معي 40 الف- ما اقل صيانه فورتشنر- يوكن -إكسلبورر؟ سفر فقط

اكيد فورتشنر لايعلى عليه من أكثر السيارات اعتماديه  انت تتكلم عن هايلوكس 
لكن خمس أبواب دفع رباعي
لكن مادري المبلغ الي معك يجيبللك وحده ولا لا ؟ 

يا غالي الصيانة للسيارات الجديدة او السليمة.
المبلغ الي معك يجيب لك مستعمله يعني ممكن ما تكون المصاريف على الصيانه بس ممكن يكون معها تصليح اعطال بعد.

اذا انت راعي سفر الفورتشنر خطر عليك وعلى اهلك ابسط خطأ ممكن تتعرض للإنقلاب لاسمح الله
مع انه اقلهم صيانه لكن اليوكن عندك لا يعلى عليه من تجربه شخصيه لمدة 7 سنوات موديل 2008

40 قيمة جيب باجيرو سبورت 2012 مدبل نظيف

من باب تجربة رائع وقوي 

صادق sarrar ترا الباجيرو موتر ممتاز وقوي لكن اظن ان قطع غياره مرتقعه شوي اذا في احد خبره بقطع غياره يفيدنا

يوكن 2006 اعتمادية كرف تحمل رخص صيانة وقطع غيار 

مبلغك قليل مررررة


الفورتشنر ممكن بمبلغك ذا منتاب محصل الا اربعة سلندر ومنهبل بعد وقديم يعني جار عليه الزمن وماشي لين اذن


وفوق كذا بيكسر ظهرك في السفر لا راحة ولا رساوة صفر على الشمال وقلبته بريال



لذلك اذا انت تدور راحتك وتخاف على نفسك وعلى اهلك لا تاخذ الفورتشنر


الاكسبلور سيارة وسطية بالقيمة هذي مدري وش يجيب لك من موديل بس اتوقع 2010 او 2009 حليو في العملانية اذا كان نظيف بس بتحصله برضوه ماشي واستهلك نسبياً


الجمس بمبلغك ذا اتوقع يجيب الشكل القديم 2006 او 2005 ميزة الجمس مكينة قير دفرنس تنساها قوية ماشاء الله ونادر تتعطل فيه بس بيطلب اشياء ثانية بين فترة وفترة طويلة لكنه يتصلح ويمشي مايوقف ابد لو هو مخبط هذي ميزة الجمس معنا 2001 بيدخل 400 وفيه بداية شنبر من عرفناه ويروح به الوالد مكة والدمام وشلخ في الخط مايقول لا وفوق كذا هو اريح موتر من ذا الثلاثة في المراتب الرساوة يمكن يجي الثانية الاكسبلور صراحة ارسى منه الفوتشنر برا الحسبه في الرساوة


لذلك اذا انت مصمم دور جمس نظيف او ان حصلت اكسبلور ممشاه معقول ممكن تاخذه ، وكان عايلتك مهيب كثيرة نصيحة اشتر موديل حديث 2012 سيارة متوسطة ستة سلندر تؤدي الغرض وكفى الله المؤمنين القتال.


وفقك الله

ارشح الاكسبدشن تحصل نظيف بذي القيمة 
2007 و طالع
او موديل قديم ب30 و الباقي صيانة او توفره
ابعد عن الفورشنر و الباجيرو سبورت
مرتفعة بشكل خطير ما تصلح للسفر مع السرعة و التحميل

الفورتشنر غير موضوع الانقلاب ترا مكيفه اخيس مكيف مر علي في حياتي ما يبرد الا درجة خفيفه جدا اتكلم على وقت الظهر طبعا

وسعره غالي ومافيه مواصفات وغير مريح

ارشحلك اليوكن

معالم التقنية +1
كلامك 100% صحيح

خذ تويوتا فورشنر شكله مو مره لاكن اذا يهمك العملانية خذه و أنحش من فورد اكسبلورر اذا فتح ثمه بيكلفك مبلغ و خراباتع واجد إذا كان مكروف 

اربعين تجيب لك جمس 2006 نظيف باكياسه
واحد من زملانا في العمل في خميس مشيط معه جمس 2006 باقي باكياسه حق سفر فقط وسفر الرجال قليل جدا يعني في السنه يسافر
مره واحده ويمكن مايسافر باعه قبل امس ب30 الف بعد ملعنة والدين
الفورشنر مبالغ في سعره
والصيانه ترى ماهو كل يوم وانت في ورشه
اذا بتسوي في السنه حسنه
انصحك في الامريكي سفر وراحه وامان بعد الله
ماعمري سمعت واحد يقول الفورشنر راحه ولاتسمع كلام الناس رح المعارض وشف بعينك

اتفق مع الاخوان شف لك اكسبلور او جمس افضل لك من الهايلكس المصندق ...عفوا قصدي الفورتشنر

اشكركم جميعا على الردود ،، جزاكم الله كل خير

- اصبحت الفورتشنر خارج الاختيارات - السوال الان لليوكن ، من اين احصل يوكن 2006 -2007 نظيف ؟؟

ترى الشغله نفداك يبالها صبر شوي
خميس مشيط-ابها
الطايف
الباحه
الرياض
تحصل النظيف واجد
والجمس 2007 ترى عيوب القير فيه واجده
انصحك من 2006-2004-2003 والشكل الجديد2008وقدام