أضف سؤال أو موضوع جديد          

حلم نزول اسعار السيارات الجديدة

up 15 down 18
mmmohd 271
قبل 5 سنه و شهر



السلام عليكم ورحمة الله وبركاته

كيف حالكم ياشباب و الله يعينكم على موضوعي ادري انه يضايق لكن هذه حقيقه لا مفر منها

شفت مواضيع كثيرة عن نزول اسعار السيارات و ناس تقول لا تشتري الحين السوق طايح نايم مريض محد يشتري و قيس على ذلك .

لكن الواقع غير ذلك تماما .

لي صديق عزيز كان عنده مبلغ السنه الماضيه قال بيشتري لاند كروزر 2016  كان سعره في وكاله كانو البحرين 
225000 ريال تقريبا وكان ماعنده يكفي المبلغ 

الان صار عنده المبلغ و راح اليوم 25 اكتوبر 2016 يسال عن نفس الموتر ونفس المواصفات ونفس اللون والصدمه 

سعره 236000 رياااااااال تقريبا .. انا احط السعر بالريال لاستيعاب الشباب المنتدي اللي اغلبهم من السعوديه.

زاد 11000 رياااال ......

وللاسف عليه اقبال ماهو بطبيعي . 

وموديل 2017 حجز و لستت انتظار .....

ردي على الشباب اللي يسال اشتري او لا اشتري الحين 

اشتري لا بعدين تقول ليش ماشريت من السنه الماضيه ...

ملاحظة : اشوف دعوات لناس يقولون خلها تصدي و كله تلفيق و صيني و وووو وللاسف حتى عندكم عبداللطيف ادفع حجز وانتظر السيارة كم من شهر لين توصل الوكاله 

يعني نعمل ضد مانقوله و نعتقد به .... والدليل اكبر مبايعات في السوق السعودي و الخليجي بشكل عام 
التويوتا باختلاف موديلاتها

و في الاخير تقبلوا تحياتي 

اخوكم بوخالد 
مملكه البحرين








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انت في البحرين
تعال السعوديه وشف النزول العجيب
اذا تبي باترول نص فل الآن سعره 178 الف كان سعره220
السيارات الكورية نزلت مابين 10 آلاف إلى خمسة الألف
تويوتا تسوي عروض تبي تصرف المعروض
والقادم أجمل


up 13 down 4
كلي وفاا 327
قبل 5 سنه و شهر



في السعودية الاسعار في نزول
الباجيرو من 155 الف الى 114 الف فل كامل من الوكالة
الارمادا من 145 الف الى 115 الف نص فل
الصني مديل السنة وصلت في لمعارض 30 الف


up 1 down 6
xmukhtarx 33
قبل 5 سنه و شهر



مانزل شي اليوم مسعر هايلكس دبل سعودي ٢٠١٧ بسعر ١٠٤٠٠٠ الف 
حنا نصدق الكذبه وندربي روسنا التسعيره هاذي اليوم العصر يمعارض الدمام قير عايدي حطو فيها تكييف خلفي 
واسطب بلحوض 


up 8 down 13
qqq11r 108
قبل 5 سنه و شهر



ياشباب مو معنا انه انخفاض سعر سياره او سيارتين او فئه من السيارات يدل على على انه الاسعار بتنزل والعكس صحيح 


up 5 down 1
abdulaziz7000 468
قبل 5 سنه و شهر



ملاحض فيه نزول بالاسعار لكن مو كثير اشوي لكن في البحرين لا اعلم اذا نزلت كثير ولا زينا يقولن علشان البترول انخفض بتنزل الاسعار والله اعلم


up 0 down 0
سكودر 14927
قبل 5 سنه و شهر



لي سنين اشتغل واجمع الرواتب و للحين ما جبت قيمت اكسنت
الي يشترون جيب ب200 الف ابغى اعرف انتم وش تشتغلون بالضبط؟

