول السيارة راحت في حادث
و الشخص اللي تبغاه متوفي من 4 سنين , ردت الفعل يعني تكون عاطفية , و امانة فيه نبرة صوت من اتصال يا رجل بغيت ابكي معاه كاني ذكرته بالموضوع
الهدف المعلومات مسجلة فلا تستغرب من النقطة هذه النظام يحفظ كل شي , اي سيارة من الوكالة او اخذتها للصيانة معلوماتك راح تنحفظ في النظام

الموضوع الحادي عشر: مشكلة البعض سيارته تكون فعلا فيها مشكلة و مسجلة و يجيه اتصال عشان يراجع الفرع
يقوم يرد السواق , ( انا مافي معلوم ) و نطلب منه رقم اتصال الكفيل للتواصل ( مافي معلوم ) تضطر انك تسجل المكالمة ب ( معاودة الاتصال )
و نتصل عليه و نفس الرد ( مافي معلوم )
الهدف : تأكد من بياناتك انت كصاحب السيارة تكون مسجلة اقل شي رقم الجوال و تأكد على السواق اذا اخذ السيارة للصيانة
يعطيهم رقم جوالك ,


و في الختام اعتذر عن الإطالة , بعض النقاط حبيت اشاركم فيها
و السلام عليكم ورحمة الله و بركاته

إبلاغ

الردود