أضف سؤال أو موضوع جديد          

كم راس المال لانشاء محل تشليح السيارات نبي خبرتكم؟

up 5 down 2
mq_16 44
قبل 5 سنه



السلام عليكم ورحمة الله وبركاته
عندي فكره ودي أستشياركم فيه ودي أفتح تشليح السيارات متخصص
في (تايوتا وأنيسان) يعني كل ماتحتاج من هاالقطع يكون متوفر
كم راس المال اللي لازم يكون معي؟
وهل محل تشليح مربح؟
الاخوان اللي لهم تجارب فيه هالمجال يعطنيه
وأن شاء الله راح يكون تحت أيدراتي يعني ماراح يكون(تستر تجاري)
صورهـ للتواضيح
وشكرااا لـكم








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


حسب خبرتي المتواضعه

وعرض من أحد البنقال في تشاليح الحائر

بأني أحتاج إلى 100 ألف رأس مال

واستأجار موقع يعني حوش فاضي وطلب 3 عمال على الموقع

طبعاً تقوم أنت بالدوران على التشاليح وشراء سيارات مصدومة كاملة

وتضعها في موقعك الجديد وكذلك أي سيارة تدخل التشاليح لغرض بيعها تقوم بشراءها

كل هذا من الـ 100 ألف ممكن يكفي المبلغ وممكن يزود شوي حسب شطارتك

بعدها راح تلاحظ البيع بشكل يومي والتوفيق من الله




up 0 down 0
خالد 3000 838
قبل 5 سنه



ممكن تبدأ الأول بتوصيل قطع التشليح ،  يعني تعمل إعلان بحرج وأي حد عايز قطع توفرها من التشليح وبعدين هتعرف أكثر عن الموضوع


up 5 down 1
عمده33 1664
قبل 5 سنه



ما بيكلفك واجد
في البداية يبغى لك ١٠ سيارات على الأقل
و حاول انك تاخذ سيارات مرغوبة و عليها طلب
و من قيمة البيع حاول توفر ١٠ سيارات ثانية
لين يكون عندك اكتفاء و تكدس في الحوش
و من وجهة نظري ما بتكلفك مبدئياً أكثر من ٦٠ ألف 


up 1 down 1
معلم مستجد 470
قبل 5 سنه



يبيلك قبل كل شي عمال شاطرين و نشيطين و امناء
و مع هذا تكون معهم دايم تراقب مل شي تفرغ كامل


up 0 down 1



طيب انت اشتغل بالتشليح اولا لكسب الخبره وكشف اسرار المهنه واذا استطعت ان تكون فكره شامله عن السيارات المطلوبه بكثره ومن اين يتم شراء السيارات واسعار الشراء ووووغيرها من الاشياء الي راح تكتشفها بالعمل هنا تقدر تروح تشتغل بمالك الخاص


up 3 down 0
كارينو 572
قبل 5 سنه



اذا تبغى تنجح لا تتخصص بتويوتا ونيسان

شفلك سيارة ثانيه منتشره وقطعها قليل

ميتسوبيشي بيجو مازدا شفر

اما تويوتا ونيسان ما بتنجح او بيكون دخلك قليل جدا


up 3 down 1



اناصاحب تشليح وابوي واخواني من 40 عام 
كم تدفع لي واعلمك بخبايا الصنعه لأن كل الكلام المذكور فوق بعيد تماما عن الحقيقه 
الفكره فوق صحيحه لكن طريقة التنفيذ خاطئه ورأس المال صغير هذا يادوب يجيب أربع سيارات 
والشغله ماهي خذني جيتك اجار المحل والرخصه حقت البلديه وووو 
يبغاللك محل مساحته أقل شي 10الف 
ونصيحه هذا البنقالي يبغى ياكلك اكيد بسط الموضوع في نظرك حتى تجزم  وطيران قريشاتك  ياعبيد