جد والله من غير حسد الله يبارك لكم ويزيدكم


up 27 down 8
الحنيشي الحارثي 329
قبل 5 سنه و شهر



فيه نزول واضح والكلام هذا من تجار سيارات وليس شريطيه
واكيد كل دوله اقتصادها والقوه الشرائية تختلف عن بعض  


up 1 down 3
قائد جيش السنافر -16
قبل 5 سنه و شهر



كيف تبي النزول يكون قبل الازمة ؟
الان لسى الرواتب ما نزلت ولا تغير على احد الامور
لكن من بداية الشهر القادم تلاحظ التغيير
ومفروض انك ماتحكم من البدايه على الاقل انتظر كم شهر
لكن يبدو ان لك مصلحة في السيارات ههههههههه


up 2 down 2
mr mansour 110
قبل 5 سنه و شهر



كيف تبي النزول يكون قبل الازمة ؟
الان لسى الرواتب ما نزلت ولا تغير على احد الامور
لكن من بداية الشهر القادم تلاحظ التغيير
ومفروض انك ماتحكم من البدايه على الاقل انتظر كم شهر
لكن يبدو ان لك مصلحة في السيارات ههههههههه


up 1 down 1
mr mansour 110
قبل 5 سنه و شهر



هذا كذاب  من  الشريطيه حمير ابليس  يحاول يصرف تنك نشبت في حلقه. فجا من بعيييد    اللندكروزر سعره الان على الورق ٢٠٨ والصامل يحصله ١٩٥

وعلى فكره. ترا في معارض النسيم عروض سريه. اسئلو عن عرض (لاحديدري). هذا سعر يعطونك اياه اذا وثقو انك ماتقول لاحد من المعارض الاخرى  

وسيارات كانو قبل لاتدخل السعوديه تمرعلى هناقر فك وربط يسرق منها قطع اصليه ويركب مضروب ويعوضونها رنقات وشكليات من ابو كلب. فانا اعيد واكرر احذرو الخليجي
واحذرو دعوات حمير الشيطان(الشيطان يعدكم الفقر). 
#خلوها_تصدي


up 10 down 13
حقاني_ 8
قبل 5 سنه و شهر



واحد شغال في معرض يقول قبل شهر ماتحصله مكان 
في المكتب من زبائن التأجير المنتهي بالتمليك كلهم يشترون
واليوم يقول مابعنا ولاسياره اليوم كامل تخيل 
الحين البنوك خلاص ماتعطي الا الراتب الأساسي فقط
والركود موجود الحين وبعده النزول في الاسعار 



up 5 down 0
البراق15 1692
قبل 5 سنه و شهر



اولا لازم نعرف ان تايوتا غير سواء كنا نحبها او نكرهها
التويوتا مبيعاتها عالية جدا والهايلكس اخذ اكثر سيارة مبيعا في المملكة والكوريلا اخذت اكثر سيارة مبيعا في العالم.. تايوتا نزولها قليل جدا لأن شعبيتها طااااغية

ثانيا السوق مثل السيل الجارف الاسعار راح تنزل غصبن عن خشم كل تاجر جشع.. راح تنزل بسبب قلة الطلب ونقص السيولة والغاء العلاوات والبدلات وكثرة التنازل عن التأجير بسبب ان بعض البدلات طارت وقلة الطلب على التأجير مستقبلا.. أليست كل هذه الاسباب لنزول الاسعار؟

وعلى فكرة كثير من الاسعار نزلت الى درجة حتى المطاعم سووا عروض وحتى مايز مسوين عروض بإسعار شغل اليد تصل الى ٤٠ بالمية.

الاسعار فعلا نزلت بشكل واضح 


up 8 down 0
دكتوراه في الحب 164
قبل 5 سنه و شهر



شكرا على كل من تفاعل مع موضوعي .

سيارات تويوتا مانزلت منا ولا ريال الموديلات الجديده موديل السنه . اتكلم عن تويوتا تحديدا 

السكويا عندنا ارتفع 
الكامري 
الكورولا
اليارس
الاند بانواعه 
الافالون
كلها ارتفعت عن بدايه السنه .
و ما ادري كيف ترتفع و الجديد 2017 موجود!

لاند جس اكس فل ابوشن 2016 ب 236000 ريال
و 2017 ب 240000 ريال . بس 4000 للسنه فقط.!!!

وترى 1000 ولا 2000 ريال ولا حتى 5000 ريال نزول هذا ما اعتبره نزول اسعار لان الوكاله ممكن تجيبها من ظهرك في صيانه واحده فقط وصيانه عاديه مش صيانه شامله.

