أضف سؤال أو موضوع جديد          

ماهو رأيكم في سيارة فورتشنر2016 من ناحية الأمان؟

up 3 down 2
almohannaali 57
قبل سنه و 8 شهر



السلام عليكم يا اخوان
انا ناوي اشتري سيارة فورتشنر 2016 وقريت عنها وسألت بعد
كلهم يمدحون قوتها وخفتها 
بس صراحة خوفوني من شغلة
يقولون سريعة الانقلاب
مع العلم اني موراعي خطوط
لكم هم الشغلة صراحة مخوفتني
فشرايكم وخصوصاً اللي جربها
وشنو تنصحوني بالبديل من وكالات ثانية خصوصاً اني محدود بسعر 
ما اقدر اتجاوزه 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


موتر خدوم خصوصا اذا خذت ٦ سلندر
لان ٤ سلندر بقرة مايمشي اما من ناحية الامان
الموتر ٣ ارباقات بس عند السواق وتحت الدركسون وعند الراكب
بس اللي سواقته راكدة ماينقلب معهم عاد انت وسواقتك
لكن بشكل عام موتر عملي لأبعد حد


up 9 down 12
alamri19 94
قبل سنه و 8 شهر



ي خوي ماودي احلف كل الي يقولون سريع الانقلاب ماجربوه
بعدين اغلب ربعنا استخدامهم للسيارات غلط
تمسك خط سفر تشوف اشكال والوان من الهايلكسات
ماشين على الفصله بسياره تعتبر حقت تحميل ونقل عفش
والفورتشنر جيب مثله مثل باقي الجيوب تدعس مليون
وتبيه ماينقلب صعبه الا معجزه كل سياره ولها استخداماتها
الفورتشنر حق بر وحنا نستخدمه خطوط وعلى سرعات
عاليه ولا نبيه ينقلب!!
والي معاه هايلكس يستخدمه خطوط ويقول ماهو
مريح طيب هو حق تحميل مو حق سفريات

ارجع واقل الغلط باستخدامنا للسيارات



up 13 down 10
d7ooom777 426
قبل سنه و 8 شهر



ارجع واقول استخدامنا للسيارات غلط**
تكمله للرد كل سياره تستهدف فئه معينه من الناس
كل واحد وعلى استخدامه اذا انت راعي سرعه
انحش منه واذا استخدامك داخل المدينه بأذن الله
ماراح يجيك شئ الا الي الله كاتبه اهم شئ لاتسرع
ولا تاخذ الملفات على سرعتك
وبيني وبينك احسنت الاختيار الفورتشنر ممتاز بالمدينه
واحلى شئ رفعته عن االارض واي رصيف قدامك
بيقوم بواجبه الجيب واذا الميزانيه تسمح تاخذ برادو
فهو افضل بس شكله يمكن يتغيير قريب


up 4 down 12
d7ooom777 426
قبل سنه و 8 شهر



من ناحية الأمان مافي اسوء من شركة تويتا
تدري ان الهايلوكس الشكل الجديد ممنوع بيعه في استراليا
بسبب انهم ماحلو مشكلة الانقلاب من ٢٠٠٧ تقريبا
والايرباقات لو يحطو ٥٠ ايرباق
احتمال انها تطلع وقت الحوادث 0.0001%
ماهمتني الديسلايكات
ملاحظة :-
انا من النوع اللي مايهتم اذا السيارة تكرف او تمسك سعر
اهم شي عندي 
١- المواصفات
٢- الأمان
٣- السعر
الوالد معاه ميركوري مونتري ٢٠٠٧
فيها مواصفات تتعب وانت تعدها
١- ثمانية ايرباقات (امامية-سقف-مقاعد)
٢- تراكشن كنترول
٣- اي بي آس
٤- ادفانس تراك
٥- تحكم مكيف لمس ثلاث مناخات
٦- بيبان كهرباء
٧-حساسات امامية وخلفية
٨-تشغيل عن بعد
الخ الخ الخ الخ
وتدري كم اخذها من الوكالة ؟!!!!!! ماراح تصدق
٨٣ الف ريال
اتحدى لو في سيارة في السوق بهاذي المواصفات والسعر
بس مع الأسف الناس تدور على السمعة وسعر البيع
ممكن تحصل واحد معاه سيارة عاشت ١٠ سنين 
وممكن تحصل سيارة عاشت ٢٠ سنة عادي جدا جدا


