نقص المكينه

عالوكاله طال عمرك لذا لسى ع الضمان ولو رفضو يستقبلونها اتصل بوزارة التجاره وقدم شكوى ولايك يالحب 

لاوالله مو على الضمان واخاف اوظب المكينه والمشكلة بسيطه

غسل الموتر بستم و شيك اذ فيه تهريب من الصوف او الكرتير 

اذ مافي تهريب ف هذي شننبر و الله يعينك 

يمكن ترى من لزوجة الزيت تكون غير مناسبة للمكينة لانها قد صارت لي

اشياء صغيرة تكون هي الحل ونغفل عنها وندخل في مشاكل اكبر

الموتر مافيه ﻻتهريبات وﻻ شيء 
صادق ي ابوسند والصناعيه ماعندهم اﻻتوظيب

شف كتيب السيارة وش يوصي بأي لزوجة وحطها واختر زيت جيد ولازم يكون ( sn ) أحدث تصنيف للزيوت

بكذا يمكن ينتهي النقص

إذا مافيه اي تهريب غير بلف تبخير الزيت .سبب رئيسي لنقص الزيت.سعره رخيص خذه اصلي وكاله

الزيت وش اللي تحطه ؟

زيت كاسترول       

اذا تأكدت انه مافيه تهريبات
ومافيه دخان يطلع من الشكمان
معناه المكينة بها عيب مصنعي تبخير الزيت وهي مشكلة شائعة في بعض مكاين تويوتا

يعني استمر وزود الزيت كل ماينقص ودوس لانه المكينة مافيها مشكلة الا انها تنقص زيت

حياك
هذا بلف التبخير غيره 
وترا اغلب الجيوب اللي يجيها جور ودعس قوي تنقص ع خفيف

ابتعد عن زيت كاسترول جي تي اكس هالزيت مغشوش
وسبق سبب مشاكل لناس قد شعر راسك والزيت هذا
سبب رئيسي في تخبيط مكاين سيارات كثيره جدا
حط لها زيت بترومين الترا سفن وشوف لو تحرك العيار
عن الفل مره ثانيه وغيره كل 4000كيلو الى5000كيلو
حسب ضغطك للسياره ولو ينقص معاك شعره

الله ﻻيهينكم ويعطيكم العافيه ويسعدكم دنيا وآخره 
ان شالله اليوم بغير بلف التبخير والزيت واعطيكم خبر بأذن الله

اذا مافيه تهريب من صوفه المكينه شيك على بلف التبخير