كم سعر مخالفة التحايل على الاشارة ؟

شكلك تقصد اللي يجي يدخل قبل الاشاره يمين واول مايعدي الاشاره يرجع يسار ويكمل طريقه
شفت ناس يسووها ولايصورهم ساهر بس طبعا الخط فاضي مافيه سيارات

صراحة ما اعرف كيف تتحايل عليها لكن اذا صورك ساهر الله يعينك على ٦٠٠٠ ريال

ايه نفس الحركة الف يمين واديور في نفس الشارع والف يمين مره ثانية في الاشارة الثانية ..
اللي معطيني القسيمة مرور سري مو ساهر ..
اغلب الناس تقول 100 ريال اللي عنده علم لا يبخل ..

اقترفت ذنبا فتحمل عواقبه لو كان ساهر حقها خمسمية زي اللهب على قلبك لكن مرور الله العالم يمقن 900 وحجز 24 ساعة

الحين قطع الاشاره ب 6000 الاف :(

احد الشباب رسل صوره لواحد مسكين اكل مخالفه ب 6000 الاف بسبب قطع اشاره بتاريخ 1 / 1 / 1438

طيب ادخل علي موقع المرور وحط السجل المدني وبتطلع لك تفاصيل المخالفات
بس اذا هو عكسري اللي سجلها تقريبا تتاخر تاخذ من 5 الي 20 يوم حتي تنزل هذا اذا ماكانت محجوبه
رابط الاستعلام عن المخالفات:
https://goo.gl/LyXNP4

أقل شي 500 وأكثر شي 900 
لانها تعتبر نفس قطع الاشاره
لكن الله العالم بعد القرارات الجديده كم صايره 

نزلت عليه وسددت 500ريال ولو تأخرت بتدبل 900ريال قبل سنه على النظام القديم

كيف يعني تحايل؟ اذا قاطع تأخذ مخالفة. اما توقف عن إشارة قف 3 ثواني وتلف وبعدين ترجع من الشارع الثاني وتلف يمين, هذا شيء قانوني 100% انت ماخالفت ولا ضيقت على احد! يعني لو جاء احد لف يمين واكتشف ان الطريق غلط ورجع مره ثانية ليش يأخذ مخالفة؟

dell2012 صاحب الموضوع قصده الي يجييكك كانه
يبي يلف يمين ويوقف في اليمين 3 ثواني ويلف ويرجع ياخذ
يسار ويمشي ماقصده الي ماشي نظامي الا لو قصدك انه بعد مايلف
يمين يكتشف ان الطريق غلط ويعكس امه لا هذا تحايل واضح وصريح

تم تطبيق نظام المخالفات الجديد قطع الاشارة ب 3000 وبعد شهر ترتفع للحد الأعلى 6000 ريال
جاري قبل يومين جاته رسالة على الجوال تفيد بالمخالفة اللي ارتكبها ابنه بالسيارة انتبهو بارك الله فيكم 5 دقائق او 10 ماراح تأخركم

يالربع انا قبل شوي الاشاره صفراء وفيها ساهر يوم تعديتها 
وقربت عند ماصوره ساهر وفيه كمرتين صورت مرتين
ويوم ناظرت وراي حصلت سياره وراي بمسافه ١٤ متر تقريبا
انا تعديت الاشاره وهي صفراء ليه كبس بالكمرتين .

سلطان دام لحقت خط المشاة والاشارة صفرا ما عليك شيء خذها مني من مصدر موثووووق

طيب بسالك يا غالي هي تجي كمرتين جنب بعض ليه كبسن كلهن
ترا انا مشيت ووراي بمسافه واحد انا متاكد من اللي وراي قاطعها
بس الكمره تجي ثنتين جنب بعض ليه كبسن سوا  
ياخوفي صورني عاد ٣٠٠٠ والله اني ضايقن من الظهر 
الله يطمنك ويريحك ياشيخ 

ياخي لا تشيل هم كلامي دام انك وصلت خط المشاة والإشارة باقي صفرا المخالفة تتلغي وانت تقول خلفك في سيارة يعني اكيد اللي وراك وصل لخط المشاة والإشارة حمرا

الله يجزاك خير 
انا مقدمه السياره وصلت خط المشاه وتعديت الاشاره وهي ماصارت
حمراء .
بس استغربت لان الكمرا فيها فلاشين جنب بعض وصورن مع بعض 

الله يجزاك خير ويريح بالك 
والله يستر بنتظر ٣ايام وعسا ماتنزل 

ان شاء الله ماتنزل ياسلطان

السلام عليكم 
ياخوان دخلت يمين من الاشاره وفيها ساهر وشفت فلاش هل بتنزل مخالفه ولا لا 

صعب على احد يدفع 3000 على مخالفه وحده