أضف سؤال أو موضوع جديد          

قررت اشتري برادو

up 2 down 1
سلطان الطائف 285
قبل سنه و 5 شهر



بسم الله الرحمن الرحيم

السلام عليكم ورحمة الله وبركاته
اخواني باذن الله قررت اشتري برادو 2014 او 15 
فلوسي تقريبا 90 الف طبعا 6 سلندر

فحبيت اسال المجربين كيف الصرفيه؟
وهل يختلف برادو الساير عن السعودي ؟ وعارف اني الكويتي يجي تانكي كبير 
انا نفسي بالساير لكن مااعرف معارض تبيعه ف المدينه
او القصيم او الرياض فاللي يعرف بالقصيم او الرياض يعلمني

وهل راح احصل بالسعر هذا؟


وبالاخير السياره عاجبتني الحمدلله
لكن اي نصيحه او شي ياليت تعلموني
طبعا انا شباب ماعندي عائله لكن اكرره السيارات الصغار
وللاسف الراف فور ماعجبني مره مشلح وباقي الشركات ماعجبتني بحكم تويوتا
جنب بيتنا وتقريبا مافيه شي عندنا الا هو
باقي الوكالات اقرب شي 120 كم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


طق لك باجيرو اصفار افضل مليون مره من موتر مارشينه الرجال
ماتدري وش وضع المستخدم السابق مع الصيانه ولا طريقة قيادته
ترتاح 5سنوات اذا استخدامك ممتاز


up 5 down 9
خالد ___الرياص 1331
قبل سنه و 5 شهر



البرادو طيب ولا عليه كلام عزم وقوة ومريح عيبه يصرف بنزين شرب فوق الطبيعي اعتقد نفس الجي اكس ار اذا مو اكثر اذا ما همك هالنقطه فهو جيد


up 2 down 0
mr mansour 108
قبل سنه و 5 شهر



البنزين بيرتفع بعد اسبوع
والشكل بيتغير السنه الجايه
حطها فالحسبان ولا تستعجل


up 3 down 2
nasser13 31
قبل سنه و 5 شهر



اهم شي يكون 6 سلندر اتماتيك ابعد عن العايدي


up 1 down 1
نمر 2 58
قبل سنه و 5 شهر



احسن قرار  انت قررت تاخذ برادو   صح انه كريه وشكلة شين

بس عزالله انه موتر ينشد فية الظهر   صيف شتاء  ليل نهار  


up 6 down 0
جاي امس 412
قبل سنه و 5 شهر



اذا الموتر عاجبك استخير وتوكل على الله وخذ النظيف بعد ماتفحص وحاول تدور اللي ممشاه قليل
ولكن بحكم إنك مو متزوج انا اشوف الإف جي يناسبك أكثر وهو نفس البرادو مكينه وقير وجربكس
اما اللي ينصحك بالباجيرو ضلمك لان مافيه مقارنه اصلاً , لا من ناحية استخدام ولامن ناحية توفر قطع الغيار واسعارها
ولا من ناحية إعادة البيع كلها في صالح البرادو
بالنسبة للصرفية البانزين مااشوفه يصرف , صرفيته طبيعيه وعلى حسب دعستك وفي الخط مايصرف
استخدمته حول شهرين والله إنك موتر كفو
حالياً أقسم بالله لو أملك قيمته لأشتريه بدون تردد ولو عاد بي الزمن قبل الزواج اخذت إف جي



up 2 down 1
..original 184
قبل سنه و 5 شهر



التانكي الكبير بتحصل الاسبير معلق ع الباب الخلفي التانكي العادي الاسبير مخفي 


up 1 down 0
7amood1930 267
قبل سنه و 5 شهر



حسب كلام احد الاخوة يقول التانكي الكبير يمشي اكثر من 1000 الف كيلو وسيارته وارد البحرين . والبرادو من افضل السيارات تحمل توكل على الله وابحث عن النظيف وربي يوفقك


up 1 down 0
abofarah 907
قبل سنه و 5 شهر



البرادو احسن وافضل من الافجي بمراحل اولها الراحه لكن اذا تقدر تصبر شهر شهرين لان ممكن الاسعار تنزل لان فيه كلام ان البنزين بيرتفع سعره وعلى فكره كل السيارات منخفضه اسعارها


up 1 down 0
كارينو 536
قبل سنه و 5 شهر



ياريت لو احد مجرب البرادو الشكل الجديد يفيدنا بالصرفيه لان الكلام فيه تناقض

صاحبي عنده 2008 6 سلندر يقولي مايصرف ومايفرق الى شي بسيط عن الاربعه سلندر

هل من 2010 وفوق يصرف اكثر ؟؟

بالنسبه للبنزين بنسبه كبيره بيرتفع بدايه السنه الى ريال للاخظر

اتوقع لو تنتظر راح تلاقي الاسعار نزلت خصوصا للسيارات 8 سلندر والي تصرف


up 1 down 0
ibrahime 1195
قبل سنه و 5 شهر



البرادو سيارة تعيش عمر خراباتها قليلة صبورة جدا جدا 
عيبها الصرفية عالية و غير مريحة أبدا 

البنزين مع بداية السنة بيرتفع مليون بالمئة

الأخضر اللتر 1.05 ريال 
الأحمر اللتر 1.25 ريال


up 0 down 0
rraammooss 898
قبل سنه و 5 شهر



البرادو سياره مبالغ في سعرها جدا ماهو معقول اني 110 الاف الى 130الف مستعمل
وجميع السيارات من فئتها تاخذها جديده بأقل من ها السعر
يعني اشتري مستعمل بسعر اعلى الجديد على شان عيون طويوطا ضحك على الناس عيني عينك


up 0 down 0
خالد ___الرياص 1331
قبل سنه و 5 شهر



معاي برادو 2012 الساير
من تجربه اي سياره قبل لاتشتريها يحكمك استعماله
مثلا راعي خطوط مسافات وباستمرار دور سياره مريحه اكثر -داخل المدينه وراعي طلعات وبران مسافات طويه في البر خذلك يرادو
-بالنسبه للبنزن اعبيه 91 وما اشوف اي صرف زياده صرفه طبيعي -على الخط راسي جدا ولا يغرك ارتفاعه -في البر نعمك ونعمين حق مكده وجلد وتحمل لمن يحسن استخدامه


up 0 down 0
شمالي جنوبي
قبل سنه و 5 شهر