وش رايكم في الأف جي كروزر ؟

ابد السقف حقه كنه صندقة حمام وقت الامطار تسمع صوت ضرب المطر لان السقف مسطح شكله ... اذا جلست تسوق الله يعينك ترفع راسك عشان تشوف الطريق المقعده داخله جوه وتصميمه من جوه غبي وجلسته ماهي جلست واحد بيسوق سياره بقيمته ممكن تاخذلك جيب باجيرو ربع 3.8 افخم منه وارسى منه لان نظام التعليق الخلفي مستقل وليس محور واذا بتشتري خلاص ابتعد عن ابو جميل واشتره من الامارات او عمان بريمي مواصفات افضل من ابو جميل واكثر

شكل قبيح وسعر غالي 

إذا كان خاطرك في التويوتا عندك البرادو تصميمة إنسيابي وأريح من الاف جي 

أأيد كلام الاخ شاقح لاني ركبته مع واحد .. الشي الثاني التصميم الداخلي غبي الى ابعد الحدود .. لكن كايجابيات هو عزمه طيب كذلك التكييف ممتاز واتوقع انه عملي حتى بدات اشوفه مع الدوريات وهذا دليل انه يتحمل الكرف .. هذا على حسب خبرتي المتواضعة .. وتقبل مروري ...

سعودي  توكل علئ الله ولاتخاف مع واحد اعرفه قعد معه ثلاث سنين لايشتكي من خرابات ولا من اي شي ويصبر معك 

خذها نصيحه مني لاتستمع لكلام الناس لائنهم راح يذكرون العيوب الي في السياره ويسحبون علئ الايجابيات  ويقولو لك كلام رايح وجاي

يعني مثال يقولك السياره الفلانيه شينه ومره ضيقه من عند الداخل وماتتحمل وقطع غيار غالي يبدئ يكرهك في السياره انا مدري هل
هذا حقد لائنه مايقدر يشتري السياره ولا سبب ثاني 

شاقح فيك شي لالا شلك مخك فيوزه ضاربه اليوم حرام عليك تقارن fj في باجيرو    الباجيرو قطع غياره اغلئ من الافجي 
وياشيخ تسمي الباجيرو جيب قسم بالله ركبته مع ولد عمي لادعس احس اني راكب دينا مو تقول راكب جيب وش كيف الناس يسبون الباجيرو

لو الباجيرو مرغوب كان لقيته مع الناس عكس الافجي  الي لاطلعت من البيت تشوف اقل شي 6جيوبfj


اعذرني ياشاقح اذ كنت قللت الاحترام معك بس ماعليش تراك منرفزن

بيض الله وجيهكم جميعا ... لاهنتم ،،،

اللي سمعته أن الفروقات بين السعودي والبريمي والفطيم أمور بسيطه جدا ...

أهم شي عندي هو قطع الغيار والكرف والبيع بعدين يجيب لي سعر ...


وش ارخص معرض يبيعه ... مريت النسيم ولقيته على 139.000 ريال ... 
أتهقون القاه بالشفا ارخص ؟؟؟

انصحك لاتشتريه لان 2013 بيتغير: اصبر شوي وراح ينزل 2013

أخوي التغييرات بسيطه وماتستاهل على حد ماوصلني ...
يعني ماراح يعدلون فتح الابواب الخلفية وغيرها المهمه ...
هذا غير السعر اللي راح يكون مبالغ فيه ،،،

اعذرني ياشاقح اذ كنت قللت الاحترام معك بس ماعليش تراك منرفزن


اعذرني ياشاقح اذ كنت قللت الاحترام معك بس ماعليش تراك منرفزن





اذا انت ققلت احترامك على شخص بسبب اختلاف وجهات النظر وابداء الرائي فتاكد اني انا اقول وجهت نظري وابدي رائي بدون لا اقل احترامي على ضخص اختلف معاه فوجهت نظري


انا اقول وجهت نظري وماانتظر احد يقولي صح او غلط


ولاحظ اني تكلمت عن تصميمه وجلسته وشكله من الداخل ولكن ماتكلمت قوت تحمله !!!!


انا اتكلم عن تصميمه الغبي خارجيا وداخليا وبقيمته يجيب خيارات اوسع منه فالداخل واريح


والباجيرو ياباني من زمان ولو مافيه ختير ماكان استخدموه فالراليات والسباقات


ابو جميل جالس يرضخ فيكم بالاكسسوارات الصينيه واخرتها واحد خبطة عليه مكينة الفورشنر 2012 ومارضو يغيرون المكينه اكتفو بالتوضيب !!!


