أضف سؤال أو موضوع جديد          

استشاره بشأن بناء منزل واسف لخروج الموظوع عن السيارات

up 8 down 4
امير الاصيل 1672
قبل سنه و 11 شهر



السلام عليكم ورحمة الله وبركاته
اخوتي الكرام
استشركم بشان رغبتي في بناء منزل
طبعا
افيدكم بانه شريت ارض سابقا بقرض
والان ارغب في بناء منزل دور واذا نزل العقاري اكمل
فكرت في شراء ارض اخرى في حارتنا القديمه
وبناء منزل سقف مستعار
واذا نزل الصندوق ابني المسلح في الارض الجديده
لاكن صاحب الارض رفع سعرها واقترح علي احد الاصدقاء في ان ابني في ارض و وافر قيمة شراء ارض اخرى
خصوصا رخص الحديد وغيره يساعد لذالك

طبعا مساحة الارض 650
المنزل المقترح بنائه دور واحد حاليا قابل لدورين
مستقبلا
الغرف
3 غرفه وصاله جانبيه
و مجلس خارجي بالحوش
فقط لاغير
كم يكلف عظم
كم مممكن يكلف كاملا
ونصائحكم الاخوي
واللي جرب لايحرمنا من تجربه

وموفقين جميعا وتقبلووو شكري









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الحين الدنيا ببلاش . ورخيصة . النفط ترى بيرتفع .بعد الاتفاق
لذالك الافضل . انك تستعجل بالبناء
وعلى وضعك هذا . مراح يكلفك اكثر من 200الف ريال
لن كيس الاسمنت وصل 10ريال للحبة .وبتاخذ من المصنع انت باقل من هالرقم
والعمال متكدسين بالشوارع تدور الشغل


up 5 down 0
صاحب سموه 535
قبل سنه و 11 شهر



حياك
من واقع تجربه
اهم شي تعطي المقاول شغل يد والمواد انت تشتريها
راح توفر كثير وراح تستمتع باالبناء معهم وتشوف
وتصير تجربه حلوة 
اهم شي تبداء فيه خزان الماء الاارضي عشان ماتبلش باالماء
اذا خلصت الخزان توكل على الله
طبعا المهندس كل طلعه له مية ريال او ميه وخمسين ع حسب
يطلع للقواعد والميذة والسقف 
يبي لك كهربائ وسباك يبدون معك من بداية الفلة لين النهاية
والسوق طافي هاالوقت وكل شي نازل وفرصة اللي يبي يبني بيت
واذا بغيت اي مشورة مستعد باي وقت
وباالتوفيق


up 5 down 0
باترول 2020 2384
قبل سنه و 11 شهر



راح تكون التكلفة مابين ١٣٠ الى ٢٠٠ الف بالكثير
لكن لازم تبني على مواصفات البنك العقاري علشان تقدر تنزل القرض عليه( يعرفها المقاول)
واحذر تخلي الخيط والمخيط بيد المقاول والعمال


up 6 down 0
دكتوراه في الحب 163
قبل سنه و 11 شهر



بارك الله فيكم ياشباب وجزاكم الله كل خير


up 0 down 0
abofarah 956
قبل سنه و 11 شهر



ربنا يوفقك وييسر أمرك ونصيحتي ياخوي يبغالك تفرغ وطولة بال لانك لازم توقف على الشغل بنفسك وزي ما قالوا الاخوان اشتر موادك بنفسك


up 0 down 0
dawwy 266
قبل سنه و 11 شهر



بقيمة الارض الي بتشترية حاول تبني دور واحد قابل للزيادة دور ثاني


up 0 down 0
كارينو 549
قبل سنه و 11 شهر



انا الان في مرحلة التشطيبات وراح اعطيك تجربتي طبعا الان فيه نزول في اليد العاملة وكذلك المونه احد الجيران عمر ثلاث ادوار ومحلق عظم ب350 الف كل شيئ على المقاول مساحة 400 وانصحك بانك تأسس البيت على اساس عمارة من كذا دور لانه حرام تدفع فلوس وفي النهاية تهدم مابنيت وخسرت فيه


up 0 down 0
sabal 297
قبل سنه و 11 شهر



اهم شي انك تنتبه للشغل بنفسك وتستشير ربعك الي بنوا قبلك
وانتبه ثم انتبه وخاصه في البدايات ان تهمل العماله وتخليهم يشتغلون بدون متابعتك
المقاول عطه شغل يد وانتبه يغريك او يقول يقدر يجيب المواد بسعر ارخص

لانه بيحاول يوفر الفلوس ويزرفك قدر الامكان وبيجيب لك اردي الانواع
رح بنفسك اشتر السمنت والحديد و كل شي يسوونه قدامك واخسر زياده الف او الفين او عشره
اهم شي الجوده في البناء وخاصه الاساسيات لان ترميمها لاقدر الله نفس سعر البناء
فيه ناس علي نيتهم واعتمدوا علي العماله وبعد سنتين وثلاث تشلخت جدران بيوتهم
وانواع تسريب المياه

خلك كل يوم عندهم والافضل تبني في الشتاء او في الاجواء البارده ولاتخلي احد ماتستشيره


up 2 down 0
abojpl 371
قبل سنه و 11 شهر