الأعتراض علي مخالفة ساهر -- شهر ونصف ومازالت تحت الأجراء

ي رجل انا جتني مخالفه ساهر في حي اول مره اسمع به بالرياض

المهم كلمت المرور قالو سددها قبل تدبل وارسل عبر حسابك
في ابشر اعتراض 
ارسلت لي حول الشهرين ولا قد جاني رد 
كله كلام في كلام 

انا جلست بعد الاعتراض الاليكتروني 6 شهور او 8 شهور ماني متأكد
وبعد مانسيت عنها جاتني رسالة جوال انه تمت تسوية المخالفة

ولكن المبلغ مارجع من نفسه للحساب ولارجع كرصيد في موقع ابشر ولاعرفت كيف استرجعه ولافضيت اروح مرور الناصرية عشان 300 ريال
والى اليوم مارجعت لي الفلوس

حسبنا الله ونعم الوكيل

انا ماسك خط الرياض الي الشرقيه تحت 140 وجتني مخالفه 300 ريال
والمرور وبخاصه اللواء المقبل في برنامج الثامنه
يقول مسموح تجاوز 10 بالمائه وعلي الخطوط السريعه 140 كيلو

طبعا خط الرياض الشرقيه كلها ساهر ثابت ومتحرك والسرعه مثبته علي 130
والحمد لله انها مخالفه وحده

حبيبي تتعدى ١٤٠ يجيك ٥٠٠ اقل منها ٣٠٠.  اسألني رايح جاي.  لكن ماقفطوني الا مبطي. اول ماركبوا. الكميرات الثابته
كنت أراقب السيارات ليلا او بعد المغرب.   اشوف يمين وكشح النور يسار. كنت ماشي ١٤٢ وحولها.     وواصلت شوي كشح على اللي قدامي
وخففت السرعه
الان  قبل ماتاصل الرياض ب ١٤٥ فيه وحده.  بعدها مباشره يعني يمكن ١٠٠٠ متر وحده.   يستذكون
الثنتين ذولي.  جزا الله اللي كانوا قدامي خير.   شغلوا.  الفلشر.   والا انا كنت متعود على انه اذا بقي ع الرياض ١١٠ ابدأ امشي نظامي
الربع يستذكون.  مطفرين ويجمعون من هالدراهم.    ياخي خلوا طريق السفر الطويل ١٤٠.  ومن فوقها ٣٠٠ الي ١٦٠
ومن ١٨٠ وفوق غرامه ١٠٠٠ لانه تهور.  صراحه 

اللي يشفطة البحر خلص ماعاد هو براجع 
سواء كهربا او اتصالات او مرور خلص دفعت لهمً راحن فلوسك
المشكله تراجعهمً يقلون ندري انوه خطاء بس انت ادفع
وبعدين تراجع ونشوف لك حل
الحل باالااخير لايوجد حل

كلام سليم يابترول مالك الا تدفع والله المستعان

روح المرور قسم ساهر وارفع اعتراض, اما الالكتروني ماتدري فيه نتيجة او لأ. ونصيحة لاتدفع ولا شئ