تصريح قيادة لـ 16 سنه

تقدر تطلع 1439/1/1 
قبله مستحيل
17 عام 

النظام نظام كمبيوتر يحسب عمرك
بعد ادخال تاريخ ولادتك
لازم تتم 17 سنة  ما ينقص يوم

انت عمرك أقل من 16 يعني يصير عمرك 16 يوم 17/ 10 / 1438
لذلك ماتقدر إلا بعد سنة ونص

لازم 17 ولا ينقص يوم واحد

اصبر لين بجي عمرك 17 وتكفى بالله اذا سقت لاتزعج الناس
بتكبيس الانوار والبواري والتهور
المفروض مايسوقالواحد الا بعد عمر 21 وتصير اول سنه تجربه
اي مخالفه او حادث تكون نسبة الخطا عليه ميه بالميه بتقرير نجم
او المرور تسحب منه الرخصه 4سنوات ملينا من ها المراهقين بالشوار

اخ خالد ترا في منهم العاقل و في منهم غير عاقل ف احترم نفسك و لاتحكم على اي احد

اقول سقها بلا احترم نفسك بلا خرابيط الغالب بسن المراهقه
طايش والحقيقه المفروض الي يعطي السياره لبزر يعتبر مجرم
مثله مثل الي يعطي البزر السلاح اما اعدم نفسه او اعدم غيره
ياما شباب في عمر الزهور قضت عليهم السيارات وياما قضو على ناس

خالد بعضهم ضروفهم تجبرهم يسوقون بعمر مبكر لكن 16 وفوق معقول لكني والله شايف ورع عمره حول 12 ومعه اهله والموتر مصدم من كل محل هذا الي ودك تتله مع اذنه لين بيتهم وتاخذ الي معطيه الموتر على السجن موبد

والله نسبه بسبطه الي يخدم اهله لاكن النسبه الاكبر تفحيط
ودشره وحومه بها الشوارع والاغلب على سيارات جديده وغاليه
يارجل الورع هلحين صار يتشرط حتى بالسياره اذا ماهي النوع
كذا ما اركبها حنا على وقتنا ددسن مكروفه ملعون ابو جدها
ولا بعد لو خرب شي جتى لو مالك دخل فيه يا انت تصلح
بجتهادك او تنلطع اقل شي اسبوعين على بال مايتصلح
ولو سويت خطا على طول تنسحب السياره منك لين عرفنا قيمة
السياره وجزى الله من ربونا خير الجزاء

محدثكم صغير بالسن عرفت قيمة الموتر عقب مانلطعت الاف المرات بالشموس والقوايل والسيارة فالنهاية كومة حديد تروح وتجي عليها وتقضي مشاوريك وترجع لبيتك مروق اما شغل اللعانة والجلنطات والازعاج هذا ماحبه وخصوصا اللي رفع على
الاغاني يفقع روسنا عساه للمر ولا الغشم اللي يحدك ويستهبل عشان معه دنة ولا جيب

انا ضروفي تجبرني ع السواقه و توه ماخذ مخالفه عدم حمل رخصه و انا ماادري من وين اسدد
ماعندي ريال عشان احطه ببطني

اول شي الله يروقك يا اخ فوائد ويغنيك من واسع فضله
المقصود وانا اخوك الشي الي انت شايفه وتبغى تلاحظه اكثر
واكثر رح عند المدارس الثانويه والمتوسطه عند انصرافهم
او الصباح بدري عند حضورهم انا ماقلت الكلام ذا الا لحبي
لهاؤلا الشباب يعني حرام الواحد ينشل في ريعان شباب ويقضي
حياته مشلول او او الخ من الاضرار الي تسببها الحوادث
والاستخدام الغير صحيح لسياره عادي انا اعتبر الي يشتري لولده
سياره بها العمر او يسلمه السياره شخص اقل مايقال عنه اناني
لالانه فضل راحت دماغه وخاطر بابنه لاكن اقسى عليه شوي عشان
مصلحته

ترى مافيها شي يكون فيه باص يوصله الولد للمدرسه حتى لو كان طالب متوسط او ثنوي

بالنسبه للي يعطون ديس لايك حطو دس لايك لين تبشبعون
رايي بقوله وبكل صراحه

خالد الرياض انا عطيتك لايك لاكن ترا فيه شباب صغار بالسن لكن كبار بالعقل والله ان فيهم مؤدبين ومحترمين بالمقابل فيه ناس كبار بالعمر لكن صغير بالعمر ومتهور يعني العمر ليس مقياس المقياس الحقيقي هو العقل

كبار بالعمر لكن صغير بالعقل **تعديل

انا ما اقول الجميع صحيح فيه ناس عاقلين لاكن انا اتكلم عن الاغلبيه
وحتى المتهوريين ترا فيهم خير واجد لاكن انا ابغى حمايتهم من هذه الاداه

الحمدلله باقيلي شهرين واطلع لي رخصه 
واحول السياره باسمي