بالله عليك هذي تسميها وكاله ...


مشكلتكم مشكله الواحد اذا حط ديس لايك زعلتوا وقلتو على الاقل الواحد يجي يقول وجهت نظره مانختلف ولا نزعل واهون من الديس لايك


وبعد مايجيكم الواحد صريح ويقول وجهت نظره تقومون تقلون احترامكم وتبون تفرضون وجهت نظركم باي طريقه


وهذا تقرير عن الباجيرو الربع وشوف شكله داخليا وخارجيا وقرانه مع البقره الغبيه ( FJ ) وشوف قوة الباجيرو فالتطعيس


http://www.assayyarat.com/forums/thread190465.html

توكل على الله واستخير الله

صراحه فيه افضل منها ادق ربع نيسان او باجيرو  او جيب من شركة الامريكيه افضل منه سعره مبالغ فيه جد 

موتر كرف ويمسك قيمتة بما أنه تويوتا 
 
 نشيط بالبر وخفيف نفس
 
مريح
  
 
عيوبه من وجهة نظري المتواضعة : صوت الدبة مزعج شوي من الداخل وانت تسوق ، مايصلح للي يمسكون خطوط طويله كل أسبوع ويسرعون ، أو يترددون لدوام بعيد ، لأنه يصرف بنزين إضافة الى أن تانكيه صغير 

 داخلية الرؤيا للخلف والزوايا فيها صعبة وانت تسوق 
  
السعر غالي مع العلم انه أول مانزل ٢٠٠٨ ماوصل ١٢٠ ، والحين مابين ١٣٠ الى ١٥٠ احيان الله المستعان
  

 شبابي فقط ، ومايصلح للعايله كون الباب الخلفي متعب ( عن تجربة ) 

 لاتنسى الإستخارة

فكوك بصراحة أبدعت , وجهه نظر صادقه ومحايده لافض فوك يافكوك .

الله يجزاكم كل خير على التواصل الفعال ...

رحت لأكثر من فرع لتويوتا ومالقيت اف جي ( ابيض )
ياليت اللي يعرف معرض عنده أف جي أبيض رخيص يكلمني ،،،


إستفسار :
الأف جي  ( الابيض ) إذا بغيت أبيعه يجيب لي سعر أفضل من باقي الألوان ، أو نفس الشي  ؟؟؟

انحشششش عن تويوتا خلالالالالاص انتهى زمانها .. عندك نيسان وهوندا ومازدا وميتسوبيشي وسوبارو >> يابانية 100% وعندك هونداي وكيا شركات كورية ممتازة واثبتت جودتها

مميزاته:١- يمسك سعره عند البيع. ٢- شكله شخصيه شبابي٣- صوته رياضي٤- مريح في المطبات إذا قارنته مع الشاص و الكبسوله والرانجلر باب واحد.٥- فيه كاميرا خلفيه من موديل 2010 وفوق في نص الفل٦-  فيه دعسه و فزته سريعه.٧- يعتبر ممتاز عموما إذا قارنته مع الكبسوله والباترول الربع و الرانجلر ابو باب واحد.٨- يصلح للشباب العزوبي بالذاتاو يصلح لشخص توه متزوج حديث. ٩- يقبل تركيب (سله خلفيه )تشيل العفش او سله علويه. ١٠ - إذا كان قير عادي فهو ممتاز للبر.----------------عيوبه :١/صوت الهواء مزعج إذا أسرعت بسبب القزازة الأماميه لأنها واقفه وأيضاً ترمل بسرعه واي حصاه تكسرها بسهوله. ٢/انعدام الرؤيه عند الخروج من التقاطعات بسبب تصميم جسمه الخارجي بين قزازة باب الراكب الخلفي و قزازة الشنطه ستجد فاصل عريض يمنعك من الرؤيه. ٣/ضيق المرتبه الخلفيه وحجمها صغير. ٤/الباب حق الراكب الخلفي ينتفتح بالعكس.وعشان تفتحه لازم ايضا تفتح باب الراكب الأمامي.٥/طبلونه يضرب في ركبتك  ٦/ كرسي السائق  إذا كان مرفوع للأعلى يبدأ يطلع صوت طقطقه مع المطب. ٧ /فحماته الأماميه تخرب بسرعه٨ / لاتوجد به شاشه ملاحه ولايوجد ونش.٩/ لايوجد به حساسات اماميه في صدامه ولايوجد رادار. ١٠ / لايصلح لشخص عنده عائله لضيقه وخصوصا اذا كانت العائله ثلاثة بالغين أو اكثر.