اجرائات تأمين الراجحي

الله يعوض عليك

اللي اعرفه تروح المرور ويعطونك ورقه تروح تقدر بها سيارتك عند ثلاث ورش معتمده من المرور 
وبعدها تروح لشيخ المعارض تقدر وترجع تعطيهم الأوراق وبعدها تقدم المعامله لشركه التأمين 
ويعطونك شيك 
هالكلام زمان كان كذا النظام لكن الحين يمكن تغير لكن رح المرور ويعطونك العلم 
والحمد لله على سلامتك  بالحديد ولا بالعبيد 

الحمد لله على سلامتك وبأذن الله تدفع ماكان اعظم

الله يوفقكم ويسلمكم ماقصرتم

كان الله في عونك
اجراءات الراجحي اسوأ منها مافيه
تاخذ الورقه اللي عطاك نجم للتقديرات وتقدر السياره وتتوجه
لشركة تكافل الراجحي
اللي بتحصل فيها 3 موظفين و 1000 مراجع والموظفين تحس الواحد يعطيك من جيبه المهم خذ صور من السياره للحادث ومن الاوراق ولاتصلح احيانا الراجحي يلطعك 21 يوم عمل يعني اكثر من شهر ونص ويقول تعال نشوف السياره ويصورها بكاميرتهم ويلطعك اسبوع للموافقه
ويطفشك
المهم فلوس راح تدفع في حالتين الاولى الطرف الثاني هارب او انت عليك نسبه خطأ واللي راح تدفعه غالبا قيمة القطع نسبه منها موب قيمتها كامله يعني احسب حساب 1500 ع الاقل اما بالنسبه للتصليح اذا موترك موديل السنه تروح الوكاله وتجيب تسعيره لهم ثم يوافقون عليها وتدخلها الوكاله اما لو عدت سنتين تروح تصلح بورش متعاقدين معها وترى انتبه لخدوش البودي والقزاز لانهم 10 الاف سياره موقفه في مساحة 20 متر وانواع الحكحكه ..
بالتوفيق\ لك وان كان بسيطه صلحها بنفسك لان قيمة الايجارات اثناء التصليح والمرمطه ونسبه الرسوم الي راح تدفعها بتكون مقاربه لقيمة تصليحها

الله يطول بعمرك ي خالد 
انا والله اني عارف انها مرمطه 
لكن طال عمرك انا بستقعد 
ياخي هذا حلالنا قاعدين ندفع تأمين 
واجرائاتهم التعسفيه انا اصير اعسف منهم 
ويوم الاحد رايح لهم
وراح نشوف وش يقولون