ما نصائحكم اريد المشاروة الله يجزيكم خير

مادري عن قيمتها السوقية لكن القصد مبالغ فيه جدا 
شوف وضعك وراتبك 

والله 2600 كثير قيمة اول قسط تصلح لك المكيف وزود 

نصيحة ابعد عنها تطلع عليك ب ٦٧ الف وقسط ٢٦٠٠ كثيييير وانت شايف القرارات الاخيرة من الغاء بدلات واستحداث رسوم ويمكن سعر الوقود يزيد وممكن تنخفض قيمة الريال ترى م ابي اخوفك لكن هاذي احتياطيات 
انصحك صلح مكيف سيارتك دامها نظيفة وخادمتك وانصحك بقطع غيار دينسو واحذر احذر احذر من المستعمل حتى لو كان يلمع من واقع تجربة
كان عندي مكيف اللكزس خربان وركبت كمبروسر وكالة مستعمل نظييييييف ولا كمل سنة وركبت كمبروسير دينسو والحمد لله عال العال

حياك
امسك جنيك لايجيك اجن منه
صلح موترك وعين خير
الاايام الجاية ماهي سالفة تقسيط 
لاحظ الموقع اغلبه تنازل للسيارت بدون مقابل 
الوكاد طلبت نصيحة لوجه الله ونصحناك
وباالتوفيق

القسط كبير عاد مدري لو تقدر عليه خلال الفترة ولا لا شي راجعلك وحاول مع راعيها ينزل من ال14 الف باين عليك من محبين الكامري ههههههه

القسط مرتفع . الدفعه مرتفعه جدآ .وانت اساس بتخلص بعد سنة وثمانية شهور بالقسط هذا. والاجمالي بيطلع عليك 67.
موترك دامك تقول نظيف مراح يقل سعره عن 25الف . بعه وأشترلك كامري جديده أصفار و 25دفعه اولى وقسط على هواك

ونصـيحتي دام الشغله مكيف صلحه وتوكل على الله .هذا يبي يعطيك دين وياخذ كاش والله ماتدخل العقل وانااخوك

ماقصرو الشباب امسك موترك وانحش عن الديوون

خليك على سيارتك .. ٢٦٠٠ ما احطها في لكزس

تطلع عليك ب67الف اشوفها غليه جدا وقسط 2600 ريال يكسر الظهر
صلح مكيف موترك. واذا مصمم على سياره جديده بيع سيارتك وقدم يمتها دفعة اولى وبيكون القسط اقل وتاخذ موديل 2017
على ايدك.

أببببببعد. صلح مكيف سيارتك أشرف لك ولا يكلفك ربع ال١٤ ألف، هذا غير القسط.

انصحك خلك على سيارتك
تراك مارقيت ولافيه فرق
والله اني لك ناصح بلاش اقساط ولادفعة حدك كمبريسور ب2000 او حولها والله اعلم

الله يبارك لكم يا شباب في الاهتمام في الرد
بس الي كان محير ان كتير من اخواني يقولي خليك في الجديد
وابعد عن القديم المستعمل .

بس ان شاء الله باخد نصيحتكم ويروح اصلح مكيف سيارتي

بالتوفيق ان شاء الله لك اخوي

وعليكم السلام ورحمة الله وبركاته

رأي الشباب سديد، المكيف مهو ذيك المشكلة اللي تخليك تتحمل بلى مثل الأقساط على ظهرك
ناهيك أن سعر القسط إجرام، وفي النهاية أنت اللي بتتحمل القسط مهو أخوانك.

تمنياتي لك بالتوفيق