اذا تبي تقول نزول قول 10000 ريال وفوق اما هذا لا تفكر انه نزول هذا خصم من جهه و يطلعه منك من جهه ثانيه.




up 6 down 5
mmmohd 271
قبل 5 سنه و شهر



كامري خليجية بمثبت 2017
 نزلت بمعرض بالشرقية  ب77
نفس مواصفات 2016  اللي ب70
!!!!!

بس الموضوع يبي له فترة
اللي يسأل كيف يطلعون جيوب غالية
قليل اللي معه كاش
اعرف واحد مطلع لاند هدد V8 2015 
ما دفع و لا ريال مقدم للراجحي
القسط 3600 و الاخيرة 60
و الحين متوهق مع ان راتبه 12الف لكن مطلع قرض قسطه 2000

المهم ان قلة طلبات التقسيط و ارتفاع اسعار البنزين
بتنزل اسعار الجيوب و سيارات الثمان سلندر بشكل عام
السيارات الصغيرة بينزل سعرها بشكل محدود او تحافظ على اسعارها
خصوصا" اللي قسطها 1000 او اقل بيستمرون يطلعها اقساط 
اللي محتاج او ما يعرف بالمستعمل او ما معه كاش يشتري منه


up 2 down 1
أبو نجوى 2442
قبل 5 سنه و شهر



باختصار كل مازاد الطلب علي السيارات ارتفع سعرها
وكل ماقل الطلب عليها انخفض سعرها




up 2 down 0
bmw z4 1500
قبل 5 سنه و شهر



زي ماقال اخوي ابو نجوى الانخفاض راح يعتمد على الطلب مثلا الجموس والجيوب بيقل الطلب عليها بسبب البنزين والبدلات ف بيقل عليها الطلب بعكس السيارات الصغيرة الي سوقها ماشي والناس بدت تتوجه لها فما اتوقع يكون فيها انخفاض


up 1 down 0
maktoob110 371
قبل 5 سنه و شهر



الله يكتب كل شي فيه خير اولاً 
ثانياً باعتقادي ان مدن الخليج ماتضررت اقتصادياً مثلنا
يعني دبي وقطر امورهم طيبه واسعارهم للسيارات مقارب لنا
يعني بينزل عندنا السعر عشان قصقصوا البدلات وامنعوا العلاوه
هذا شي غير معقول ، مع انه بالود انها تنزل ولكن انا اتكلم منطقياً 
خصوصاً هنا التجار حقين الوكالات مافيه من يراقبهم ويفرض عليهم نسبه ربح معينه
الدعوى فوضى تروح لذا عنده ب ١٠ تروح ل ذاك عنده ب ١٥ 
طيب نظموا السوق ، عالجوا المشاكل ، 

وينك بس ياوزير التجاره ( الربيعه ) كان مستقعد لهم على حبه ونص ، بس الزين مايدوم للاسف .. 



up 0 down 0
wooow.r 157
قبل 5 سنه و شهر



تبون الاجابه الصحيحه والعلميه يمكن تذكرون ايام 2008 يوم قالو بترخص السياارت اليابانيه وش سوت الياابان خفضت انتاجها الى 30 بميه

اليابان ماتبي تخسر تربح فقط وانا برايي انا السيارات دخلت بعالم السياسه والاقتصاد


up 1 down 0
سكودر 14927
قبل 5 سنه و شهر



فيما يتعلق بالنزول ..
لكل دولة قوانينها وسياستها واقتصادها فمثلاً عندنا في السعودية الاقتصاد المادي المتبادل في جميع المجالات في نزول وليس ركود فيما يخص السيارات فنزولها في السعودية واضح جداً ، فمثلا كان سعر الجيب اللكزس 2014 ماتاخذة باقل من 200 الف والله العظيم ومالكم علية يمين اني انا بعتة 175 الف لاتقولون فيه رشوش او مايعيبة لا والله انه جديد ولاكن شح السيولة على المواطن والوضع الاقتصادي بالمملكة يجبر المستخدم الاحتفاض والتمسك بالسيولة ، وازيدكم من الشعر بيت تروني بايعة على كويتي وليس سعودي ، لو انه سعودي سامة 150 الف لاكن الحمد لله ، اسال الله ان يبارك له عدد مساميرة ..


up 0 down 2
انفخ لة -3
قبل 5 سنه و شهر