زيت القير صار اسود بعد شهر من تغييره

حبيبي بترومين يغير زيت بدون تغيير فلتر يعني ما استفدت شي
انصحك تروح محل محترم وتجيب معك فلتر وزيت ومعجون وتغيره مره ثانية

اخوي انت غبرت زيت حق تويوتا ولا بترومين؟
هيا وحدة من اثنين 
١- اذا غيرت زيت بترومين معناتو زيتهم مخيس ومايتحمل
٢- انت غيرت جزء من الزيت ولمن انخلط مع القديم صار اسود
طبعا بتقلي كيف 
مثلا انا سيارتي تأخذ ١٤ لتر كامل القير
لكن اللي يتغير فقط الموجود بالكارتير حول ٥ لتر
يعني ٩ لتر قديم و ٥ لتر جديد
ففي حالتك انت لازم تغير مرة ومرتين وثلاثة الين يزبط

يالغالي خلك من لون الزيت مهوب علامه ان الزيت انتهى
شف اذا فيه لزووجه وممتازه ماعليك لاتغيره
وطبيعي ان لونه بيكون اسود مع الحراره العاليه
أهم شي اللزوووووجه موجود وبنسبه ممتازه

حياك
واحد من الزملا يقول وديت موتري للورشة وغيرو زيت القير مع الفلتر
المهم يقول طلعت من الورشة ومريت البنشر اغير زيت
المكينه وفجئة يجيني البنشري قال زيت القير معدوم لزم تغيره
قلت حرام عليك توي قبل نص ساعة مغيرة 
بس بياخذ فلوس ولاعليه منك
انت اهم شي يكون زيت وفلتر القير تاخذه من الوكاله نفسها
وتغيره اقرب ورشة
وباالتوفيق

انت شفته والا يقولون لك.         كل ورشه بتقول عشان تغيره

انا غيرته.  وفي نفس اليوم.  مريت بترومين عشان اشوف القياس.   ناقص والا تمام
قال زيت لازم غير.   قلت مغيره اليوم

شركة بترومين نصابين من الاخراناماعمري غيرت زيت عندهم لاكن صديقي شغال معهم ويعلمني علومهم دايم يقولي الزيت اللي نغيره بالبناشر العاديه ب75هم يغيرونه 140 راح تستغرب من السعرذاليه تتوقع لانهم بستقبولك ويقهونك وتجلس بغرفه مكيفه اللين مايخلص الفلبيني وغير كذاشغله ثانيه الزيت عندهم في علب وفيه خزان كبيريسحبون منه وماينصح خوي فيه غيركذا شغله اخيره العمال الفلابنه يجي يتعلم ويطبق على سيارات العالم هنا يعني لاخذ دوره ولاشي مو كلهم بس الاغلبيه طبعا الكلام ذا على ذمت خويي ... واتوقع انه زيت القيرماغيروه لك فانصحك انك ترجع لهم ولاتترك حقك

مدري انت كيف غيرته. 

لازم تغير الفلتر معه. لان الفلتر يمسك الاوساخ. واصلاً 

يبقى في الفلتر زيت. من القديم اذا انت غيرت الزيت 

وبدون فلتر. فااكيد انه اختلط مع بعض. الجديد مع القديم 

الاسود. 

لاكن. روح الوكاله وخذ فلتر. اصلي وزيت. وروح غيره. 

كامل. وتشوف. بعدها. يجلس الين 60الف. ولونه احمر 

كثير مرات اقرأ وسمعت في لقاء تلفزيوني يقول لون الزيت ليس معيار ، وسيارتي جديدة ماشية 60 ومحافظ جدا ، وقيادتي هادئة جدا ، ونزل زيت القير أسود

تستهبل انت تغيره من بترومين ياخي روح قطع غيار تويوتا وقله ابي فلتر قير وزيت قير يارس ووجه كرتير وخله يغيره لك المكانيكي بعدين اسال الناس الخبره في سيارات تويوتا كم ياخذ جالون اليارس

وعليكم السلام ورحمة الله وبركاته, هل لما غيرته ببترومين شفته بعينك يوم كان يغيره؟ وهل تم تغيير الفلتر معه؟ لان احتمال يكون ما غيرلك الزيت من الاساس او ما غير الفلتر, السؤال الثاني هل شفت الزيت انه فعلاً اسود بعد التغيير والا كلام صاحب البنشر, لان احتمال كبير يكون الزيت فعلا قد تغير في بترومين لاكن صاحب البنشر هدفه مادي.

بترومين اخوي اشتكاهم بوزارة التجارة. .معاه تاهو موديل حديث
وراح بيغير زيت الماكينة وحطوا له زيت مايتناسب مع الموتر
(لزوجة مختلفه) وصارت تطلع أصوات بالمكينه

السلام عليكم ورحمة الله وبركاته
اشكركم جميعا على ردودكم الله يعطيكم العافية لاخلا ولا عدم ماقرصتوا

بالنسبة ياخوان للزيت المستخدم للمكينة هو زيت تايوتا بس اني غلطت واخذت الثقيل 20w50
والان غيرته للخفيف 10w30 هذا بالنسبة لزيت المكينة ولا فيها مشاكل ابد

بالنسبة لزيت القير غيروا لي زيت من عندهم شفت العلبه حسب ماعرف انها رصاصية وهي الزينه دكسون اعتقد والفلتر ماغيروه
وللامانه انا شفتهم وجابوا جهاز وجلسوا فترة واشوفهم جابوا علمت اتوقع حول الثمان علب واستخدموها وللامانه ماشيكت عليه بس سالته العيار كويس قال ايه ومشيت

بالنسبة للبنشري انا جيته بالليل والزيت مايل للسواد بس مو اسود والبنشري يقول منتهي

رجعت لبترومين قالوا الزيت زين ولزوجته زينه ولا هو باسود
للامانه اللزوجه جيدة ماشفته سيء بس اللون مايل للسواد