مشكلة ببريك الكامري 2015

افحص الصامولة اللي عند الجلنط اذا تحتاج شد أكثر, والسلك اللي عند الهوبات واقمشة الفرامل الخلفية.

طيب الاقمشه الخلفيه تتغير متى ؟ 

الوالد معاه كامري ٢٠١٥ ماشية ٢٥ الف فقط
البريك لو يشده في طلعة السيارة تدحر
اما في ارض مستوية لازم يشده الأخير عشان تمسك

اخوي متسوق ، لما سال الوالد عن المشكله وش جاوبو عليه

كان عندي نفس المشكله بكامري 2016
الحل انك توديها عند ورشه يشد لك الجلنط من الهوبات الخلفيه
شديتها ب 60 ريال ورجع الجلنط تمام

اخوي لاتروح ولاتجي 
الكامري من ٢٠٠٧ الى ٢٠١٦ 
تسحب ع اخر شي وتدفها ترجع خصوصا للوراء
لكن انزل تحت عند الدواسه اكرمكم الله 
وشوف شرح هالفديو ان شاءالله تكون افدتك

https://youtu.be/pRIrSFu41rE

الله يسعدك اخوي علاوي ولايهون الجميع ، لاني كنت خايف ان هالمشكله تخلي القير يخبط، خصوصاً واني ناوي اغير زيته بهالايام لان السياره ماشيه76 الف

والله للان ماسوا فيها شي
ويقول بس يبغالها شد<<<يكره يروح الوكالات

نفس المشكله صارت معي 
وشديت الصاموله اللي عند البريك شوي 
وشديت الواير من الهوب الخلفي شوي 
صار وكاله   ولا تغير قماش بريك 
والحمد لله

الله يعطيكم العافيه يخوان على الردود واحد واحد ، بس عندي برضو استفسار عن زيت القير ، لاني رحت لورشة واحد اعرفه وقالي ان زيت القير للكامري 2015 ماله معيار ، فما تقدر تعرف اذا الزيت يبغاله تغيير او لا ، غير كذا قالي ان السياره مايحاتجلها تغيير زيت ، لان بعض السيارات لو غيرت زيتها بيخبط القير احياناً عليك ، علماً ان ممشاي 76 الف ، وفيه ورشه قال اغييرلك الزيت بس ماضمن اذا خبط القير معاك بعدين ، وش رايكم انتم ؟؟

والله زيت القير ماقدر اقول شي لان كل الناس تتخوف 
حتى الوكاله توقعك اقرار 
لكن بما ان سيارتك لسى تحت الظمان 
روح غيره بالوكاله 
وتأكد ان جميع فواتير تغيير الزيت معك احتياطاً لاغير 
والاقرار لاتوقع عليه 
قول سياره تحت الظمان وتوقعني اقرار عدم تحمل مسؤلية الوكاله
وهو بيقول لك روتين وكذا 
انا اشوف اكثر مشاكل القير ان الواحد يكرف سيارته لين ٢٠٠ الف 
وماقد غير زيت القير
وبعدها غيره وخبط 
لكن انت واضب على ٨٠ الف وغير 
وان شاءالله مايصير شي