تجربتي لأفلون 2015 ليمتد بعد الشراء بشهرين
15
4
إضغط هنا للإخفاء
﷽
السلام عليكم و رحمة الله و بركاته
صبحكم الله بالخير جميع
قبل شهرين تقريباً أخذت أفلون ٢٠١٥ ليمتد
من عبد اللطيف جميل
أصفار ب ١٢٥ ألف
بعد استعمال شهرين و مشي ١٢ ألف كم تقريباً
حبيت أذكر لكم تجربتي و تقييمي للسيارة
المواصفات :
٦ سلندر بقوة ٢٧٤ حصان
٢٤ صمام بنظام vvt-i
٦ تغييرات في القير
جنوط مقاس ١٧
نظام التوقف الذكي
عدد ٨ ايرباقات للراكب و السائق و المقاعد الخلفية
فرامل مانعة للانغلاق
نظام التحكم في توازن السيارة
و الكثير من مواصفات الأفلون المعروفة ( بدون شاشة ملاحة )
السيارة اسبوعياً مشوار ثابت
من الطايف للديرة و من الديرة للطايف
يعني كل جمعة و سبت ٣٠٠ كم ثابته
بالإضافة سافرت بها أنا و عيالي من
الطايف للحفر و من الحفر للقصيم و من القصيم للمدينة
و من المدينة لين ينبع و من ينبع لين جدة و من جدة لين الطايف
بالإضافة أخذتها في رحلة شبابيه من الطايف للشرقية
و من الشرقية لين الرياض و من الرياض لين الطايف
بحكم قطعي للمسافات هذي كلها تقييمي لها
الرساوة : ٩ من ١٠
( مع الهواء القوي السيارة ما تقدر تسيطر عليها )
** ما قد مشيت بها أكثر من ١٨٠ و لين السرعة هذي السيارة رساوتها جبّارة **
العزل : ٨ من ١٠
عزل الهواء ممتاز جداً لكن يعيبها صوت الزفلت مع الخطوط مزعج جداً
صرفية البنزين و الاستهلاك : ٨ من ١٠
( فل و اللمبة شغالة ب ٤٧ ريال تقريباً ، و مع الخطوط صرفيتها مناسبة تقريباً ؛
النظام الصوتي : ١٠ من ١٠
ما شاء الله تبارك الله
الراحة : ٩ من ١٠
الحجم : ٧،٥٠ من ١٠
يعيبها المقاعد الخلفية تاخذ ٣ بالكثير
تماسك العضلات و الديكورات : ١٠ من ١٠
ما شاء الله تبارك الله
بشكل عام السيارة كإستخدام أعطيها ٩ من ١٠
و تعتبر ممتازة جداً و مناسبة للعائلة و مناسبة للخرجات الشبابية
أتمنى اني ذكرت كل ما يتعلق بالسيارة و إذا فيه شي نسيت أذكره
اسألوا عنه و بجيب عنه بإذن الله
إبلاغ
سيارات للبيع
الردود
0
0
لكزس ES من موديل ٢٠٠٧ لين موديل ٢٠١٢
بعض قطع الأفلون و الكامري تركب عليها
لكن من ٢٠١٣ و فوق ما أفتيك فيها
بالنسبة للأفلون فيه بعض القطع غالية و بعض القطع تلقاها في محل أبو ريالين
و إذا طلبت نصيحتي بقول لك أفلون و انت مغمض
قبل 8 سنه