صدمني ونحاش

الله لايوفقه ياخوك وين ماراح

واللي يقهرني المرور كيف شهر ولاجابوه

مالك الا واحد بالمرور يقدر يساعدك ويطلع بيانات صاحب اللوحه ورقم جواله وتتواصل معاه

اذا ما تعرف احد حاول تدور عسكري بن حلال ويضبط موضوعك المهم لا تيأس ومثيرة تأخذ حقك منه 

وانا اخوك بكون معك صريح المرور غالبا يتجاهل مثل هذي البلاغات ويعتبرها شئ غير مهم ليش ؟؟ لان بعضهم يتبلى ع العالم وحصل معهم كذا سالفه وعشان كذا تجاهلو الموضوع





رغم تعاطفي الكبير معك اقولك دور واسطه بالمرور وبيني وبينك السالفه لها شهر يمكن السوري باع السياره وتلقاه الحين يتبردق في الزبداني والسياره شراها واحد ماله علاقه بالحادث




يعني المفترض ماتاخذ معك السالفه اسبوع الا وانت مخلص عشان ماتتشعب السالفه








الله يعينك ويسهل امرك وطمنا وش يصير معك

يامليحي صاحب الشكوى هو السوري

المليحي اعمل نفسك ميت هههههههههههههههههههههههههههههه 

ما لك الا تروح للمدير الراس الكبيره 
في مرور الغرب 
وقدم معروض بشكوى  رسميه له فيها كل المعلومات 
سيارة الخصم رقمها لونها  موقع الحادث تاريخه.........
وحاول تقنعه باللتي هي احسن ....وإن شاء الله امورك تتيسر  

جزاكم الله بل خير 
انا سعودي واللي صاددمني سوري  

حياك
فيه حساب باالتويتر 
للمرور تواصل معهم 
وان شالله تنحل امورك

ههههههه
والله مدري من اللي يعمل حاله ميت الان....عادي تصير وسعو صدوركم
الاخ صاحب الموضوع...احتسبها عند الله دوم. مااقصد في كلامي انه ماتمشي بالانظمه والقوانين بس اقصد دام هالوضع طول شهر مثل ماذكرت. واذا السياره ماتضررت كثير..ان شاء الله خيره لك وربي يعوضك بشي اكبر.اما اذا شي كايد .مالك الا المتابعه او واسطه مثل ماقالو الشباب. 

المسامح كريم والحمدلله على السلامه ومعوؤض خيــر...ّّّّّّ-- والحياه رحله قصيره... :)

يابن الحلال اسمعني ان الصدمه خفيفه ولا تسوى . انساه وربي مسكين ماهرب الا خايف منك .. وان ماتبي تسامحه ترا دعوه المظلوم مستجابه وبس المرور ماهم فالحين الا ب القسايم والحجز

اطلع لمدير المرور خلف مبنى التلفزيون بالرياض او اطلع لمدير الامن العام وقدم معروضك بتقاعس مرور الغرب ، اذا توجهت لمدير الامن العام اوعدك اسبوع والرجال عليه ايقاف خدمات ودام مقيم يعني حتى خروج وعودة مايقدر يطلعها

سلام عليكم 
انت غلطت غلط كبير تحركت بالسيارة بعد ما أنحاش وقف واتصل علي المرور لحظتها يعطيك تقرير حادث وتقرير هروب مركبه 

حصل معي شباب عاكس السير ابو الشباب بجمس ٧٩ صدمني وقف وقفته طلع سكينه صغيرة وقالي وخر تجهيز للهروب 
أخذت لوحته جا المرور عطاني تقرير حادث وتقرير هروب راجعت المرور وقدرت أضرار السيارة وصلحتهها قدموا عليه إيقاف خدمات جاء صاحب السيارة ابوه وخلصنا الموضوع في صالحي

الله بجزاكم الف خير 
 اخوي بندر 
انا يوم يصدمني وقفت وبلغت المرور وجاء المرور وقال لي راجع المرور من بكره وراجعتهم 
اخر مره الاسبوع اللي راح وقال الموضوف اذا مارد هل الاسبوع جاي بنسوي ايقاف خدمات عاد مادري عن صدقه