اخوي يبغى لك أقل شي ميتين  الف لاتنسى عندك تعديل في المحل من غرف ومستودعات لقطع الغيار ومن ايجار مقدم أما إلا يقول ميه الف تكفي لا والله ميه الف يالله تجيب عشر سيارات مرغوبة بحاله محركاتها بحاله جيده وحاول قد ماتقدر تشتري أي سياره لنه ادا كان التشليح مافيه سيارات واجد قليل إلا يفكر يدخله لنه بحط في باله أن مابيحصل  القطع إلا يبيها  وبالنسبه  إلى الربح ماشاء الله بتعين  خير بس يبي لك تشتغل صح بتتعب  في البدايه انتشار البحث عن السيارات وبعدين لما تنعرف  أصحاب السيارات هم بيبحثو  عنك ياخوي وانا اكلمك من تجربة اشتغلت في تشليح في الشرقيه وأهم شي حاول تكسب الزبائن بالكلمة الطيبة والمعاملة الحسنه والتساهل  في الأسعار للي يبي ترخص له وربي يوفقك 


up 2 down 3
adood ali2013 327
قبل 5 سنه



بعدين انت نسيت تجهيز الورشه وبنائها وعدتها  ولازم تسوي هناقر ولأجل بترمي قطعك في الشمس!!! بتنعدم اول شي نص القطع الصالحه  في سيارتك 
ويبغاللك  رفعات شوكيه وسكن عمال  ووووو  100الف وش بتسوي بتشتري  سيارات ولا بتجهز المحل ولا بتستاجر  
يارجل لايضحكون عليك طيب بكره جبت عمال ولنفرض متستر  عليهم  في اي وقت وبكل بساطه  اسهل من شرب كاسة الشاهي يضرب الباب  ويبطل شغل 
هي اقعد فيها بعدين والله جد انا اقوللك  كذا عشان ماتورط 
لازم عندك رخصه  وتجيب عمال على كفالتك  حتى مايلعب  على كيفها سوى شغله له حقه واكرمه فوقه بزوط  تدعس  على رقبته 
اييييييييبه شكللك ماتعرف شي عن العماله زين زين 
والله لو جبت عمال موعلاكفالتك تصبح الصبح سياراتك ماتحصلها  هههههههههههههه


بعدين من الآن اقوللك شوف اذا رأس ماللك لو مليون إذا مادير المحل بقولك بطل احسن من الآن وقفل على الموضوع 
لان العماله  الي في التشاليح يسرقون اي شي كل حاجه  طايحه في الأرض لو مسمار لها قيمه حتى بعض القطع الخربانه تنباع 


كل الي حطو ديس لايك والله لجيتوني المحل لاصلخكم اكثر من الوكاله 


مشروع التشليح مربح جدا ولكن يحتاج خبرة
وتشرف بنفسك على العماله
طبعا التشاليح القطعه اللي يبيعونها يأخذون الرجيع ويستفيدون منه قطع او بيع الحديد سكراب



up 1 down 0
fahd077 306
قبل 5 سنه



يا بتاع السنافر قصدي يا جون سلفر ارسى على بر 
كل 6 شهور تعلق على مهنة هههههههه حشى انت كذا حطمت مكتب العمل
مرة مكانيكي تشتغل بنفسك 
و مرة محلات قطع غيار 
و مرة عندك ورش كثيرة 
و الحين تشاليح 
 و مرات تخصص الماني فقط هههههههههه
و المشكلة كل فترة زمنية محددة تمسك على شغلة و ما تنوع و بعدها تروح على مهنة جديدة و ما عاد تذكر القديمة

هداك الله يا سمورة يا جون سلفر


up 0 down 1
rraammooss 965
قبل 5 سنه



المشروع جدامربح وانصح فيه بصراحه هذي فكره ناجحه وانابنفسي افكرفي نفس المشروع ولوتبغانكون شركاء تواصل معي


up 0 down 0
شهم الجنوب11
قبل 3 سنه و 7 شهر



المشروع مربح وعلى المدى البعيد مراح يقل سوقه او يتقفل
مثل مقاهي الانترنت وكباين المكالمات وغيرها كثير. 

لكن يبي لك خبرة بالميكانيكا 
وافكار جديدة 
مثل الاعلان على الانترنت عن القطع المتوفرة والشحن للمشترين. 
وغيرها كثير من الافكار غير المكلفه. 


up 0 down 0
خ.الد 102
قبل 3 سنه و 2 شهر



نقطه اخرى 
السياره يفككونها ويبيعون قطعها ولاكسبو فيها وبقى الهيكل يكبسونه ويودونه للميزان وفلوس دبل 


up 0 down 0
mobark al sahlli
قبل 3 سنه



ممكن تتواصل معي وراح افيدك ٠٥٣٨٩٨٠٩٠٣


up 0 down 0
عمار السوسي
قبل 2 سنه و 5 شهر



ان شاء الله مقبل ع المشروع دعواتكم.


up 0 down 0
wickwick
قبل سنه و 2 شهر