up 20 down 7
متسوق جدة 107
قبل سنه و 8 شهر



اذا سواقتك هادية خذه واذا راعي سرعة ابعد عنه لانه سيارة سريعة انقلاب

اعرف واحد اخذ الشكل الجديد فل 6 سلندر كلفه مبلغ وقدرة وفي النهاية انقلب كان ماشي على طريق جلد جديد باقي ماحطوا زفلت ونزلت السيارة من اليمين والجهة اليسار مرتفعة حاول يرجعها وانقلب


up 12 down 0
x-bariq 174
قبل سنه و 8 شهر



خذ لك باجيرو افضل من ناحية الامان وارباقات اكثر


up 8 down 2
خالد ___الرياص 1329
قبل سنه و 8 شهر



كرتون الله يعزك


up 14 down 2
بن عبدالحق- 87
قبل سنه و 8 شهر



اخوي سياره فيها 3 يرباقات ايش تتوقع الامان الي فيها 
بعيدا عن التحيز تويوتا فقيره بالمواصفات الامان السعودي 
و ليس الامريكي 
اذا استخدامك لعائله ما انصحك في السياره لانها 
3 ايرباقات 
اما استخدام شخصيه خذها ولاكن حط ببالك الراكب الخلفي
لايوجد له حمايه 
ملاحظه  الامان بيد الله سبحانه وتعالى ولاكن ناخذ باالاسباب 
 مع العلم الفل كامل لايوجد به تحكم كهرب بالكرسي 
و 3 ايرباقات ولا نقط عماء ولا هروج من المسار وسعره 
135 الى 140 يزيد وينقص 



up 9 down 2
الطبيقي 198
قبل سنه و 8 شهر



سعر غالي على سيارة مشلحة


up 8 down 2
mfh2009 191
قبل سنه و 8 شهر



الفورشنر 2016 كشكل جذاب جدا لكن من ناحية الامان انا اعتبره صندقه على كفرات اتوقع من اي شي بسيط ينقلب 
و اذا تبي بديل شوف كيا سورنتو او موهافي و غيرها كثير بس اهم شي السياره اللي تناسبك 


up 6 down 3
افكار جديدة 659
قبل سنه و 8 شهر



انتبه من 2016 ماعليه مانع الانزلاق الثبات
أضافوه في 2017


up 3 down 1
abcde11 8
قبل سنه و 8 شهر



السيارة خدومه لكنها سيئة بالامان من بعد الله

، رائيي الشخصي لا تستحق سعرها خاصة الموديل القديم


up 3 down 0
hmhs1987 146
قبل سنه و 8 شهر



الرقم 1 بسهولة الانقلاب او انه يقحص عليك مع اي فرملة قوية

شوف كيف مرفوع وبتعرف ليش سهل الانقلاب


up 1 down 1
almuhands 199
قبل سنه و 8 شهر



الفورتشنر معايه خمس سنوات ماغيرت فيه الا سير المكينة وبواجي ومساعدات ايجابياته مكيفه ثلج ، حق كرف، موفر للوقودللأربعه سلندر، سلبياته سريع الانقلاب، مافيه أمان، مزعج في أبسط تعرجات الطرق يعني لو وقفت واخذتلك قهوه ماتوصل دوامع الا وهي منكبه عليك


up 8 down 1
ahmed_alsharif2903 13
قبل سنه و 8 شهر